Kjarninn - 27.02.2014, Qupperneq 69

02/06 pistill
tækninýjunga einna helst rekja til samfélagsmiðla. Þeir verða
sífellt stærri hluti af daglegu lífi fólks, ekki síst með tilkomu
og útbreiðslu snjallsíma. Lögreglan á höfuðborgarsvæðinu
hefur með skipulögðum hætti reynt að tileinka sér þessa
miðla, fyrst og fremst með það að markmiði að nýta þessa
nýju miðla og nýju tækni til að vinna að því grundvallar-
markmiði að auka öryggi og öryggistilfinningu þeirra sem
búa, starfa og dvelja á höfuðborgarsvæðinu með aukinni
upplýsingamiðlun og gagnvirkum samskiptum við þá sem
lögreglan á að sinna og þjóna.
En hvaða miðlar eru þetta og hvernig nýtast þeir lög-
reglunni? Í þessari grein er ætlunin að fara yfir það helsta
sem lögreglan er að gera á sviði samfélagsmiðla og af hverju.
facebook
Fyrstu skref lögreglunnar á höfuðborgarsvæðinu á
samfélags miðlum voru stigin á Facebook. Notkun á þessum
samfélagsmiðli átti sér nokkurn aðdraganda, enda var þarna
verið að þreifa sig áfram á nýju sviði. Nokkur lögreglulið,
bæði í Evrópu og Bandaríkjunum, höfðu þá þegar stigið fram
á sjónarsviðið á þessum vettvangi og þóttu þau skref jafnvel
þó nokkuð djörf fyrir stofnun eins og lögregluna, sem hefur
á sér yfirbragð íhaldssemi og fyrirsjáanleika. Að sama skapi
hefur lögreglan þörf fyrir það að vera í góðum tengslum við
fólk, en bæði til þess að miðla og taka við upplýsingum og
vegna umtalsverðrar notkunar fólks á þessum samfélags-
miðli var kominn nýr vettvangur fyrir lögregluna líkt og aðra
til að hasla sér völl. Síða lögreglunnar á höfuðborgarsvæðinu
á Facebook sló strax í gegn og er fram á þennan dag mikil-
vægasti samfélagsmiðillinn fyrir lögregluna vegna þess hve
margir Íslendingar nota Facebook. Í dag fylgjast ríflega 47
þúsund manns daglega með því sem lögreglan sendir þar frá
sér og útbreiðslan er enn meiri þegar mikilvæg skilaboð eða
upplýsingar koma frá lögreglunni. Nefna má sem dæmi að á
einum sólarhring sá tæplega helmingur Íslendinga skilaboð
og myndband sem lögreglan sendi frá sér vegna rannsóknar
á neyðarkalli og þegar mikið hefur verið um að vera, eins og