Kjarninn - 03.04.2014, Page 86

01/03 kjaftæði
Þ
egar vinkona mín var sumarstarfsmaður á
virðulegu íslensku dagblaði var eitt af verkefnum
hennar að skrifa stjörnuspá dagsins. Á þessum
tíma var hún kotroskinn háskólanemi og hefur
hvorki fyrr eða síðar haft neinn áhuga eða
þekkingu á stjörnuspeki. Hún sagði okkur hlæjandi frá því
að þegar henni fyndist vanta upp á rómantíkina setti hún í
stjörnuspá kærastans að nú væri góður tími til að bjóða mak-
anum út að borða, eða að kaupa blóm til að lífga upp á daginn.
Hann las auðvitað bara stjörnuspá sína til að vita hvaða hálf-
duldu skilaboð kærastan var að senda honum þann daginn.
En hvað með allt hitt fólkið sem las stjörnuspána sína í
blaðinu og trúði á það sem þar stóð? Sem hélt að það sæti
sveittur stjörnuspekingur með sirkil og gráðuboga að mæla
út stöðu himintunglanna á hverju kvöldi og fyndi út að allar
heimsins steingeitur yrðu íhugular daginn eftir, en lukku-
tölur allra hrúta yrðu 3, 14 og 49?
Bogmaður með
græna áru
Katrín Thorsteinsson skrifar um hindurvitni, rafræn faðmlög
og vísindin sem liggja ekki að baki stjörnuspám.
kjaftæði
katrín thorsteinsson
lögfræðingur
kjarninn 3. apríl 2014