Morgunblaðið - 28.09.2012, Qupperneq 14

BAKSVIÐ
Baldur Arnarson
baldura@mbl.is
„Meðalskattbyrði er lægri nú en árið
2007 fyrir tekjur upp að 500.000 krón-
um en er vissulega hærri ef tekjurnar
eru meiri. Við erum ekki búin að ná
upp kaupmætti félagsmanna okkar
frá því fyrir hrun en það er ekki
vegna skatta,“ segir Gylfi Arnbjörns-
son, forseti ASÍ.
Tilefnið er útreikningar sem unnir
voru af starfsfólki Alþingis og Rík-
isskattstjóra að beiðni Bjarna Bene-
diktssonar, formanns Sjálfstæðis-
flokksins, en samkvæmt þeim hafa
skattar á alla tekjuhópa hækkað síð-
an á viðmiðunarárinu 2007.
„Alþýðusamband Íslands lagði mat
á áhrif lagasetn-
ingar á Alþingi á
greidda skatta.
Niðurstaðan var
önnur en sú sem
Bjarni Benedikts-
son kynnti. Það
hefur sýnt sig að
upptaka lægra
skattþrepsins og
sú ákvörðun að
breikka bilið á
milli skattleysis-
marka og lægra
þrepsins hefur
dregið úr skatt-
byrði lágtekju-
hópa og fólks með
meðaltekjur.
Það er ekki
óeðlilegt að
meðalskattbyrðin
aukist með hækk-
andi tekjum. Það
er ekki hægt að
gagnrýna stjórnmálamenn fyrir það.
Það er hluti af því jákvæða sem fylgir
því að tekjur aukist. Aðalatriðið er að
hækkun skatttekna ríkissjóðs, sem
aðilar vinnumarkaðarins höfðu skiln-
ing á að yrði hluti af ríkis-
fjármálaáætluninni, var mætt með
því að hlífa lægri tekjuendanum en
auka álögur á tekjuhærri endann.
Skattar hafa því hækkað á tímabilinu.
Það er alveg klárt. ASÍ hefur lengi
barist fyrir því að fjölga þrepum í
skattkerfinu til þess að auka tekju-
jöfnunareiginleika þess.
Við erum því fylgjandi þeim breyt-
ingum sem hafa verið gerðar á skatt-
kerfinu. Þær gagnast tekjulágum en
eru auðvitað íþyngjandi fyrir þá sem
hafa hærri tekjur.“
Telur skattana hafa lækkað
Spurður nánar út í útreikningana
sem voru unnir fyrir Bjarna segir
Gylfi að ASÍ áætli að launþegi með
200.000 krónur í mánaðarlaun borgi
14,1% tekjuskatt, borið saman við
20,1% tekjuskatt árið 2007. Hlutfallið
hjá launþega með 300.000 krónur í
mánaðarlaun sé nú 22,5% en hafi ver-
ið 26%. Þegar tekjurnar séu komnar í
400.000 krónur sé hlutfallið 26,9% en
hafi verið 28,7%.
Til upprifjunar eru útreikningarnir
sem voru unnir fyrir Bjarna birtir hér
ásamt útreikningum Samtaka at-
vinnulífsins, svo og útreikningar fjár-
málaráðuneytisins (til vinstri).
Halldór Árnason, hagfræðingur
Samtaka atvinnulífsins, ber brigður á
útreikninga fjármálaráðuneytisins.
„Útreikningarnir byggjast á ein-
földun og taka ekki tillit til verðbreyt-
inga, annarra en á persónuafslætti.
Samanburður á skattbyrði milli tíma-
bila verður að byggjast á sambæri-
legum launum, þ.e. taka tillit til
launaþróunar. Ástæðan liggur fyrst
og fremst í persónuafslættinum sem
fer yfirleitt hækkandi, ekki af góð-
mennsku einni saman, heldur til að
mæta rýrnun vegna verðbólgu.
Ef ekki er tekið tillit til launaþró-
unar og skattprósentur eru óbreyttar
en persónuafsláttur er hækkaður, líkt
og fjármálaráðuneytið gerir, þá
lækkar skattbyrðin stöðugt. Slíkir út-
reikningar gefa ekki rétta mynd.
Réttasta myndin fæst með því að
færa laun á mismunandi tímum á
sama verðlag með launavísitölu.
Sama á við með persónuafsláttinn. Sé
það gert kemur í ljós að skattbyrði
allra tekjuhópa hefur hækkað frá
2007, um 2-6% á tekjubilinu 200.000
til 1.000.000 krónur. Sama gildir ef
skattprósentan 2007 væri hin sama
nú árið 2012 og persónuafsláttur hinn
sami og nú er þá væru einnig allir að
greiða minni skatt en þeir gera nú,“
segir Halldór.
Má í þessu samhengi rifja upp að
skattleysismörkin voru 90.000 krónur
árið 2007 en eru 124.600 kr. í dag.
ASÍ og SA ósammála um skattinn
 ASÍ telur tekjuskatt hafa lækkað síðan 2007  SA telja skattinn hins vegar hafa hækkað síðan 2007
 Fjármálaráðuneytið vísar á bug útreikningum um að tekjuskatturinn hafi hækkað á tímabilinu
Þrjú skattþrep
» Tekjuskattur einstaklinga á
árinu 2012 er sem hér segir: Í
fyrsta þrepi er greiddur
37,34% skattur upp að
230.000 króna tekjum.
» Í öðru þrepi er greiddur
40,24% skattur upp að
704.366 krónum.
» Þriðja og síðasta þrepið
nær til tekna frá og með
704.367 kr. en það er
46,24%.
Skattbyrði í staðgreiðslu
tekjuskattur og útsvar, 2007 og 2012 (% af tekjum)
45%
40%
35%
30%
25%
20%
15%
10%
5%
0%
0 100 200 400 600 800 1.000 1.200
(þús. kr./mán.)
2007
2012
Samkvæmt útreikningum fjármálaráðuneytisins
Morgunblaðið/Kristinn
Tekjur og skattar Deilt er um hvort tekjuskattur á einstaklinga hafi hækkað síðan þensluárið 2007.
Gylfi
Arnbjörnsson
Halldór
Árnason
Skattbyrði einstaklinga 2007 og 2012
Tekjuskattsstofn (kr.)
M
eð
al
te
kj
us
ka
tt
ur
40%
35%
30%
25%
20%
15%
10%
5%
0%
100
þús.
200
þús.
400
þús.
600
þús.
800
þús.
1.000
þús.
1.200
þús.
1.300
þús.
Skattbyrði 2012
Skattbyrði 2007
Útreikningar SA
fyrir 2007
14,1%
26,9%
31,4%
34,3%
36,7% 38,3%
38,9%
32,1%31,8%31,0%29,8%27,8%
23,9%
12,1%
Heimild: Starfsfólk Alþingis, Ríkisskattstjóri
12,5%
24,1%
28,0%
29,9%
31,1% 31,8% 32,1%
14 FRÉTTIRInnlent
MORGUNBLAÐIÐ FÖSTUDAGUR 28. SEPTEMBER 2012
Nærri 100 Færeyingar, flestir úr
Gøtu og nágrenni, ætla að gæða
sér á kræsingum úr íslenskri nátt-
úru og stíga dans með bjarg-
veiðimönnum í Vestmannaeyjum í
kvöld. Um 430 manns höfðu í gær
keypt miða í matinn á hinu árlega
lundaballi, árshátíð Bjargveiði-
mannafélags Vestmannaeyja.
Veislan hefur aldrei verið jafn fjöl-
menn og nú. Auk þess er reiknað
með 150-200 manns á dansleikinn.
Bjarnareyingar skipuleggja ball-
ið að þessu sinni. Hlöðver Guðna-
son, Bjarnareyingur og formaður
Bjargveiðimannafélagsins, sagði að
Færeyingarnir væru að endur-
gjalda heimsókn sönghópsins „Blítt
og létt“ til Færeyja.
„Þetta þýðir að Bjarnareyingar
halda stærsta lundaball allra
tíma,“ sagði Hlöðver. „Við erum
með mjög veglega skemmti-
dagskrá og gerum grín að okkur
sjálfum og öðrum úteyingum.
Hljómsveitin Hrafnar spilar á ball-
inu auk Bjartmars Guðlaugssonar.
Einnig leiða Hrafnar fjöldasöng
ásamt Árna Johnsen. Það var auð-
veldara að fá Hrafna en lunda á
ballið!“
Bjarnareyingar fengu að fara í
Grímsey í sumar og háfa þar lunda
fyrir veisluna. Á borðum verður að
sjálfsögðu reyktur og steiktur
lundi. Auk þess verður boðið upp á
kjöt af langreyði og hrefnu, bæði
ferskri og reyktri, súrsað hval-
rengi og selkjöt, lamb, svartfugl,
þorsk, blálöngu og karfa auk með-
lætis. Í pásunni eftir fjöldasönginn
upp úr miðnætti verður borin fram
humarsúpa. gudni@mbl.is
Fjölmennasta
lundaballið í kvöld
 Færeyingar endurgjalda heimsókn
Morgunblaðið/RAX
Bjarnarey Hlöðver Guðnason á leið
í bjargið eftir eggjum.Þú átt betri samskipti
Þú verður virkur þáttakandi á mannamótum, getur sinnt
vinnu og námi betur og tekið þátt í félagslífinu með ReSound
heyrnartækjum því þau hjálpa þér að halda uppi samræðum í
hvaða hljóðumhverfi sem er.
Fáðu heyrnartæki til reynslu og heyrðu lífið hljóma eins og það er.
Hlíðasmára 11 · 201 Kópavogur · Sími: 534 9600 · heyrn.is
Komdu í greininguhjá faglærðumheyrnarfræðingi