Kjarninn - 03.04.2014, Page 83

03/05 tónliSt
hljómsveitunum Tunng og Cheek Mountain Thief, spilar
einnig á plötunni ásamt hljómsveitinni Amiina og er óhætt
að segja að það sé töluvert meira kjöt á beininu í hinu nýja
efni sveitarinnar.
Íslensk-kanadíska rokksveitin Kimono vinnur nú hörðum
höndum að sinni fjórðu breiðskífu og sendi hún á dögunum
frá sér nýja smáskífu. Spectres sýnir bjartari hliðar á Kimono
og er lagið með því aðgengilegra sem hljómsveitin hefur sent
frá sér. Kimono stendur í stórræðum þessa dagana, þar sem
hún safnar fyrir útgáfu á þremur eldri breiðskífum sínum á
vínylformi í tilefni þess að sveitin heldur upp á sitt þrettánda
starfsafmæli, sem telst vera hár aldur í íslensku tónlistarlífi.
Það er mál margra að hljómsveitin hafi aldrei verið betri og
tekur greinarhöfundur fyllilega undir það.
Skakkamanage sendi nú á dögunum frá sér sína þriðju
breiðskífu. Heitir hún Sounds of Merrymaking og er óhætt
að segja að um langþráðan grip sé að ræða. Lítið hefur heyrst
frá sveitinni síðan hún gaf út hina afbragðsgóðu All Around
the Face árið 2008. Meðlimir Skakkamanage hafa ekki setið