Kjarninn - 03.04.2014, Qupperneq 19

11/13 ViðSkipti
fjármálakerfið líka – már undir pressu
Það eru ekki aðeins helstu iðnfyrirtækin sem eru undir smá-
sjánni. Fjármálakerfið er það sömuleiðis, og þá í tengslum við
afnám hafta og úrvinnslu úr eignum þrotabúa föllnu bank-
anna. Íslenska ríkið á 13 prósenta hlut í Arion banka, fimm
prósent í Íslandsbanka og 98 prósent í Lands bankanum.
Framtíðarskipan fjármálakerfisins, hvað eignarhald varðar
og almenna stefnu sömuleiðis, er á borði stjórnvalda og
Seðlabanka Íslands af þessum sökum.
Mikil umræða hefur átt sér stað í viðskiptalífinu að
undanförnu um þessa stöðu, ekki síst um opinbera gagn-
rýni Sigmundar Davíðs Gunnlaugssonar forsætisráðherra
á Seðlabanka Íslands, mögulegar breytingar á lögum um
Seðlabankann og mikla umfjöllun fjölmiðla um launamál
Más Guðmundssonar seðlabankastjóra gegn Seðlabankanum
sjálfum.
Kjarninn hefur undir höndum tölvupóst sem sýnir glögg-
lega að ýmislegt er skeggrætt á meðal áhrifafólks í viðskipta-
lífinu um þessi mál. Póstinn sendi Helgi Magnússon, fjár-
festir og stjórnarmaður í Lífeyrissjóði verzlunarmanna, á
ýmsa áhrifamenn í viðskiptalífinu, þar á meðal stjórnar menn
í lífeyrissjóðum og fjárfesta.
Í póstinum leggur Helgi út frá því hvers vegna Morgun-
blaðið hafi verið svo upptekið af því að fjalla um Má
Guðmunds son og launamál hans gegn Seðlabankanum.
Hann segir að undirliggjandi séu nokkrar ástæður sem séu
frekar „subbulegar“, þar á meðal að Framsóknar flokkurinn
og Sjálfstæðis flokkurinn vilji komast að stýrinu í Seðla-
bankanum til þess að ráða því í hvaða höndum eignir sem
Seðlabankinn heldur á, þar á meðal kröfur í bú föllnu
bankanna, lendi. Þá segir hann Davíð Oddsson, fyrrverandi
formann stjórnar Seðlabanka Íslands og nú ritstjóra Morgun-
blaðsins, vera að reyna að bæta ímynd sína.
Bréfið var sent 16. mars síðastliðinn. Orðrétt segir Helgi í
bréfinu: