Flóra: tímarit um íslenzka grasafræði - 01.02.1964, Side 99

1. mynd. Úr Lystigarðinum. Burknabeðið. Ljósm. H. Hg.
saman nær öllum tegundum íslenzkra blómplantna og byrkninga. Verður það varl
öðru þakkað en dugnaði, þrautseigju og einlægum áhuga þeirra Rögnvaldssona.
Ekki má heldur gleyma því, að á sama tíma fjölgaði hinum erlendu tegundum
verulega, og eru þær nú um það bil fjórfalt fleiri en íslenzku tegundirnar og teg-
undafjöldinn í Lystigarðinum því um tvö þúsund alls.
Enn lialda þeir bræður áfram að safna í garðinn. Kristján hefur tvívegis farið
til Grænlands og komið með álitlegan bunka af lifandi plöntum þaðan. A síðast-
liðnu sumri safnaði hann einnig í Noregi. Er mjög fróðlegt að sjá hvernig þessir
grannlendingar okkar standa sig hér.
Á hverju sumri þarf einnig að safna talsverðu af íslenzkum plöntutegundum,
því æfinlega deyr einhver hluti þeirra út, eða lifir svo aumlega að ekki verður kom-
izt hjá endurnýjun.
hað er furðu mikið verk, að halda við svona stóru plöntusafni, og gera sér víst
fáir það Ijóst. Verkefnin í garðinum eru óteljandi og óendanleg, og raunar meiri
en svo, að tveir menn geti annað þeim, þótt þeir séu allir af vilja gerðir. Er það
því furðuleg ráðstöfun, að skylda forstöðumann garðsins til að sinna alls konar
aukaverkum hér og þar um bæinn. Ekki má minna vera, en hann fái að gefa sig
óskiftan að starfinu í garðinum, og fáa veit ég jafn ólíklega til að leggjast í aðgerð-
arleysi og þá Rögnvaldssyni.
Hingað til hefur mjög skort á, að hin frumstæðustu skilyrði til ræktunar og við-
halds plantna væru í garðinum, t. d. hefur vantað þar sæmilegt gróðurhús. Er þó
útlit fyrir, að úr því rætist á þessu hausti.
Þannig er þá í stuttu máli, forsaga fyrsta íslenzka grasgarðsins. Var það vel við
hæfi, að slíkur garður skyldi rísa hér á Akureyri, á þeim stað, sem grasafræðingurinn
og brautryðjandinn Stefán Stefánsson, hafði verksvið sitt. Er og vert að minnast
7
TÍMARIT UM ÍSLENZKA GRASAFRÆBJ - Flóra 97