Sveitarstjórnarmál - 01.06.1978, Blaðsíða 58

Fyrsti bæjarstjórinn, sem ráöinn er
til starfa að loknum sveitarstjórnar-
kosningunum 28. maí, er Þorsteinn
Þorsteinsson, sem ráðinn hefur verið
bæjarstjóri á Sauðárkróki. Þórir
Hilmarsson fv. bæjarstjóri mun um
sinn gegna störfum við undirbúning
jarðefnaiðnaðar, sem verið hefur á
döfinni á vegum kaupstaðarins.
Þorsteinn Þorsteinsson er fæddur
27. marz árið 1948 á Hofsósi, sonur
Pálu Pálsdóttur, kennara, og Þor-
steins Hjálmarssonar, fv. oddvita á
Hofsósi.
Þorsteinn stundaði nám í Sam-
vinnuskólanum á árunum
1964—1966 og í Verzlunarháskól-
anum í Kaupmannahöfn og lauk
þaðan prófi á árinu 1972. Síðan
starfaði Þorsteinn í þrjú ár í Kaup-
mannahöfn og síðast sem ráðgefandi
rekstrarhagfræðingur hjá Hagvangi
frá árinu 1972, unz hann var ráðinn
til Sauðárkrókskaupstaðar sem bæj-
arstjóri.
Kvæntur er Þorsteinn Kristinu
Hildi Sætran og eiga þau þrjá syni.
JÓN ÞORGILSSON hefur verið
ráðinn sveitarstjóri í Rangárvalla-
hreppi, en Jón Gauti Jónsson, sem
þar var sveitarstjóri á seinasta kjör-
timabili, hefur ráðizt til Nigeríu til
starfa hjá byggingarfyrirtækinu
Scanhouse, sem fslendingar eiga þar i
landi.
Jón er fæddur 31. marz árið 1931 á
Ægissíðu. Foreldrar hans voru
Kristín Filippusdóttir og Þorgils
Jónsson, bóndi þar. Jón lauk lands-
prófi frá Héraðsskólanum að Laug-
arvatni á árinu 1949, var verzlunar-
og skrifstofumaður hjá Kaupfélaginu
Þór á Hellu á árunum 1949 til 1963,
og fulltrúi skattstjóra Suðurlands-
umdæmis frá árinu 1963 til þessa, en
hann er ráðinn sveitarstjóri frá 15.
júlí.
Jón var i hreppsnefnd Rangár-
vallahrepps á árunum 1961 til 1974,
þar af oddviti frá 1966.
Kvæntur er Jón Gerði Þ. Jónas-
dóttur frá Vetleifsholti i Ásahreppi.
EINAR SVEINBJÖRNSSON, ný-
ráðinn sveitarstjóri i Stokkseyrar-
hreppi, er fæddur á Stokkseyri 27.
maí 1952. Foreldrar hans eru Ingi-
björg Sigurgrimsdóttir Jónssonar i
Holti i Stokkseyrarhreppi og Svein-
björn Guðmundsson Einarssonar í
Merkigarði á Stokkseyri. Hann lauk
stúdentsprófi frá Verzlunarskóla fs-
lands á árinu 1974 og kandídatsprófi
frá Viðskiptadeild Háskóla fslands
síðastliðið vor.
Einar hefur samhliða námi starfað
á endurskoðunarskrifstofu í Reykja-
vík og hjá Framleiðsluráði landbún-
aðarins.
Kvæntur er hann Kristinu Frið-
riksdóttur frá Eyrarbakka og eiga þau
eitt barn.
ÞÓRÐUR GfSLASON, hagræðing-
arráðunautur, hefur verið ráðinn
sveitarstjóri Gerðahrepps frá 15. júlí.
Þórður gegndi starfi sveitarstjóra i
Flateyrarhreppi frá 1. ágúst 1970 til
ársins 1973, og var kynntur i 4. tbl.
Sveitarstjórnarmála árið 1970.
Þórður hefur seinustu árin unnið
við ráðgjafarþjónustu, kennt við
Menntaskólann við Hamrahlið og
tölvuvætt stundatöflugerð fyrir skól-
ann og fjölbrautaskólana.
SVEITARSTJORNARMÁL