Kjarninn - 27.02.2014, Page 88

01/03 kjaftæði
í
fullkomnu og í raun algjöru ofmati bauð ég fram
pólitíska krafta mína síðasta vor. Ég hef nú alltaf
þorað að vera til, mynda mér skoðanir og segja þær,
auk þess sem ég var búin að ganga í gegnum eldhaf
þroska og lærdóms á því hvað máli skiptir í lífinu
misserin á undan. Átti lítin pening en var samt vel í holdum.
Fannst sem sagt nokkuð góð hugmynd að bjóða Íslandi
krafta mína.
Pólitískt gengi mitt var reyndar ágætt, segir mér fróðara
fólk, og að í raun hafi árangur minn verið stórkostlegur
miðað við að ég spilaði ekki eftir óskrifuðum, en þó vel
þekktum, pólitískum leikreglum. Til dæmis hringdi ég hvorki
í gamla bekkjar- og vinnufélaga né gamlar frænkur sem ég
hef ekki gefið mér tíma til að rækta sambandið við í 15 ár.
Fólki sem ég myndi alveg vilja heyra í, en ekki með þessum
formerkjum. Því kom það ekki til greina. Ég „like-aði“ við öll
framboð og flokka á Facebook og sýndi áhuga á starfi þeirra.
ofboðslegt
framboð
Hlédís Sveinsdóttir fjallar um hvenær og hvernig hún komst að þeirri niðurstöðu
að hún skilur ekkert í pólitík
kjaftæði
hlédís sveinsdóttir
Frumkvöðull
kjarninn 27. febrúar 2014