Kjarninn - 03.04.2014, Page 72

05/05 lÍfSStÍll
Oftast eru það hnén sem gera fyrst vart við að þeim þyki nóg
gengið. En því er þannig farið að eina leiðin til þess að æfa
sig í að ganga niður brekkur er að ganga niður brekkur. Það
er ekkert tæki í ræktinni og engin trix eða æfingar sem koma
í staðinn fyrir það.
Það er sigurgleði yfir hópnum þegar menn leggjast flatir á
sæng af sinu og mosa niðri við vigtina á ný. Allir sem hingað
eru komnir eftir langan dag vita að þrátt fyrir strengi og
stirðleika í ganglimum og eymsli í iljaþófum hafa þeir staðist
prófið. Sá sem getur þetta mun ekki eiga í erfiðleikum með
Hnúkinn. Teygjuæfingar eru að mestu framkvæmdar liggj-
andi og svo hverfa menn hver til síns heima. Fjall að baki en
fleiri fjöll í blámóðu framtíðarinnar. Þannig á lífið að vera.