Sveitarstjórnarmál - 01.06.1978, Blaðsíða 46

JÓN INGIMARSSON, skrifstofustjóri í
heilbrigðis- og tryggingaráðuneytinu:
SAMVINNA Á SVIÐI
HEILBRIGÐISMÁLA
INNAN EVRÓPURÁÐSINS
148
Heilbrigðismálanefnd Evrópu-
ráðsins varsett á stofn árið 1954 og þá
í fyrstu sem ráðgjafarnefnd sérfræð-
inga frá nokkrum aðildarríkjum
ráðsins.
Árið 1966 voru verkefnin orðin svo
umfangsmikil, að nauðsynlegt þótti
að fjölga í nefndinni, og er hún nú
skipuð einum fulltrúa frá hverju
hinna 20 ríkja, sem aðild eiga að
Evrópuráðinu. Hvert ríki ræður einu
atkvæði við atkvæðagreiðslu. Flest
ríkin, önnur en ísland, senda tvo eða
fleiri fulltrúa á fundi nefndarinnar,
en ráðið greiðir ferða- og dvalar-
kostnað fyrir einn fulltrúa frá hverju
landi.
Fundir eru haldnir tvisvar á ári í
aðalstöðvum Evrópuráðsins í Stras-
bourg, og standa þeir 4—5 daga
hverju sinni.
Verkefni nefndarinnar eru þau
helzt:
að undirbúa til undirskriftar og
staðfestingar samninga á sviði
heilbrigðismála milli aðildarríkja
ráðsins.
Hingað til hefur nefndin gengið frá
8 slíkum samningum, sem fjalla um
samræmingu á reglum og fram-
kvæmd mála á ýmsum sviðum, m. a.
varðandi blóðgjöf, liffæraskipti,
flutning líka og um samræmdar
kröfur um nám ýmissa heilbrigðis-
• ætta, svo sem hjúkrunarfólks og
meinatækna.
Auk þessa hefur nefndin samþykkt
22 ályktamr um lágmarkskröfur um
aðstöðu og framkvæmdir á ýmsum
sviðum, svo sem um hreinlæti á
tjaldstæðum, þátt endurhæfingar í
lækningastarfi, matvælaeftirlit,
slysavarnir á þjóðvegum, hávaða-
varnir, lækkun lækniskostnaðar,
íþróttalækningar o. m. fl.
Annað höfuðverkefni nefndarinnar
er að stjórna rannsóknum ýmissa
mála, sem álitið er, að hafi sameigin-
lega þýðingu fyrir flest eða öll aðild-
arríkin og er þá einu sliku verkefni
lokið á hverju ári.
Meðal mála, sem þannig hefur
verið fjallað um, eru:
Framtíðarskipulag heimilislækn-
inga, þörf heilbrigðisþjónustu fyrir
starfsfólk á næstu árum, atriði, er
ráða lengd dvalar í sjúkrahúsum,
heilbrigðisþjónusta í dreifbýli, heil-
brigðisþjónusta utan sjúkrahúsa,
tannheilbrigði og skipulag tann-
læknaþjónustu og svo vandamál
aldraðra frá heilbrigðissjónarmiði.
Rannsóknir þessar annast undir-
nefndir 3ja — 7 sérfræðinga, og hefur
nokkrum sinnum verið leitað til okkar
að leggja til mann i slíkar nefndir.
Nýlega var t. d. Ólafur Höskuldsson,
tannlæknir, starfandi í nefnd, sem
kannaði tannheilbrigði í aðildarríkj-
unum og samræmdar leiðir til varnar
tannskemmdum.
Annar Islendingur, Ólafur Jens-
son, læknir, forstöðumaður Blóð-
bankans, er nú starfandi í fasta-
undirnefnd blóðsérfræðinga.
Loks vinnur María Finnsdóttir,
hjúkrunarfræðingur, nú í undirnefnd
að tilgreindu verkefni á sviði heil-
brigðisþjónustu.
Að síðustu má nefna það verkefni
nefndarinnar að úthluta námsstyrkj-
um til starfsfólks á sviði heilbrigðis-
þjónustu og stjórnsýslu heilbrigðis-
mála.
Árlega eru veittir að jafnaði 5—8
styrkir til þegna hvers aðildarríkis, og
er ekki gert upp á milli ríkjanna.
Þannig hafa allt að 10 íslenzkir
styrkþegar verið styrktir árlega til
náms og kynnisferða og dvalar í ein-
hverju öðru aðildarríki Evrópuráðs-
ins. Allur ferðakostnaður er greiddur
og auk þess fastur dvalarkostnaður í
V2 mánuð til 6 mánuði eftir atvikum.
Algengast er, að Islendingar fái styrki
í 30—60 daga, og er fjárhæðin ríflega
3 þús. franskir frankar á mánuði eða
um 120 þús. ísl. krónur.
Síðan stofnað var sérstakt heil-
brigðisráðuneyti hér á landi haustið
1970 hefi ég verið fulltrúi Islands í
heilbrigðismálanefnd Evrópuráðsins
og setið um það bil annan hvern fund
nefndarinnar. Þrátt fyrir stutt kynni
af störfum nefndarinnar, er ég sann-
færður um gildi þessa samstarfs, og
mér er ánægja að lýsa yfir því, að við
Islendingar getum á ýmsan hátt
miðlað af þekkingu okkar og reynslu
á þessu sviði, þótt fáir séum.
sveitarstjórnarmal