Fréttatíminn - 21.03.2014, Qupperneq 84

KYNNING
fermingar Helgin 21.-23. mars 201412
Toblerone bollakökur
 2 bollar hveiti
 1 ½ bolli sykur
 6 msk bökunarkakó
 1 tsk salt
 1 tsk matarsódi
 3 egg
 2 tsk vanilludropar
 ¾ bolli olía
 1 bolli kalt vatn
 1 x 100 g stöng af Toblerone (saxað)
1. Sigtið saman hveiti, sykur, kakó, salt og
matarsóda, leggið til hliðar.
2. Þeytið saman egg, olíu, vatn og van-
illudropa þar til það verður létt í sér.
3. Bætið þurrefnunum rólega saman við og
skafið vel niður á milli.
4. Bætið Toblerone út í í lokin og hrærið
saman við.
5. Skiptið niður í um 20 bollakökuform og
bakið við 180 gráður í 15-18 mínútur.
Toblerone krem
 500 g flórsykur
 125 g smjör við stofuhita
 3 msk bökunarkakó
 2 stykki 100 g Toblerone (saxað)
 ½ bolli rjómi (hitaður)
1. Bræðið Toblerone yfir vatnsbaði og
blandið rólega saman við hitaðan
rjómann – kælið örlítið.
2. Hrærið saman flórsykur og smjör á
lágum hraða þar til slétt og fellt (skafið
niður á milli). Bætið bökunarkakói útí og
hrærið áfram.
3. Blandið súkkulaðiblöndunni saman við
flórsykursblönduna og hrærið í á meðan,
skafið niður hliðarnar á milli. Aukið
hraðann og hrærið á góðum krafti í um 5
mínútur eða þar til kremið verður létt og
loftkennt.
4. Setjið í sprautupoka og notist við stóran
stjörnustút við skreytinguna, stráið svo
söxuðu Toblerone yfir og stingið Mini-
Tobleronebita í hverja köku.
Gotterí í fermingarveisluna
Berglind Hreiðarsdóttir heldur úti heimasíðunni Gotterí og gersemar þar sem lesendur slefa yfir
girnilegum kökupinnum, kökuskreytingum og fleiru. Berglind færir okkur hér forvitnilegar
uppskriftir fyrir fermingarveisluna.
É g eyði miklum tíma í eldhúsinu þegar ég er ekki að vinna.
Á síðunni sérhæfi ég mig
í öllu tengdu bakstri,
kökuskreytingum og gott-
eríi,“ segir Berglind Hreið-
arsdóttir.
Berglind heldur úti
heimasíðunni Gotterí og
gersemar, Gotterí.is. Á
henni er að finna fjöldann
allan af girnilegum upp-
skriftum af kökum og því
sem þeim tilheyrir.
Hugmyndir héðan og
þaðan
„Ég byrjaði með síðuna um
það leyti sem ég flutti heim
frá Bandaríkjunum fyrir
rúmu ári. Þá hafði ég verið
að dúlla mér við að safna
upplýsingum og efni fyrir
síðuna,“ segir Berglind
þegar hún er spurð um til-
urð heimasíðunnar.
Hvaðan færðu hugmynd-
irnar?
„Ég fæ hugmyndir
héðan og þaðan. Ég skoða
mikið erlend matarblogg,
Pinterest og Youtube. Svo
býr maður til sitt eigið og
blandar saman hugmynd-
um.“
Um að gera að nota
góða nammið
Henta margar af uppskrift-
um þínum fyrir fermingar-
veislur?
„Já. Kökupinnar eru
mjög vinsælir núna. Þeir
eru bæði alveg æðislega
góðir en líta líka rosalega
fallega út á borði. Ég mæli
með þeim á fermingarborð-
ið. Bollakökur og smáréttir
eru líka mjög vinsælir.
Mér hefur fundist að þetta
litla hverfi fljótt af borðinu
á meðan stóra kakan er
kannski ekki mikið snert.
Fólki finnst svo gaman að
smakka margar tegundir.“
Auk þess að vera með
uppskriftir á síðunni sinni
býður Berglind upp á nám-
skeið fyrir áhugasama.
„Þetta eru þrenns konar
námskeið fyrir utan barna-
námskeið; bollakökunám-
skeið, kökupinnanámskeið
og námskeið í sykurmassa-
skreytingum. Þetta gæti
vel hentað þeim sem eru
að fara að halda fermingar-
veislur.“
Í uppskriftunum þínum
hér í blaðinu notastu við
Daim og Toblerone. Er það
vinsælt hráefni?
„Já, það er hægt að
gera rosalega mikið með
Toblerone og Daim. Það
er til dæmis hægt að víxla
þeim í uppskriftunum hér,
það má leika sér með þetta
að vild. Það er um að gera
að nota allt nammið sem
manni þykir gott.“
Allar nánari upplýsingar
um kökupinnagerð er að
finna á www.gotteri.is
Dökkir Daimkökupinnar
 30 kökukúlur (blanda af súkkulaðiköku
og vanillukremi)
 2 pokar smátt saxað Daimkurl sem er
sett út í kökublönduna áður en henni er
rúllað í kúlur.
 Dökkt hjúpsúkkulaði/Candy Melts
 Kökupinnaprik
 Saxað Daim til skrauts.
Ljósir Daimkökupinnar
 30 kökukúlur (blanda af vanilluköku og
vanillukremi)
 2 pokar smátt saxað Daimkurl sem er
sett út í kökublönduna áður en henni er
rúllað í kúlur.
 Ljóst hjúpsúkkulaði/Candy Melts
 Kökupinnaprik
 Saxað Daim til skrauts.
Kökupinnar eru mjög vinsælir núna. Þeir eru bæði
alveg sjúklega góðir en líta líka rosalega fallega út á
borði. Ég mæli með þeim á fermingarborðið.