Kjarninn - 03.04.2014, Page 56

01/01 SpeS
01/01 spes kjarninn 3. apríl 2014
SpeS Kona handtekin eftir að hún sendi dóttur sinni versta aprílgabb sögunnar
laug að hún hefði heyrt
skothvelli í háskólanum
H
in fimmtíu og fjögurra ára
gamla Angela Timmons
var handtekin í gær af
lögregluyfirvöldum í Suður-
Karólínu, eftir að hún
sendi dóttur sinni eitt misheppnaðasta
aprílgabb sögunnar.
Timmons vinnur á fjármáladeild
Háskólans í Virginíu, en hún ákvað í gríni
að senda 34 ára dóttur sinni SMS-skilaboð
í gærmorgun um að hún hefði heyrt
skothvelli í háskólanum. Dóttir hennar,
April, var þá stödd í New York. Hún sendi
móður sinni skilaboð til baka í mikilli
geðshræringu, en eftir að móðir hennar
svaraði hafði hún samband við lögreglu
sem var send á staðinn í miklu flýti.
Í skólanum var hins vegar allt með
kyrrum kjörum, og var Angela Timmons
handtekin í kjölfarið. Hún var færð til
yfirheyrslu og verður kærð fyrir athæfið.
Við yfirheyrslurnar sagði Timmons að
um saklaust aprílgabb hefði verið að ræða.
Hún hefði oft „grínast“ svona við dóttur
sína 1. apríl í gegnum tíðina.
Ljóst er að hvorki dóttir hennar né
lögregluyfirvöld kunnu að meta þessa
háþróuðu kímnigáfu Angelu Timmons.