Kjarninn - 27.02.2014, Síða 67

04/04 Álit
að sýna. Íslensku þjóðinni hefur verið sýnd vanvirðing og
hroki sem ákaflega vont er að sitja undir frá sínum ráða-
mönnum og erlendum samstarfsaðilum okkar hefur verið
sýndur fádæma dónaskapur, talað um þá af vanþekkingu
og jafnvel sagt að þeir vilji okkur ekkert nema illt. Og til
hvers? Ekki til neins því málatilbúningurinn er fullkomlega
ónauðsynlegur. ESB er ekki að fara að innlima Ísland á
morgun. Það var ekkert neyðarástand sem þurfti að bregð-
ast við. Ríkisstjórnin og þeir þingmenn sem henni fylgja að
málum hefði getað nálgast málið með allt öðrum og mun
vandaðri hætti en kaus þess í stað að kasta skítabombu
vanvirðingar út í íslenskt þjóðfélag og koma af stað klofningi
hjá þjóð sem enn er í sárum eftir hið mikla hrun sem átti sér
hér stað fyrir ekki nema tæpum sex árum síðan.