Morgunblaðið - 09.08.2012, Blaðsíða 36

36 DÆGRADVÖL
MORGUNBLAÐIÐ FIMMTUDAGUR 9. ÁGÚST 2012
Stjörnuspá
21. mars - 19. apríl 
Hrútur Það er auðvelt að nálgast þig. Rugl-
ingurinn kemur líklega til af misskilningi í
samskiptum og er, þegar upp er staðið,
engum að kenna.
20. apríl - 20. maí 
Naut Þú þarft að leggja þig alla/n fram í
samskiptum við samstarfsfólk þitt í dag.
Hugsjónir þínar eru vaktar og þú hefur það
sem til þarf svo að þú getir náð takmarki
þínu.
21. maí - 20. júní 
Tvíburar Einhver spenna ríkir í samskiptum
þínum við vini þína. Notaðu kvöldið til að
spjalla við góðan félaga.
21. júní - 22. júlí 
Krabbi Þú hefur gott tækifæri til þess að
skoða samskipti þín við aðra. Ekki er hægt
að verða við öllum kröfum sem lagðar eru á
herðar þér. Pældu í þessu.
23. júlí - 22. ágúst 
Ljón Þú þarft að sýna mikla þolinmæði í
samskiptum þínum við vini og kunningja í
dag. Gerðu hvaðeina sem þú getur til þess
að víkka sjóndeildarhringinn.
23. ágúst - 22. sept. 
Meyja Það er í lagi að treysta sínum nán-
ustu fyrir sínum framtíðardraumum. Róm-
antík og daður geta lífgað upp á daginn.
23. sept. - 22. okt. 
Vog Þú ættir að nota daginn til að velta fyr-
ir þér sambandi þínu við eigur þínar. Vand-
aðu mál þitt svo sem flestir megi skilja,
hvað fyrir þér vakir í umdeildum málum.
23. okt. - 21. nóv.
Sporðdreki Ekki vera ósveigjanlegur í skoð-
unum þínum eða vanafastur í vinnunni.
Vertu á varðbergi gagnvart laumuspili af ein-
hverju tagi.
22. nóv. - 21. des.

Bogmaður Fylgdu hugboði þínu og þér
tekst hugsanlega að koma þér í þá stöðu að
fá tilboð sem þú getur svarað játandi. En
það besta er enn ókomið, trúðu því.
22. des. - 19. janúar 
Steingeit Nú verður ekki undan því vikist
að ganga í málin þótt þau séu þér óljúf. Og
ef þú lendir í að koma flóknu máli á hreint,
muntu verða dáður fyrir vandvirknina.
20. jan. - 18. febr. 
Vatnsberi Njóttu vináttunnar og þiggðu
heimboð sem þér kunna að berast. Gefðu
þér því tíma frá brauðstritinu til að þjálfa
hug þinn og beina þér áfram á þroskabraut-
inni.
19. feb. - 20. mars

Fiskar Hvers konar ný og framandi reynsla
gleður þig í dag. En, ef þínir nánustu eru í
jafn smámunasömu skapi og þú ert núna, er
kannski best að tómleikinn verði allsráðandi.
Davíð Hjálmar Haraldsson kastarfram stökum, sem ef til vill
mætti kalla hverskeytlur, nokkurs
konar afkvæmi ferskeytlu og limru.
Þær snúast um litskrúðugar persón-
ur og gera sér dælt við fáránleikann:
Metúsalem magister
meyjar fær í háttinn
jafnvel þegar borga ber
billjón fyrir dráttinn.
Pantaleon prófessor
púttar oft á hvolfi;
fullyrðir að frábært skor
fáist þá í golfi.
Björgólína bakkalár
brækur keypti síðar
til að vaða allar ár
austanfjalls og víðar.
Konstantínus kandídat
kenndi sund að Fossum
eftir því sem annað gat
átta hundruð tossum.
Aðalbrandur inspektor
átti fræga hryssu
sem í haust var föst í for
felld með hundabyssu.
Elenmundur arkitekt
ætlaði að róa
sæfari er síðast lekt
sást á Húnaflóa.
Gunnar Marel Hinriksson yrkir
öfugmælavísu:
Eitt mig langar ekki neitt,
og orka síst að gera
þótt öllum sé það lýðum leitt:
þá læt ég skáldskap vera.
Hjálmar Freysteinsson hefur um
nokkurt skeið getað helgað skáld-
skapargyðjunni alla sína krafta,
ljóðaunnendum til mikils happs.
Hann veltir fyrir sér þessu hlutskipti
sínu í lífinu:
Loksins getur líf mitt fyllt
léttúð ein.
Hálfum rassi hef ég tyllt
á helgan stein.
Ágúst Marinósson sendir honum
kveðju í léttum dúr:
Hjálmar sest á helgan stein
hálft á fremsta þrepið.
Hefur löngum læknað mein
og líka fáa drepið.
Pétur Blöndal pebl@mbl.is
Vísnahorn
Af öfugmælavísu
og afkvæmi
ferskeytlu og limru
G
re
tt
ir
S
m
á
fó
lk
H
ró
lf
u
r
h
ræ
ð
il
e
g
i
Fe
rd
in
a
n
d
G
æ
sa
m
a
m
m
a
o
g
G
rí
m
u
r
ÞAÐ ER EKKERT SVO
ERFITT AÐ VEIÐA.
BARA SVEIFLA STÖNG-
INNI OG KASTA...
OG ÖSKRA SVO ÞAR
TIL HJÁLP BERST.
LARS LAGERBÄCK ÆTTI
AÐ SJÁ TIL MÍN!
SONUR SÆLL, ÉG ÆTLA AÐ
SEGJA ÞÉR HVERNIG ÞÚ VERÐUR
VINSÆLL HJÁ KVENFÓLKI ...
EKKI BORÐA SPAGETTÍ MEÐ
HÖNDUNUM, EKKI ROPA Á
ALMANNAFÆRI OG SKIPTU UM
FÖT Á SEX MÁNAÐA
FRESTI, SAMA
HVORT ÞÚ ÞARFT
ÞESS EÐA EKKI!
(ANDVARP) ÉG VILDI AÐ PABBI
MINN HEFÐI GEFIÐ MÉR
SVONA RÁÐ!
NEIBB,
ÞAÐ SÉST
EKKERT Á
ÞESSARI
MYND
HELDUR.
Ný þýsk skoðanakönnun sýnir aðrúmlega helmingur þýskra öku-
manna er þess fullviss að hann myndi
ekki ná ökuprófinu yrði það lagt fyrir
hann á ný. 59% ökumanna á aldr-
inum 18 til 29 ára telja að þau myndu
ekki ná prófinu aftur án undirbún-
ings. Þá kvaðst um helmingur að-
spurðra ekki líta um öxl þegar þeir
skiptu um akrein eða legðu af stað út
í umferðina. Svipað hlutfall kvaðst
ekki virða hraðatakmörk.
x x x
Þá kvaðst fjöldi bílstjóra hvorkivirða stöðvunarskyldu né nota
stefnuljós þegar farið væri í stæði
eða úr. Það kæmi Víkverja ekki á
óvart ef yfirfæra mætti þessar tölur
á íslenska ökumenn. Víkverji gætir
þess ávallt að líta um öxl þegar hann
skiptir um akrein og veit sem er að
hliðar- og baksýnisspeglar segja ekki
alla söguna. Sérstaklega geta vél-
hjólaknapar og hjólreiðamenn farið
framhjá bílstjórum. Það er einnig
ástæðan fyrir mikilvægi stefnuljóss-
ins. Ef stefnuljós er gefið einni til
tveimur sekúndum áður en beygt er
eða skipt um akrein getur maður á
mótorhjóli passað sig.
x x x
Þá gat aðeins þriðjungur þátttak-enda í þýsku könnuninni sagt
hvað bíll á 50 km hraða þyrfti langa
vegalengd til að bremsa þar til hann
hefði algerlega numið staðar. Svarið
er 25 metrar.
x x x
Víkverji er viss um að mun fleiri ís-lenskir ökumenn hefðu flaskað á
þessari spurningu. Þegar hann tók
bílpróf fyrir nokkrum áratugum fest-
ist hins vegar í gloppóttu minni hans
setning, sem var eitthvað á þá leið að
hann skyldi hafa það langt í næsta bíl
að hann gæti stöðvað á þriðjungi
þeirrar vegalengdar, sem auð væri
og hindrunarlaus framundan.
x x x
Lesandinn gæti tekið eftir því aðVíkverji hefur í pistli þessum
ekkert sagt um hvort hann teldi að
hann gæti náð bílprófinu á ný án
undirbúnings. Það er með vilja gert.
víkverji@mbl.is
Víkverji
Orð dagsins: Lækna mig Drottinn, að
ég megi heill verða; hjálpa mér, svo að
mér verði hjálpað, því að þú ert minn
lofstír. (Jer. 17, 14.)
Síðumúla 11, 108 Reykjavík,
sími 568 6899, vfs@vfs.is
www.vfs.is
Tilboð á toppasettum
78 hluta toppasett ¼ og ½
Toppar frá 10MM til 32MM.
Framlengingar og bitajárn.
Tilboðsverð Kr. 22.900.-
43 hluta toppasett ¼ með
bitasetti.
Toppar frá 4MM upp
í 13MM
Tilboðsverð kr. 8.900.-
54 hluta toppasett ½ með
föstum lyklum.
Ríkulega búið og gott að
hafa í bílnum.
Tilboðsverð kr. 27.900.-