Fréttatíminn - 04.04.2014, Side 24

M adaiah og Manjula vinna bæði á Austurlanda Hraðlestinni þar sem
Madaiah er annar aðalkokkanna
en Manjula er aðstoðarkokkur.
Starfa sinna vegna segjast þau
hugsa um mat allan daginn en
það aftrar þeim samt ekki frá því
að elda að degi loknum og njóta
matarins saman með drengjunum
sínum. En Madaiah kemur nú
samt ekki nálægt eldamennskunni
heima. „Það er ekki til siðs á Ind-
landi að karlmaðurinn eldi heima.
Það er kvenmannsverk,“ segir
Madaiah sem vann á fínu veitinga-
húsi í Hassan á Indlandi þegar
honum bauðst vinna á nýjum ind-
verskum veitingastað sem átti að
opna frekar langt í burtu, á Íslandi.
„Bróðir eigandans bjó í Hassan og
vandi komur sínar á veitingastað-
inn þar sem ég vann. Þegar mér
bauðst vinna á Íslandi ákvað ég að
stökkva bara á tækifærið,“ segir
Madaiah. Síðan eru liðin 19 ár.
Íslenskt lamb á indverska vísu
Starfsins vegna er Madaiah oft
í vinnunni fram á kvöld. „Þegar
við borðum öll saman heima þá
elda ég oftast lamb því það er í
mestu uppáhaldi hjá okkur, segir
Madjula. „Íslenska lambið er alveg
ótrúlega gott.“ Þau elda þó ekki
lamb á íslenska mátann heldur á
þann indverska. „Best finnst mér
að hafa sterkt karrí með lambinu
og mikið af tómötum og lauk. Svo
höfum við alltaf hrísgrjón með
því, við borðum voða lítið af kart-
öflum,“ segir Madaiah. Strákarnir
jánka því en uppáhaldsmaturinn
þeirra er fiskur, sem Manjula
myndi heldur aldrei borða ókrydd-
aðan. „Það verður að vera indversk
sósa með honum,“ segir Manjula
og yngri sonurinn, Dhanus, bætir
því við að nammi sé samt uppá-
haldsmaturinn hans.
Grét þegar hún sá Ísland
Við spjöllum saman á blöndu af
ensku og íslensku, á íslensku við
strákana sem Manjula og Mada-
iah skilja ágætlega, en finnst
samt þægilegra að svara á ensku.
„Tungumálið er það erfiðasta við
Ísland. Ég skildi auðvitað ekki
neitt þegar ég kom, nú skil ég flest
en tala enn frekar lítið. Madaiah
er miklu betri en ég, en ég reyni
að æfa mig heima með strákunum.
Það tala allir ensku í vinnunni,“
segir Manjula sem var 22 ára
gömul þegar hún giftist Madaiah
sem hafði þá unnið sem kokkur í
Íslandi í 7 ár. „Mamma þekkti ætt-
ingja Madaiah og okkur var komið
saman. Hann kom í heimsókn til
Hassan frá Íslandi og við vorum
gift. Þegar ég svo átti að fljúga
með honum til nýja heimilisins var
vegabréfið ekki tilbúið svo ég varð
eftir þegar hann fór. Á endanum
þurfti ég að ferðast ein alla leið
til Íslands en ég hafði aldrei fyrr
farið í flugvél. Ég gleymi því aldrei
þegar ég lenti á Íslandi eftir þetta
langa ferðalag og horfði út um
gluggann með augun full af tárum.
Ég saknaði fjölskyldu minnar svo
mikið. Madaiah tók á móti mér
með risastóra úlpu og vafði mig
inn í hana.“
Vilja verða gömul á Indlandi
Þau segjast samt ekki sakna Ind-
lands svo mikið í dag. „Kannski
helst fjölskyldunnar en við reynum
að fara þriðja hvert ár í heimsókn
og vera þá í nokkuð langan tíma.
Svo tölum við saman á skype næst-
um daglega. Eða, jú, ég held ég
verði að viðurkenna að ég sakna
veðursins,“ segir Manjula og
skellihlær. „Og jú, líka matarins,“
segir hún og hlær enn meira. „Ég
sakna úrvalsins af grænmeti og
ávaxtanna sem eru ekki til staðar
hér.“ „En hér er nú samt miklu
betra vatn og ég sakna þess alltaf
þegar við erum á Indlandi,“ skýtur
Madaiah þá inn í.
En hugsa þau sér að snúa til
baka eftir svona mörg ár? „Ég veit
það ekki,“ segir Manjula, „örugg-
lega ekki strákarnir, þeir hafa
alltaf búið hér og þetta er þeirra
heimili, þó svo ég viti ekki hvað
þeir eiga eftir að vilja gera í fram-
Grét þegar ég sá Ísland
Madaiah og Manjula hafa bæði unnið við eldamennsku á Íslandi í fjölda ára. Við hittumst heima
hjá þeim í vesturbæ Reykjavíkur þar sem þau búa með sonum sínum tveimur, Monith og Dhanus,
til að ræða mat og enduðum að sjálfsögðu á að skiptast á uppskriftum.
tíðinni.“ „Mig langar að eldast á
Indlandi,“ segir Mandaiah þá. „Já,
ég hugsa að ég fari þangað þegar
ég verð eldri.“ „Ætli ég komi ekki
með þér,“ segir þá Manjala og þau
hlæja saman.
Uppskriftin sem þau gefa mér
að lokum segja þau vera dæmi-
gerðan hversdagsmat sem þau eldi
oft. Manjula skrifar hana niður
fyrir mig en Madaiah bætir við
kryddum hér og þar og það upp-
hefjast miklar samræður um rétt
krydd og hlutföll, augljóst að þar
fara vanir kokkar, þó svo að annar
eldi heima og hinn úti. Lokaút-
koman er niðurstaða þeirra beggja
sem fellur vonandi í kramið hjá
lesendum.
Halla Harðardóttir
halla@gmail.com
Madaiah og Manjula ásamt drengjunum sínum, Dhanus og Monith. Madaiah kom til
Íslands fyrir 19 árum til að vinna á Austur-Indía félaginu en Manjula fyrir 12 árum,
þegar hún giftist Madaiah. Þau starfa bæði á Austurlanda Hraðlestinni í dag og segj-
ast aldrei fá leið á því að elda góðan mat, hvort sem það er í vinnunni eða heima.
Hversdagslegur hrísgrjónaréttur
með indverskri flatköku
Veg Pulao
1 1/2 bolli basmati hrísgrjón
2 1/2 bolli grænmetissoð
2 smátt skornir vorlaukar
Lítill haus brokkollí eða blómkál
2 smátt skornar gulrætur
Einn sellerísstöngull, smátt skorinn
1/2 tsk. malaður svartur pipar
1 tsk soyasósa
2 anísstjörnur
2 kanelstönglar
10 kardimommur
5 negulnaglar
Turmeric
Cumin
Salt
Tvær lúkur af ristuðum kasjúhnetum
2 tsk. rifinn engifer
2 hvítlauksrif
Ferskt chili fyrir hugaða
2 tómatar, smátt skornir
Hitaðu olíu í pönnu og settu kanilstangir,
turmeric, cumin, negul, kardimommur
og anísstjörnur með. Steiktu þangað til
bragðið hefur runnið í olíuna. Bættu þá
hvíta hluta vorlauksins og steiktu þar
til hann er gylltur. Bættu engifernum
og hvítlauknum við. Svo gulrótum og
brokkolí auk salts og pipars. Bættu svo
soyasósu og selleríi við, og chili fyrir
þá sem vilja, og steiktu í mínútu. Þá er
komið að því að bæta við hrísgrónum
og hræra í 2 mínútur. Svo er grænmetis-
soðinu hellt yfir. Fylgstu með kryddinu og
bættu við eftir smekk. Ekki hræra heldur
eldaðu á lágum hita þar til vatnið hefur
gufað upp, þá er rétturinn tilbúinn. Í lokin
er ristuðu hnetunum, ferskum tómötum
og græna hlutanum af vorlauknum dreift
yfir. Gott er að hafa indverska Raitu,
jógúrtsósu með réttinum.
Chapati brauð ca. 12 stykki
2 bollar heilhveiti
1/2 tsk. salt
4 tsk. olía
3/4 bolli volgt vatn
Hveiti til að hnoða og rúlla
Allt sett í skál og hrært í massa. Massinn
hnoðaður, en ekki of mikið. Smá olía sett
yfir deigið, svo viskustykki yfir og látið
liggja í 15 mínútur. Hitaðu pönnuna og
gerðu litlar bollur úr deiginu á stærð
við golfkúlur, sem þú svo fletur út með
smávegis af hveiti. Steiktu svo brauðið
á vel heitri pönnunni með smávegis olíu
báðum megin þangað til það byrjar að
blása aðeins út. Gott að geyma brauðið
í lofttæmdum umbúðum þangað til það
er borðað.
24 viðtal Helgin 4.-6. apríl 2014