Kjarninn - 27.02.2014, Side 28

06/06 topp 5
1 Þessir gítarar eru ekki að virka
Á nýársdag 1962 mættu fjórir drengir frá
Liverpool í stúdíóið hjá Decca Records og
vildu fá plötusamning. Þeir kölluðu sig The
Beatles, eða Bítlana. Þeir voru frekar illa
fyrirkallaðir þennan dag, enda hafði bíl-
stjórinn þeirra villst og bílferðin frá Liver-
pool til London tekið tíu klukkutíma. Þeir
töldu sig þó hafa komið vel fyrir og flutt
lögin eins vel og þeir gátu. Forsvarsmenn
Decca Records voru ekki á sama máli. Þeir
sögðu Bítlunum að þessir „gítarar væru
ekki að virka“, það vantaði einhvern neista.
Líklega myndu þeir alls ekki slá í gegn.
Bítlarnir gengu út, hnípnir. Decca Records
ákvað frekar að veðja á band frá London,
Brian Poole and the Tremeloes. Bítlarnir
héldu sínu striki, fengu útgáfusaming að
lokum. Það sem gerðist í kjölfarið er geymt
á spjöldum sögunnar sem áhrifaríkasta
innreið í listaheiminn frá upphafi. Bítlarnir
sigruðu heiminn og leiddu rokkbyltingu í
leiðinni. Þeir eru áhrifamesta hljómsveit
sögunnar og munu líklega selja plötur
og búa til miklar tekjur svo lengi sem
mannfólkið verður á jörðinni. Það er vægt
til orða tekið að Decca Records hafi ekki
veðjað á réttan hest.