Sveitarstjórnarmál - 01.02.1976, Side 39

AUÐKÚLUHREPPUR
VIÐ ARNARFJÖRÐ
Heimsókn í fæSingarsveit Jóns Sigurðssonar og m. a.
rætt við Guðmund Ragnarsson, oddvita á Hrafnabjörgum,
sem nýlega hefur komizt í vegasamband við aðra hreppsbúa.
Arnarfjörður
Óvíða gefur að líta tignarlegra útsýni en það,
sem við blasir af Dynjandiheiði fyrir botni
Arnarfjarðar. Á vinstri hönd sér til Suðurfjarða
nær og til Ketildala fjær og á hægri hönd sér út
norðurströnd Arnarfjarðar, og er þar Auðkúlu-
hreppur. Hið næsta sér niður í Geirþjófsfjörð
og yfir í Dufansdal í Fossfirði í Suðurfjarða-
lireppi. Þar sem við stöndum, eru í senn hreppa-
og sýslumörk. Barðastrandarsýsla er að baki, en
við tekur Vestur-ísafjarðarsýsla og Auðkúlu-
hreppur, syðsti hreppur sýslunnar.
Af Dynjandiheiði er komið niður í Dynjandi-
vog. Þar á vinstri hönd Fjallfoss í Dynjandiá.
Handan Meðalness er komið að Mjólkárvirkjun
við bæinn Borg í samnefndum firði. Nokkru ut-
ar með firðinum er Hrafnseyri, fæðingarstaður
Jóns Sigurðssonar.
Hér eru vegamót. Ut með norðurströnd Arn-
arfjarðar er ekið frarn hjá Auðkúlu, sem hrepp-
urinn er kenndur við, út Bauluhúsaskriður, að
Álftamýri og Stapadal, en lengra verður ekki
komizt á ökutæki. Hin leiðin liggur upp Hrafns-
eyrardal, yfir Hrafnseyrarheiði, og er þá kontið
til Dýrafjarðar. Þar er Þingeyri undir Sandafelli.
Oddviti kemst í fyrsta skipti
í akvegasamband
Hjá Guðmundi Ingvarssyni og Ólöfu konu
hans á símstöðinni á Þingeyfi bar á fjörur okk-
ar engan annan en oddvita Auðkúluhrepps, Guð-
niund Ragnarsson á Hrafnabjörgum. Til skamms
tírna varð ekki komizt öðru vísi en fótgangandi
á fund oddvitans, eftir torsóttri leið í fjöru eða
bröttu bergi eða yfir illfæra lieiði. Samgöngur
voru nær því allar sjóleiðina á litlum báturn.
„Sumarið 1974 fékk hugdjarfur maður, Elías
Kjaran Friðfinnsson að nafni, þá liugmynd að
fara með litla jarðýtu eftir örmjórri gönguslóð
utan í Hrafnholum milli Keldudals og Svalvoga.
Þarna er snarbratt berg beint í sjó fram, en með
jarðýtublaðinu tókst honum að rispa í bergið
nógu breiða rák fyrir jeppabíl. Verstu höftin
þurfti þó að sprengja brott. Leiðin milli Sval-
voga og Hrafnabjarga er svo urn 10 km löng, og er
vegurinn nú sæmilega jeppafær alla leið.“
„Ekki var þetta nú fyrir örlæti fjárveitinga-
valdsins eða forsjá Vegagerðar ríkisins", segir
Guðmundur
Ragnarsson,
oddviti
Auðkúluhrepps.
33
SVEITAItSTJÓRNARMÁL