Kjarninn - 27.02.2014, Qupperneq 86

02/03 markaðsmál
Bakgrunnur Hugsmiðjunnar er í vefsíðugerð. Þar var
byrjað á að þróa vefumsjónarkerfið Eplica árið 2001. Í dag
rekur Hugsmiðjan um 500 vefsvæði og opnar nýja vefsíðu
að jafnaði einu sinni í viku. Þar hefur einnig verið þróuð
ákveðin þekking, tækni og hugsunarháttur sem stuðlar að
því að vefirnir eru aðgengilegir fyrir blinda, sjónskerta og
hreyfihamlaða, en einnig að vefurinn lagi sig að öllum skjá-
stærðum. Það þótti því tímabært að miðla reynslunni og efla
íslenskan vefiðnað. Því var Vefakademían sett á laggirnar.
frá a til ö
Vefakademíunámskeiðin eru margvísleg. Í janúar var farið
í grunntækni vefviðmótsins, vefhönnun með tilliti til not-
andans og virkni vefja, og er eitt námskeið eftir á vorönn
um smíði snjallvefja þar sem Már Örlygsson, stjórnandi
vefforritunarsviðs, fer í saumana á hönnunar- og forritunar-
ferlinu fyrir notendaviðmót sem virka fyrir öll tæki og allar
manneskjur.
En það er ekki nóg að hanna fínan vef og
setja í loftið; daglegur rekstur er mjög mikil-
vægur fyrir velgengni vefsvæða. Vefstjórinn
er lykilmanneskja í þessu samhengi. Sá er
oft ritstjóri vefsins, ber ábyrgð á almennu
skipulagi og skrifar gjarnan texta á vefinn,
en er fyrst og fremst ábyrgur fyrir því að vefurinn skili þeim
afköstum sem fyrirtækið þarf.
Þetta er tiltölulega nýtt starf, margir sem gegna því hafa
„óvart“ lent í starfinu vegna hæfileika á einhverjum af þessum
sviðum. Það er talsvert ósamræmi í kröfum fyrirtækja og
kunnáttu starfsmanna í starfinu. Til dæmis kunna ekki allir
vefstjórar HTML-kóðun eða á Photoshop og svo framvegis.
„Til að líða vel í vefstjórastarfinu þarf starfið að vera
vel skilgreint og vefstjóri að búa yfir nauðsynlegri þjálfun
og færni,“ segir í fyrsta kafla Bókarinnar um vefinn sem
Vefakademía Hugsmiðjunnar og Fúnksjón hyggjast gefa
út. Bókinni er ætlað að vera handbók vefstjórans og hjálpa
honum að skilja og gegna starfi sínu sem best.
„Rétt not á talningar tólunum
getur algjörlega breytt því
efni sem fer inn á vefinn.“