Sveitarstjórnarmál - 01.03.1999, Blaðsíða 15
SKIPULAGSMÁL
„Dagsins glymja hamarshögg“. Ný Súðavík í smíðum. Ljósm. Morgunblaðið. Golli.
komandi yfirvöldum. Boðin
var út vinna við dælingar og
gengið til samninga við
Björgun hf. um það verk.
Unnu þeir verkið í tveimur
verkhlutum og luku dælingu
fyllingarefha í lok ágústmán-
aðar. Akveðið var að nýta
burðarefhi í botni Álftafjarð-
ar vegna vinnu við 3. áfanga.
Vinna við gatnagerð gekk
mjög vel, raunar svo vel að
samþykkt var að hleypa hús-
byggjendum inn á vinnu-
svæðið um miðjan ágústmán-
uð eins og þá var hægt, en á
þessum tíma höfðu þeir aðil-
ar er lentu í altjóni með hús
sín fengið tryggingarbætur
húsanna greiddar.
Framkvæmdum við gatna-
gerð á þessu ári lauk 8. októ-
ber, þremur mánuðum eftir
að vinna hófst. Þriðja áfanga verksins lauk svo sumarið
1996. Samskipti við verktakann gengu mjög vel og
stóðust i öllum aðalatriöum allar áætlanir sem gerðar
voru um verkið, bæði hvað tíma og kostnað varðar.
Malbikun og yfirborðsfrágangur
Um mitt sumar 1995 lá fyrir að í tengslum við fram-
kvæmdir við gerð jarðganga undir Breiðadals- og
Botnsheiði yrði malbikunarstöð flutt á norðanverða
Vestfirði. Mikið lán var að þannig skyldi standa á því
engin malbikunarstöð er öllu jafna á svæðinu. Gengið
var til samninga við Hlaðbæ Colas hf. um malbikun
allra gatna í nýju byggðinni.
Vinnu þeirra lauk um mitt sumar og var þá hafist
handa við annan ffágang. Boðin var út vinna við gerð og
ffágang gangstétta, og bílastæða í húsagötum, en þann
verkþátt unnu Varma- og Hellulagnir hf. sumarið 1996
og í upphafi árs 1997. Þannig hagar til að raffnagns- og
símalögnum byggðarinnar var komið fyrir undir bíla-
stæðum meðfram götum og þau síðan lögð steyptum
hellum. Þetta var gert til þess að auðvelda viðhald þeirra
í ffamtíðinni og koma í veg fyrir að rjúfa þurfi malbiks-
þekjuna vegna viðhalds veitukerfa.
Því má segja að meginþunga verka við uppbyggingu
gatna, holræsa, veitukerfa og frágangi yfirborðs gatna
hafi lokið um haustið 1996. Um sumarið 1997 var unnið
nokkuð að frágangi opinna svæða, en þó er enn ólokið
nokkurri vinnu við slíkan frágang. Það hefúr dregist á
langinn meðal annars vegna þess að nokkur óvissa hefúr
verið um með hvaða hætti flutningi byggðar í Súðavík
verði lokið, en enn hefúr ekki verið leyst hvemig helstu
þjónustufyrirtækjum eins og sparisjóði, verslun, heilsu-
gæslu, pósthúsi og hreppsskrifstofú verði gert kleift að
flytja aðstöðu sína í nýju byggðina.
Flutningur húsa og fyrstu nýbyggingar
Eins og áður segir var ákveðið strax við gerð keppnis-
lýsingar fyrir deiliskipulagssamkeppnina að gert yrði ráð
fyrir flutningi gamalla húsa yfir í nýja þorpið. Nú er búið
að flytja fimm af gömlu húsunum og standa þau öll við
Víkurgötu en hún liggur samsíða þjóðveginum. Þannig
hefur á smekklegan hátt tekist að tengja nýja þorpið sögu
staðarins.
Auk gömlu húsanna voru flutt fjögur timburhús sem
vom í smíðum í gamla þorpinu þegar ógæfan dundi yfir.
Það var reyndar undir eitt af þeim húsum sem fyrsti
sökkullinn í nýja þorpinu var steyptur þann 23. ágúst
1995 eða rúmum sjö mánuðum eftir flóðin.
Þar sem nokkuð var í land með að Ofanflóðasjóður
gæti komið að þessum flutningum á þessum tíma ákvað
hreppsnefnd að setja verkefnið í framkvæmd á eigin
ábyrgð fjárhagslega. Þetta var metið á þessum tíma
nauðsynleg ákvörðun til þess að auka tiltrú íbúanna á að
þorpið yrði flutt. Eftir að öllum formsatriðum hafði verið
fúllnægt greiddi Ofanflóðasjóður áfallinn kostnað vegna
flutnings húsanna.
Þá skömmu áður eða 18. ágúst var hafist handa við að
grafa fyrir átta íbúðum í fjórum húsum við Arnarflöt.
Ibúðuin þessum var ætlað að koma í stað fjögurra íbúða í
félagslega húsnæðiskerfmu sem eyðilögðust í fyrra snjó-
flóðinu og fjögurra félagsíbúða við Nesveg sem stóðu
næst snjóflóðafarveginum.
Eitt gömlu húsanna var fyrsta húsið sem flutt var í í
nýja þorpinu en í það var flutt 23. desember 1995 en
9