Morgunblaðið - 28.09.2012, Side 16

16 FRÉTTIRInnlent
MORGUNBLAÐIÐ FÖSTUDAGUR 28. SEPTEMBER 2012
Efnt verður á sunnudag til helgi-
göngu á Gufuskálum sem lýkur
með messu í Ingjaldshólskirkju.
Helgistundir með keltnesku trú-
arívafi verða haldnar á Gufuskál-
um, við Írskrabrunn og við stein-
hleðslur í flæðarmálinu.
Lagt verður af stað frá Ingjalds-
hólskirkju kl. 12 á hádegi og ekið í
rútu að fiskbyrgjum við Gufuskála.
Þaðan verður gengið með kelt-
neskan sólkross að einu byrgjanna
og þar haldin stutt helgistund.
Frá byrgjunum verður ekið að
Írskrabrunni og gengið að brunn-
inum með krossinn og haldin þar
helgistund. Síðan verður ekið aftur
að Ingjaldshólskirkju, þar sem
messa hefst kl. 14.
Eftir messu verður boðið upp á
kirkjukaffi í safnaðarheimili kirkj-
unnar.
Helgiganga Við fiskbyrgi á Gufuskálum.
Helgiganga á Gufu-
skálum á sunnudag
Vísindavaka
Rannís verður
haldin í Há-
skólabíói í dag
frá klukkan 17 til
22.
Katrín Jak-
obsdóttir
mennta- og
menningar-
málaráðherra
setur Vís-
indavökuna kl. 17 og afhendir við-
urkenningu Rannís fyrir vísinda-
miðlun. Að setningu lokinni verður
sýningarsvæðið opnað.
Á Vísindavökunni mun fræðafólk
frá háskólum, stofnunum og fyr-
irtækjum kynna viðfangsefni sín
fyrir almenningi á lifandi og
skemmtilegan hátt. Gestir fá að
skoða og prófa ýmis tæki og tól sem
notuð eru við rannsóknir, skoða
ýmsar afurðir og spjalla við vís-
indafólkið sjálft um hvernig er að
starfa að vísindum, rannsóknum og
nýsköpun. Í ár verður lögð áhersla á
lifandi vísindi og uppákomur á sviði
og eru börn og ungmenni sér-
staklega boðin velkomin á Vís-
indavöku.
Um 70 sýnendur verða á svæðinu
til að kynna rannsóknir og viðfangs-
efni sín, þar á meðal háskólarnir í
landinu og rannsóknastofnanir auk
fjölmargra fyrirtækja.
Upplýsingar um dagskrána er að
finna á vefnum www.visindavaka.is.
Vísindavaka Rannís
í Háskólabíói í dag
Börn skemmta sér
á Vísindavöku.
STUTT
Reykjavíkurborg hefur gert kaup-
tilboð upp á 445 milljónir króna í
Umferðarmiðstöðina og lóð sem
henni fylgir. Seljendur eru Mynni
ehf. og Landsbanki Íslands. Stað-
festingu kauptilboðsins var frestað í
borgarráði í gær að beiðni fulltrúa
Sjálfstæðisflokksins.
Borgin hyggst nýta Umferð-
armiðstöðina sem miðstöð almenn-
ingssamgangna. Hugmyndin er að
breyta leiðakerfi Strætó bs. þannig
að Umferðarmiðstöðin taki að mestu
við hlutverki skiptistöðvarinnar á
Hlemmi. Kaupunum fylgir leigu-
samningur við Kynnisferðir. Þá á að
bjóða fleirum aðstöðu t.d. fyrir far-
miðasölu, upplýsingaþjónustu, bíla-
leigur, leigubíla og hjólaleigu o.fl.
Borgin gerir ráð fyrir fjölbreyttri
uppbyggingu á svonefndum U-reit
sem afmarkast af nýju Hringbraut í
suðri, gömlu Hringbraut í norðri, í
austri af götu í framhaldi af Naut-
hólsvegi og í vestri af lóð bensín-
stöðvar. Hugmyndin er að þar rísi
blönduð byggð lítilla og meðalstórra
íbúða sem muni henta ungu fólki.
Dagur B. Eggertsson, formaður
borgarráðs, sagði að kominn væri á
bindandi samningur af hálfu bank-
ans með fyrirvara um samþykki
borgaryfirvalda. Hann sagði að
þarna yrði miðstöð fólksflutninga á
landi, bæði fyrir rútur og stræt-
isvagna. „Það væri spennandi að
geta flutt miðstöð Strætó fyrir upp-
haf næstu vetraráætlunar í ágúst á
næsta ári,“ sagði Dagur.
Einnig þyrfti að skoða vel þá
möguleika sem opnuðust með þessu
sléttlendi við Vatnsmýrina, Kvosina
og nýjan Landspítala þar sem meira
en 50 þúsund manns ynnu og næmu
daglega. „Hvernig við getum tengt
saman strætó og hjólreiðar og gert
borgina skemmtilegri og aðgengi-
legri,“ sagði Dagur.
Kynnisferðir sendu síðdegis í gær
frá sér yfirlýsingu þar sem fram
kemur m.a. að fulltrúar fyrirtæk-
isins hafi að undanförnu átt í við-
ræðum við borgina um hugmyndir
að breyttum rekstri BSÍ. Viðræð-
urnar hafi engri niðurstöðu skilað
enn og því engar ákvarðanir verið
teknar. Kynnisferðir muni hins veg-
ar halda viðræðunum við borgaryf-
irvöld áfram. gudni@mbl.is
Rútur, strætó og hjól
 Reykjavíkurborg hefur gert tilboð í Umferðarmiðstöðina
 Þar á að verða miðstöð almenningssamgangna á landi
Umferðarmiðstöðin Reykjavíkurborg hyggst kaupa Umferðarmiðstöðina og landsvæði í grennd við hana.
Hjörtur J. Guðmundsson
hjorturj@mbl.is
Botni kreppunnar á Íslandi var náð
á árinu 2010 og síðan hefur vöxtur
átt sér stað á ný og kjör almenn-
ings batnað. Þetta er á meðal nið-
urstaðna síðari skýrslu Þjóðmála-
stofnunar Háskóla Íslands fyrir
velferðarráðuneytið um áhrif fjár-
málahrunsins á lífskjör þjóðarinnar
en hún var unnin af Stefáni Ólafs-
syni prófessor, Arnaldi Sölva
Kristjánssyni hagfræðingi og Kol-
beini Stefánssyni félagsfræðingi og
kynnt á blaðamannafundi í ráðu-
neytinu í gær. Fyrri skýrsla stofn-
unarinnar kom út síðastliðið vor.
Vandinn varð til fyrir hrun
Fram kemur í síðari skýrslunni
að rúmlega 91% af því sem skuldir
heimilanna fóru mest í 2009 hafi
þegar verið orðið til á árinu 2007
og 99% í lok árs 2008. Ástæðan
fyrir þessu er ekki síst gengisfell-
ingar sem áttu sér stað áður en
bankarnir hrundu að sögn Stefáns.
Þá hafi alvarlegur greiðsluvandi
heimilanna minnkað um nær fjórð-
ung frá því að hann náði hámarki
2009 sem áður segir vegna úrræða
stjórnvalda og verulegrar hækk-
unar vaxtabóta sem hafi verið
beint til þeirra sem höfðu lægri
tekjur.
Samkvæmt skýrslunni var um
áramótin 2011-2012 búið að af-
skrifa hátt í 15% af heildarskuldum
heimilanna og hátt í 5% til viðbótar
hafi verið komið í afskriftarferli.
Sagði Stefán þetta í samræmi við
mat Alþjóðagjaldeyrissjóðsins.
Fram kom í máli Stefáns á fund-
inum að þótt tekist hefði almennt
að halda vel aftur af atvinnuleysi í
kreppunni hefði störfum engu að
síður fjölgað of hægt eftir hrunið.
Það væri þó algengur vandi í
skuldsettum ríkjum eftir fjármála-
kreppur og ástæðan ekki síst sú að
fyrirtæki væru mjög skuldsett við
slíkar aðstæður og héldu því að sér
höndum varðandi ráðningar starfs-
manna og fjárfestingar.
Tekjur ellilífeyrisþega
lækkað of mikið
Varðandi það sem betur hefði
mátt fara að öðru leyti sagði Stefán
að barnabætur hefði þurft að
hækka til þess að styðja við barna-
fjölskyldur og þá ekki síst þær sem
hefðu keypt sér fasteignir síðustu
árin fyrir hrun á háu verði. Þá
hefði skerðing grunnlífeyris al-
mannatryggingakerfisins bitnað
illa á ellilífeyrisþegum með milli-
og hærri tekjur. Þeir tekjuhæstu
hefðu verið vel varðir en tekjur
annarra hefðu hins vegar lækkað
of mikið.
Botni krepp-
unnar náð
á árinu 2010
 91% skulda heimilanna til staðar 2009
Morgunblaðið/Styrmir Kári
Velferð Stefán Ólafsson prófessor
flytur erindi á fundinum í gær.
Umferðarmiðstöðin var tekin í notkun 21. nóvember 1965. Bifreiðastöð
Íslands, sem annaðist afgreiðslu fyrir flesta sérleyfishafa, flutti þá í ný-
byggt en ófullgert húsið. Lokið var við bygginguna um veturinn.
Félag sérleyfishafa fékk lóðina í Vatnsmýri við Hringbraut og Gunnar
Hansson arkitekt teiknaði húsið. Framkvæmdir hófust í apríl 1960. Um-
ferðarmiðstöðin kostaði um 19 milljónir á sínum tíma.
Kostaði 19 milljónir
UMFERÐARMIÐSTÖÐIN Í ALDAMÓTAMÝRI
Hverafold 1-3 | Smáralind | Grettisgata | Turninn, Höfðatorgi | 511 1710 | svanhvit@svanhvit.is | svanhvit.is
SÆKJUM OG SENDUM PERSÓNULEGAN FATNAÐ STARFS-
MANNATIL FYRIRTÆKJAOG SKILAFTUR EFTIR HREINSUN
Komum til ykkar tvisvar í viku, sækjum óhreinan þvott og
skilum hreinum. Hreinsum, þvoum og pressum allt eftir því
hvað við á og hverjar óskirnar eru. Skilum honum síðan til
baka á næsta komudegi okkar á skrifstofuna.
FYRIRTÆKJAÞJÓNUSTA SVANHVÍTAR
SJÁUMUMALLAN ÞVOTTFYRIR FYRIRTÆKIÐ,
KOMUMTVISVAR SINNUM ÍVIKU, SÆKJUMOGSKILUM
Efnalaug - Þvottahús
Leigjum borðdúka
Hvort heldur sem er fyrir
veisluna, brúðkaup, ferm-
ingar eða til veitingahúsa.
Leigjum gólfmottur
Skipt út vikulega eða
oftar eftir þörfum.
Loftmynd/Reykjavíkurborg