Kjarninn - 19.06.2014, Qupperneq 21

02/11 Viðtal
D
agur B. Eggertsson er nýr borgarstjóri Reykja-
víkur. Hann tók við lyklunum af Jóni Gnarr í
byrjun vikunnar. Þetta er reyndar ekki í fyrsta
sinn sem Dagur er borgarstjóri. Hann náði að
vera slíkur í 100 daga frá haustinu 2007 og fram
í janúar 2008, á einu stormasamasta tímabili í sögu borgar-
innar. Dagur er 42 ára í dag, 19. júní. Þrátt fyrir frekar ungan
aldur hefur hann átt langan pólitískan feril. Hann var bæði
formaður Félags framhaldsskólanema og formaður Stúdenta-
ráðs Háskóla Íslands áður en hann var kosinn fyrst í borg-
arstjórn fyrir Reykjavíkurlistann í maí 2002, þá ekki orðinn
þrítugur. Í millitíðinni lauk hann námi í læknisfræði.
Dagur segist vera betur í stakk búinn í dag til að gegna
stöðunni en hann var þegar hann settist síðast í borgarstjóra-
stólinn. „Ég hélt að ég væri alveg tilbúinn þá. En maður er
alltaf að læra, sem betur fer. Þessi tími með Jóni og Besta
flokknum hefur verið mjög lærdómsríkur og ég er nú mun
betur að mér í öllum rekstri sem borgin kemur að. Eftir
hrunið þurftum við að velta öllu við og nota
öll tækifæri til að spara. Það útheimti mikla
vinnu og yfirlegu en maður öðlast mikla
reynslu af því. Hana mun ég nýta.“
Sá borgarstjóri sem Dagur er að taka við
af er líklega eftirminnilegasti borgarstjóri
sem Reykjavík hefur átt. Og þótt víðar væri
leitað. Hvort sem fólk elskar eða þolir ekki
Jón Gnarr verður hann kyrfilega greyptur
í minni allra. Og Jón ákvað að hætta, þrátt fyrir að skoðana-
kannanir hafi gefið það skýrt til kynna að hann hefði getað
setið áfram á valdastóli hefði hann kosið svo. Dagur segir
að hann og Jón hafi leitað að fordæmum fyrir því hvernig
embættisskipti færu fram þegar borgarstjóri stigi til hliðar
með þessum hætti. „Við fundum engin dæmi um það að
borgarstjóri hefði stigið til hliðar án þess að sitja áfram í
borgarstjórninni,“ segir Dagur.
Viðtal
Þórður Snær Júlíusson
L@thordursnaer
„Það er þörf á uppbyggingar-
starfi. Ég er alveg sam-
mála því. En ég held að
núverandi forysta og þing-
flokkur Samfylkingar innar
eigi að ráðast í það. “