Sveitarstjórnarmál - 01.06.1978, Blaðsíða 34

ÍBÚAFJÖLDI f GÚRÐUM
1. DESEMBER 1976: 4224
Þótt Hafnarfjörður sé gamall og gróinn kaupstaður,
eins og öllum er kunnugt, þá er hlutfallslegur fjöldi
gamals fólks tiltölulega lítill. 4,7% íbúanna eru sjö-
tugir eða eldri. Ef allt þetta fólk, sem nú fyllir yngri
aldursflokkana í Hafnarfirði, verður kyrrt í kaup-
staðnum sjáum við fram á mjög mikla íbúafjölgun
þar næstu áratugi. Umsjá gamalmenna ætti að vera
forsjármönnum Hafnarfjarðar tiltölulega létt í
skauti fyrst um sinn. Hins vegar er þarna mikill
fjöldi ungra fjölskyldukjarna, sem liklegt má telja, að
séu í einhverjum mæli innflytjendur frá Reykjavík.
Ef við lítum svo á Kópavog, kemur í ljós óreglulegri
mynd, en þó ekki ósvipuð með öllu. Börnum fer
fækkandi í Kópavogi, og ungar fjölskyldur eru færri
en miðaldra, að þvi er bezt verður séð. Miðaldra fólk
með stálpuð börn er fjölmennara en ungt fólk með
smábörn. Gamalmennahópurinn er enn fáliðaðri en
í Hafnarfirði, aðeins 2,8% eru sjötugir og eldri.
Frumbyggjar Kópavogs eru ekki enn orðnir gamlir.
Eftir 15—20 ár verður hlutfall gamalmenna í
Kópavogi hins vegar orðið æði hátt, ef að líkum
lætur, en þá veltur lika mikið á því, hvað hefur orðið
um fjölmennustu árgangana, sem nú eru á ungl-
ingsaldri. Þessa hlykki, sem koma fram á Kópa-
vogslínuritinu, má án efa rekja til stefnunnar í hús-
næðismálum í Reykjavík og Kópavogi á mismun-
andi tímum.
Mannfjöldalínurit Garða er sérkennilegast í þess-
um hópi. Á þessu eru nokkrar skýringar, og m. a. ber
að hafa í huga, að íbúafjöldinn hefur rúmlega fjór-
faldazt á síðastliðnum hálfum öðrum áratug. Aug-
ljóst er, að tiltekin fjölskyldugerð sækir í Garða um-
fram aðrar. Ibúarnir eru að sjálfsögðu upp til hópa
aðfluttir, og þar er ekki um að ræða fólk, sem er að
byrja búskap, heldur fólk, sem er farið að nálgast
miðjan aldur, er komið með allstóra fjölskyldu og
þarfnast húsnæðis í samræmi við það. Smábörn eru
fáliðuð, fólk á þritugsaldri sjaldséð í meira lagi, og
gamalmenni hljóta að vekja nokkra athygli þar, sem
þau birtast. Aðeins 2% íbúanna eru sjötugir og eldri.
Bæði Kópavogur og Garðar bera menjar hinnar
hröðu uppbyggingar undanfarinna ára. Eins og
stendur, eru Garðar samastaður miðaldra fólks og
unglinga. Hinir fullorðnu eru sjálfum sér nógir.
Unglingafjöldinn táknar hins vegar, að mikill
þrýstingur er á sviði skólamála. En síðan má velta
fyrir sér spurningum eins og þeirri, hvernig mann-
fjöldalínurit Garða muni líta út eftir 20 ár, þegar
þeir, sem nú eru fertugir til sextugir, eru orðnir sex-
tugir til áttræðir, og hvar verður þá þessi glæsilegi
hópur ungs fólks, 1184 einstaklingar, sem nú eru á
aldrinum 10— 19 ára, 28% íbúanna, en þá verða
30—39 ára?
Sammerkt þessum þremur línuritum er, að hlut-
fall gamalmenna á þeim er töluvert undir meðaltali
þjóðarinnar, en það er um 6,5%, ef miðað er við
sjötugt. Mætavel er vitað, að talsvert er af gömlu
fólki á höfuðborgarsvæðinu. Og reyndar er vitað
hvar það er að finna. Það er í Reykjavík. Reykvíkingar
sjötugir og eldri eru skv. bráðabirgðatölum 1. des-
ember 1977 6720 talsins, eða sem næst 8% borgar-
búa. Aldurssamsetning mannfjöldans í Reykjavík er
þannig mjög verulega frábrugðin þeirri mynd, sem
við fáum í hinum byggðarlögunum. Þar að auki fer
fæðingum fækkandi í Reykjavík. Við erum einnig
rýr i kringum miðjuna, i aldursflokkunum sitt hvoru
megin við fertugt. Varðandi þessa síðasttöldu hópa
berast böndin óneitanlega að nágrönnum okkar, en
SVEITARSTJÓRNARMÁL