Morgunblaðið - 10.11.2012, Side 14

VIÐTAL
Björn Jóhann Björnsson
bjb@mbl.is
„Við höfum verið að fara yfir okkar
verkferla og viðbragðsáætlanir en
ekki náð að ljúka því. Það hefur hvert
tekið við af öðru, fyrst þetta veður,
síðan jarðskjálftar og óveðrið í síð-
ustu viku. Núna erum við í sambandi
við Veðurstofuna vegna viðvarana
um slæmt veður
um helgina,“
sagði Víðir Reyn-
isson, deildar-
stjóri hjá Al-
mannavörnum,
við Morgunblaðið
í gær, spurður út í
hvaða vinnu hefur
verið farið í kjöl-
far norðanhrets-
ins í byrjun sept-
ember sl.
Viðbrögð og veðurspár í tengslum
við þetta hret hafa verið talsvert í
umræðunni í vikunni í kjölfar um-
mæla Ögmundar Jónassonar innan-
ríkisráðherra á Alþingi, um að eng-
inn hefði spáð fyrir um óveðrið eða
varað við því. Fram kom í viðbrögð-
um Veðurstofunnar að þó að veður-
spárnar hefðu verið slæmar þá náðu
þær ekki þeim viðmiðunum að hafa
samband við Almannavarnir með
formlegum hætti.
Víðir segir Almannavarnir hafa
skoðað ákveðna hætti í sínum
viðbrögðum.
„Það var strax lýst yfir almanna-
varnaástandi í Þingeyjarsýslum og
menn hafa velt fyrir sér hvort merki
voru á lofti um að lýsa yfir slíku
ástandi víðar á Norðurlandi. Fyrstu
dagana benti ekkert til þess þar sem
engar aðstoðarbeiðnir komu til lög-
reglu eða Almannavarna, annars
staðar en í Þingeyjarsýslum. Í ein-
hverjum tilvikum var haft samband
beint við björgunarsveitir sem fóru
til aðstoðar bændum á vissum svæð-
um í Skagafirði og Eyjafirði. Eitt af
því sem við erum að skoða hvort okk-
ar verkferlar varðandi það að lýsa yf-
ir almannavarnarástandi séu nógu
skarpir. Við vinnum náið með Veð-
urstofunni og erum með samráðs-
fundi reglulega,“ segir Víðir en eftir
helgina munu Veðurstofan og
Almannavarnir hittast og fara yfir
málin.
Þröskuldar lækkaðir?
„Við ætlum að skoða hvort það
hefði mátt gera hlutina eitthvað öðru-
vísi. Það er ekkert víst að veðurspáin
hafi gefið það til kynna. Ákveðin við-
mið eru í gildi um hversu slæmt veð-
urútlitið þarf að vera til að sérstakar
viðvaranir eru gefnar út og Almanna-
varnir látnar vita. Þarna virðist veðr-
ið hafa verið innan þeirra viðmiða en
þá er spurning hvort þurfi að lækka
þröskuldana eitthvað og endurskoða
þessi viðmið. Við munum meðal ann-
ars skoða hvort veðrið fyrir norðan
hafi verið það einstakt að það kalli
ekki á breytt viðmið, eða hvort
ástæða sé til að breyta verklaginu.“
Gildandi viðbragðsáætlun er þann-
ig að vakthafandi veðurfræðingi ber
að hafa samband við Almannavarnir
ef vindhraði og úrkoma fara yfir
ákveðin mörk. Víðir segir þetta gert
með jafnt óformlegum eða formleg-
um hætti, allt eftir alvarleika
ástandsins hverju sinni. „Við komum
tilkynningu Veðurstofu á framfæri
við fjölmiðla og upplýsum yfirvöld á
þeim stöðum sem tilkynningin nær
til,“ segir Víðir. Spurður hvort Al-
mannavörnum hafi borið að hafa
samband við Veðurstofuna að fyrra
bragði, í ljósi slæms veðurútlits
fyrstu vikuna í september, segir
Víðir stöðuna ekki hafa verið metna
með þeim hætti. Stormviðvörun Veð-
urstofunnar að morgni laugardags,
degi fyrir hretið, hljóðaði upp á 18-23
m/sek á landi, rigningu á láglendi og
snjókomu eða slyddu til fjalla. „Við
töldum þá að þetta væri ekki veður
sem myndi valda sérstökum vand-
ræðum. Ef vindhraðinn er ekki meiri
en 23 metrar á sekúndu þá upplýsir
Veðurstofan okkur ekki sérstaklega.
Síðan gerðist það að hitastigið reynd-
ist lægra en menn reiknuðu með og
vindur heldur meiri.“
Almannavarnir fara yfir
verkferla og viðbragðsáætlun
Morgunblaðið/Júlíus
Annríki Samhæfingarmiðstöð Almannavarna í Skógarhlíð hefur átt annríkt.
 Ræða við Veðurstofuna um viðbrögð við hretinu á Norðurlandi í september
Víðir Reynisson
14 FRÉTTIRInnlent
MORGUNBLAÐIÐ LAUGARDAGUR 10. NÓVEMBER 2012
BRYNJAR NÍELSSON í 3. sæti
í prófkjöri Sjálfstæðisflokksins í Reykjavík 24. nóvember 2012
Kæra sjálfstæðisfólk!
Ég og stuðningsmenn mínir
bjóðum ykkur velkomin á
opnun kosningaskrifstofu
minnar að Borgartúni 12-14
í dag kl. 16.
Allir velkomnir. Léttar veitingar
og lifandi tónlist. Sjáumst.
Brynjar Níelsson.
Kosningaskrifstofan, Borgartúni 12-14, er opin alla virka daga frá kl. 16.30-21.00
og um helgar frá kl. 13.00–18.00. Símanúmerið er 588-1181.
Átta lið úr framhaldsskólum lands-
ins keppa til úrslita í Boxinu -
framkvæmdakeppni framhalds-
skólanna í dag, laugardag, í Há-
skólanum í Reykjavík. Keppninni
var frestað um viku vegna óveð-
urs.
Keppnin stendur yfir frá kl.
10.00-16.30. Lokaspretturinn mun
að öllum líkindum vekja mesta
spennu en liðin leysa síðustu
þrautirnar upp úr kl. 15.00. Úrslit
verða tilkynnt og verðlaun afhent
við athöfn sem hefst kl. 16.30 í Sól-
inni í HR.
Fimm nemendur eru í hverju liði
en þau lið sem keppa til úrslita
fengu flest stig í undankeppni sem
haldin var á dögunum. Í Boxinu
leysa framhaldsskólanemendur
þrautir sem reyna á hugvit, verk-
lag og samvinnu. Um þrautabraut
er að ræða með nokkrum stöðvum
og fara liðin á milli og leysa eina
þraut á hverjum stað.
Markmiðið með keppninni er að
kynna og vekja áhuga á tækni,
tækninámi og störfum í iðnaði og
gera verkviti hátt undir höfði.
Keppnin hefur verið haldin einu
sinni áður. Háskólinn í Reykjavík,
Samtök iðnaðarins og Samband ís-
lenskra framhaldsskólanema
standa að Boxinu.
Framhaldsskóla-
nemar keppa í hug-
vitssemi í HR
Margir knapar náðu ágætum ár-
angri í sýningum kynbótahrossa á
árinu, án þess að mikilla áverka
yrði vart á hrossunum. Þegar Félag
hrossabænda greindi frá veruleg-
um áverkum á kynbótahrossum var
birtur listi yfir þá knapa sem sýndu
tíu sinnum eða oftar á árinu en
reyndust með fæsta áverka. Á list-
anum sem birtur er hér sést að
sumir eru algerlega með áverka-
laus hross þótt oft hafi verið sýnt.
Áverkar reyndust vera á 21,5%
sýningarhrossa á árinu. Er það
meira en á síðustu árum. Raunar
hafa áverkar aukist ár frá ári, frá
2009.
Alls sýndu 44 knapar tíu sinnum
eða oftar á árinu. Af þeim voru
sautján með áverka í fjórðungi sýn-
inga eða meira. Félag hrossabænda
sendi þeim bréf til að vekja athygli
á því að þeir væru með fleiri
áverkaskráningar en meginþorri
knapa í kynbótasýningum. Þá var
tilgangurinn að stuðla að hest-
vænni sýningum í framtíðinni.
Á listanum yfir þá knapa sem
sýndu oft en fengu fæsta áverka er
Gísli Gíslason á Þúfum í Skagafirði.
Hann sýndi 28 sinnum, algerlega án
áverka á hrossunum. Þorvaldur
Árni Þorvaldsson sýndi 29 sinnum
en skráðir voru tveir áverkar og
Lena Zielinski sýndi 21 sinni og var
skráð með einn áverka.
Eins og fram hefur komið fund-
ust einnig margir áverkar á hross-
um sem komu til keppni á Lands-
móti hestamanna og Íslandsmóti í
hestaíþróttum.
helgi@mbl.is
Knapar með fæsta áverka á hrossum
í kynbótasýningum á árinu 2012 (10 sýningar og fleiri)
Heimild: Félag hrossabænda
Knapi HlutfallSýningar Áverkar
Anna Sigríður
Valdimarsdóttir
Benedikt Þór
Kristjánsson
Gísli Gíslason
Lena Zielinski
Líney María
Hjálmarsdóttir
Olil Amble
Steingrímur
Sigurðsson
Þorvaldur Árni
Þorvaldsson
Þórarinn
Eymundsson
0%
9,1%
0%
4,8%
7,7%
0%
9,1%
6,9%
6,3%
11
0
11
1
28
0
21
1
1
0
1
2
1
13
12
11
29
16
Sýna vel án þess
að valda áverkum