Morgunblaðið - 17.11.2012, Qupperneq 37

UMRÆÐAN 37
MORGUNBLAÐIÐ LAUGARDAGUR 17. NÓVEMBER 2012
Dalvegi 6-8
201 Kópavogur
Sími 535 3500
www.kraftvelar.is
kraftvelar@kraftvelar.is
Kraftvélar bjóða upp á heildarlausn
í lyfturum, allt frá vöruhúsatækjum
til stærri dísel- og rafmagnslyftara
Vertu í sambandi
við sölumenn
kraftvéla og fáðu
tilboð í tæki sem
hentar þínum
rekstri
Mér sýnist sem
prófkjör Sjálfstæð-
isflokksins í Reykja-
vík sé að veita kjós-
endum tækifæri til að
endurnýja framboðs-
lista flokksins í höf-
uðstaðnum og styrkja
með því stöðu hans
um land allt. Við lif-
um á tímum van-
trausts á stofnunum
og stjórnmálamönnum og þurfum
frambjóðendur, sem hafa sannað
að þeir séu trausts verðir. Jakob
F. Ásgeirsson bókaútgefandi og
rithöfundur er einn þeirra. Jakob
vakti snemma athygli á sér sem
einn af ritfærustu og skörpustu
blaðamönnum og síðar dálkahöf-
undum Morgunblaðsins. Eftir
hann liggur líka einn tugur bóka,
þar á meðal eru fjögur stórvirki;
saga Íslendinga í viðjum hafta
(tímabær lesning nú á dögum),
ævisaga framtaksmannsins Al-
freðs Elíassonar og Loftleiða, ævi-
saga Péturs Bendiktssonar sendi-
herra og þingmanns og saga
Valtýs Stefánssonar ritstjóra
Morgunblaðsins. Allt eru þetta
ómissandi og læsileg rit hvert á
sínu sviði.
Jakob gerði í nokkur ár hlé á
ritstörfum og lauk BA- og M.Litt.-
prófum í stjórnmálafræði, hag-
fræði og heimspeki í Oxford-
háskóla.
Frá því um aldamót hefur Jak-
ob unnið við bókaút-
gáfu, þar af átta ár
sem eigandi Bóka-
félagsins Uglu, sem
margir þekkja, ekki
síst af vel völdum rit-
um um þjóðfélagsmál.
Fyrir þetta framtak
hefur Jakob hlotið
verðugt lof, enda
vandað til verka með
ómældri vinnu og
stuðningi sinnar
ágætu konu, Mar-
grétar Gunnarsdóttur
sagnfræðings. Jakob hefur verið
allt í senn, framkvæmdastjóri, yf-
irlesari og lagermaður. Þessi litla
en líflega útgáfa hélt velli, á með-
an mikill hluti af fyrirtækjum
landsmanna fór á hausinn í hruna-
dansinum, enda voru þau hjón frá-
bitin dansinum. Sjálfur get ég
vottað að orð Jakobs eru engu
síðri en skriflegir samningar við
stöndugri forlög.
Í átta ár hefur Jakobi tekist að
halda úti tímaritinu Þjóðmál með
fjölbreyttu efni, þótt margir teldu
slíkt vonlaust verk á tölvuöld.
Tímaritið er mikilvægt málgagn
frjálslyndrar hægristefnu, sem er
inntakið í stefnu Sjálfstæðisflokks-
ins. Ritstjórinn hefur hins vegar
ekki hikað við að gagnrýna flokk-
inn og forkólfa atvinnulífsins, þeg-
ar honum hefur sýnst þeir villast
af leið og víkja frá gömlum og
góðum gildum. Skrif Jakobs sýna
að hann hefur aldrei talið við-
skiptahætti sem einkennast af
græðgi og sérgæsku æskilega fyr-
ir samfélagið, hvað þá að hann
hafi sjálfur tamið sér slíkt eða
reynt að maka krókinn með þátt-
töku í stjórnmálum. Heilbrigð
sjónarmið hans gætu tvímælalaust
verið Sjálfstæðisflokknum til
styrktar við að endurreisa at-
vinnulífið úr rústum féfletta, sem
hér fengu allt of lausan tauminn.
Þegar á allt er litið, virðist mér
sem fáir menn séu jafnvel undir
það búnir að bjóða sig fram til
þings og Jakob F. Ásgeirsson
vegna mannkosta hans, starfa og
menntunar. Ég teldi það raunar
mesta afleik, ef sjálfstæðismenn í
Reykjavík virkjuðu ekki jafn-
öflugan mann til starfa fyrir sig á
Alþingi á örlagatímum. Fyrir
tæpri öld bauð Jakob Möller, rit-
stjóri og síðar fjármálaráðherra,
sig fram til þings gegn sjálfum
forsætisráðherranum og þótti
djarft. En stuðningsmennirnir
voru galvaskir og kjörorð þeirra
var löngum í minnum haft: ,,Kobbi
skal á þing!“
Eftir Þór
Whitehead » Fáir menn eru jafn-
vel undir það búnir
að bjóða sig fram til
þings og Jakob F. Ás-
geirsson vegna mann-
kosta hans, starfa og
menntunar.
Þór Whitehead
Höfundur er sagnfræðingur.
Jakob á þing
Á yfirstandandi
kjörtímabili hefur
mikið verið rætt um
uppbyggingu og end-
urreisn samfélagsins.
Sumir telja að end-
urreisninni sé lokið,
aðrir telja að hún sé í
fullum gangi og enn
aðrir telja hana óþarfa
umstang. Hvort sem
ástæða er fyrir endurreisn eða ekki
er ljóst að endurnýja þarf traust al-
mennings á stjórnmálum og stofn-
unum samfélagsins. Við erum fá-
menn þjóð og höfum ekki efni á öðru
en að leggjast öll á eitt – jafnvel þótt
það þjóni ekki okkar ýtrustu sér-
hagsmunum. Til þess að það takist
þarf að sameinast um verkefnið og
skilja í hverju það liggur.
Traust er fyrst og fremst gott
samræmi milli stefnu, orða og verka
og það samræmi þarf að haldast
hvernig sem aðstæðum háttar.
Hvort sem það eru stjórnmálamenn
eða opinberar stofnanir er þetta
samræmi grundvallaratriði til að
byggja upp traust. Stjórnmálamenn
vinna fyrir alla íbúa landsins að al-
mannahagsmunum. Til að hægt sé
að gæta almannahagsmuna þurfa
stjórnmálamenn að hafa góða til-
finningu fyrir þeirri stefnu sem þeir
standa á og því sem brennur á lands-
mönnum.
Stjórnmálamenn standa á hug-
sjónum ákveðinna flokka en í út-
færslu hugmyndafræðinnar er ekki
nóg að hugsa til flokks-
ins eða hagsmuna eign
kjósenda heldur þarf að
skoða hagsmuni út frá
sem flestum sjón-
arhornum. Í þeirri vinni
er mikilvægt að leita
stöðugt nýrra leiða til
að leysa verkefni. Til að
hægt sé að bæta stofn-
anir samfélagsins þarf
að fara í vandaðar fag-
legar og fræðilegar út-
tektir á öllum opinber-
um stofnunum og í framhaldi þarf að
skerpa á hlutverkum, verkferlum og
hugmyndafræði.
Uppbygging samfélags er ekki
átaksverkefni sem lýkur með nýrri
stjórnarskrá, endurskoðun nátt-
úruverndarlaga eða nýju fiskveiði-
stjórnarkerfi. Það er ekki nóg að
setja ný lög heldur þarf að leyfa
þeim að útfærast og mótast í sam-
félaginu og sú aðlögun getur tekið
mörg ár. Til þess að það geti tekist
þarf þolinmæði, stillingu og hóf.
Eftir Ingu Sigrúnu
Atladóttur
Inga Sigrún Atladóttir
» Við erum fámenn
þjóð og höfum ekki
efni á öðru en að leggj-
ast öll á eitt – jafnvel
þótt það þjóni ekki okk-
ar ýtrustu sérhags-
munum.
Höfundur er guðfræðingur og bæj-
arfulltrúi í Vogum.
Sátt um samfélagið