Sveitarstjórnarmál - 01.03.1999, Blaðsíða 41

MENNINGARMAL
Menningarborgin hefur þegar dreift upplýsingaefni til ferðaþjónust-
unnar og fjölmiðla og daglega er tekið við fyrirspumum frá erlendum að-
ilum, fjölmiðlum jafnt sem þeim er standa að ferðamennsku. Áður en
fyrsta stóra ritið kemur út í vor verður dagskrá menningarborgarinnar að
mestu lokað og því er mjög mikilvægt að allar upplýsingar um verkefni
liggi fyrir sem allra fyrst. Með haustinu munum við heíja undirbúning
enn stærra kynningarrits sem kemur út undir lok þessa árs og mun það
hafa að geyma enn nákvæmari upplýsingar. Á árinu 2000 verða gefin út
ársfjórðungsrit með ítarupplýsingum urn dagskrá. Þessum kynningar-
gögnum verður dreift hérlendis og erlendis eftir því sem við á. í borginni
verður komið upp aðstöðu á völdum stöðum þar sem hægt verður að sjá
dagskrána á nóttu sem degi, auk þess sem við munum hafa mikla sam-
vinnu við Upplýsingamiðstöð ferðamála við Bankastræti, afgreiðslur
flugfélaga og aðra þá staði þar sem fólk er á faraldsfæti.
Árið sem nú er gengið í garð, árið 1999, verður mikilvægt aðventuár
og þá þarf að vinna vel og skipulega að öllum undirbúningi fyrir hin
miklu tímamót. Nefhd á vegum borgarinnar hefur nýlega tekið til starfa
og mun sérstaklega taka á ýmsum umhverfismálum í Reykjavík, tiltekt,
uppgræðslu, gróðursetningu og öðru sem lýtur að því að koma höfuð-
borginni í sparifötin. Það verkefni tekst þó ekki nema borgarbúar sjálfír
taki vel við sér og bretti upp ermar. Ef við sópum öll stéttina í eigin ranni
mun menningarárið eignast þá fallegu umgjörð sent því ber.
Strax í vor mun menningarborgin vera orðin sýnileg í borgarlandslag-
inu og þannig mun þetta ár verða mikilvægt í kynningu og lokaundirbún-
ingi viðburða ársins.
Verndari M2000 erforseti Islands, Ólafnr Ragnar Grímsson.
I heiðursráði menningarborgarinnar eru i forsœti þau Davíð
Oddsson forsœtisráðherra, frú Vigdis Finnbogadóttir, fyr/yerandi
forseti Islands, Ingibjörg Sólrím Gísladóttir, borgarstjóri Reykjavík-
ur, og Björn Bjarnason menntamálaráðherra. Fjórir íslenskir lista-
menn sem hafa áunnið sér heimsathygli sitja einnig í heiðursráði,
Björk Guðmundsdóttir, Kristján Jóhannsson, Helgi Tómasson og
Erró.
Formaður sjö manna stjórnar menningarborgarinnar er Páll
Skúlason háskólarektor. Stjórnandi er Þórunn Sigurðardóttir, fjár-
málastjóri er María E. Ingvadóttir og formaður fjármálaráðs er
Sigurður Gísli Pálmason. Svanhildur Konráðsdóttir er útgáfustjóri
og tveir framkvæmdastjórar hafa nú hafið störf að innlendum og
erlendum verkefnum, þau Skúli Helgason og Sigrún Valbergsdóttir.
Nánari upplýsingar: http://www.reykjavik2000.is
35