Kjarninn - 03.04.2014, Page 12

02/04 SjáVarútVegur
ú
tgerðarfyrirtækið Vísir hf. í Grindavík til-
kynnti 28. mars síðastliðinn að félagið hygðist
hætta með fiskvinnslu á Húsavík, Þingeyri og
Djúpavogi og flytja alla starfsemi sína á einn
stað í heimabænum Grindavík. Ákvörðunin
féll í grýttan jarðveg á öllum stöðunum þremur, en um 50
starfsmenn störfuðu á hverjum stað og vinnustaðirnir voru
mikilvægir fyrir sveitarfélögin.
Í tilkynningu frá framkvæmdastjóra Vísis hf., Pétri
Hafsteini Pálssyni, vegna aðgerðanna er tekið fram að gripið
sé til þessara aðgerða til þess að bregðast við breyttum
aðstæðum í rekstrarumhverfi fyrirtækisins.
„Miklar breytingar hafa orðið á
mörkuðum erlendis fyrir íslenskan
fisk. Afurðaverð hefur lækkað um
20% og síauknar kröfur eru gerðar
um ferskan fisk, sveigjaleika í fram-
leiðslunni og skjóta afgreiðslu
pantana. Til að mæta þessum
breytingum vinnur Vísir hf. nú að
nýju skipulagi sem miðar að því að
viðhalda óbreyttum fjölda starfsmanna en bæta framlegð
fyrirtækisins sem lækkaði um 50% milli áranna 2012 og 2013.
Hjá Vísi starfa um 200 manns við fiskvinnslu og 100 á skipum
fyrirtækisins,“ segir í tilkynningu frá Pétri.
ekki bara markaðsaðstæður
Þrátt fyrir að það sé uppgefin ástæða breytinganna hjá Vísi
að það þurfi að draga saman seglin til þess að mæta breyttum
aðstæðum, ekki síst á alþjóðamörkuðum, spila fleiri ástæður
inn í. Skuldastaða Vísis hf. samstæðunnar er alvarleg sé horft
til síðasta birta ársreiknings fyrirtækisins, fyrir árið 2012, og
ljóst að fyrirtækið er í varnarbaráttu. Í lok þess árs var eigið
fé fyrirtækisins neikvætt um 12,77 prósent, eða sem nemur
14,5 milljónum evra. Það eru um 2,2 milljarðar króna miðað
við skráð gengi evru gagnart krónu hjá Seðlabanka Íslands.
Undirliggjandi rekstur fyrirtækisins var jákvæður á árinu
SjáVarútVegur
Magnús Halldórsson
L @maggihalld
„Afurðaverð hefur lækkað um
20 prósent og síauknar kröfur
eru gerðar um ferskan fisk,
sveigjanleika í framleiðslunni
og skjóta afgreiðslu pantana.“