Morgunblaðið - Sunnudagur - 04.11.2012, Qupperneq 8

Vettvangur
8 MORGUNBLAÐIÐ SUNNUDAGUR 4.11. 2012
F lest fer vel ef við skiljum að ein stærstaáskorun lífsins er að setja annan fótinnfram fyrir hinn og halda áfram,“ segir eldra
og vitrara fólk gjarnan þegar rætt er um tíma-
bundna erfiðleika okkar sjálfra eða samfélagsins
alls.
Þessi orð komu ítrekað upp í hugann þegar ég
skoðaði nýbirta skýrslu McKinsey & Company
um íslenska hagkerfið og þær áskoranir sem bíða
okkar til að auka hér vöxt og velferð. Full af
hvatningu, von og lausnum er skýrslan einnig góð
áminning um mikilvægi þess að hér náist sátt um
það sem mestu skiptir – að halda áfram. Að við
sem þjóð setjum annan fótinn fram fyrir hinn og
nýtum tækifærin sem bíða í hverju nýju skrefi.
Skýrslan er sem sagt bæði athyglisverð og
gagnleg. Hún ber þess merki að vera skrifuð af
aðilum sem horfa á sóknarfæri þjóðarinnar án
þess að gæta sérstakra hagsmuna og einblína á
meginþætti fremur en einstaka þætti. Helsta nið-
urstaðan er skýr. Við þurfum sátt um aukinn vöxt,
meiri framleiðni og fjárfestingu. Og það gerum
við best með því að búa vel að grunnatvinnuveg-
unum en stuðla um leið að fjölbreyttu atvinnulífi
þar sem nýsköpun, útflutningur og betra verð fyr-
ir auðlindir skipta miklu. Þarna liggja okkar tæki-
færi, vaxtarmöguleikar og leiðir út úr þeim erf-
iðleikum sem hindrað hafa íslenskt hagkerfi. Og
hlutverk stjórnvalda er að skapa umhverfið sem
fóstrar slík tækifæri með sanngjörnu regluverki,
hófsömum álögum og öflugri menntun.
Styrkleikar okkar eru augljósir og veikleikarnir
klárlega allir þess eðlis að við getum líka unnið
með þá, skref fyrir skref. Framleiðni og arðsemi
er ekki eins mikil og hún gæti verið hér, þrátt fyr-
ir að við vinnum flestar vinnustundir þeirra þjóða
sem við helst berum okkur saman við. Það skortir
því ekki á vilja okkar til vinnu en eitthvað skortir
á skýr markmið og kröfur um árangur. Þetta virð-
ist eiga jafnt við um atvinnulífið og hið opinbera.
En þjóð sem er vön að leggja mikið á sig, takast á
við erfiðleika og leysa það sem fyrir hana er lagt –
mun ekki víkja sér undan því að bæta það sem
bæta þarf.
Við stöndum á þeim tímamótum að taka
ákvarðanir um hvert við viljum stefna. Viljum við
áfram lokað hagkerfi þar sem vaxtarmöguleikar
okkar eru fáir og svigrúm til athafna takmarkað
eða viljum við nýta þau fjölmörgu tækifæri sem til
staðar eru. Skýrsluhöfundar leggja til að við náum
sátt um síðari leiðina og telja að þar skipti mestu
aukin samvinna stjórnmála, atvinnulífs og al-
mennings í landinu að sameiginlegu markmiði.
Markmiði um að auka hér vöxt – markmiði um að
halda áfram.
En til þess þarf stjórnvöld sem þora, geta og
vilja. Stjórnvöld sem líta fremur til þess sem sam-
einar en þess sem sundrar og stjórnvöld sem vita
að fái fólkið sjálft að nýta tækifærin verður sam-
eiginlegt markmið okkar allra um vöxt og velsæld
skýrt. Grundvallaratriðið er að við komumst á
betri stað og komandi kynslóðir njóti þess að við
tókum höndum saman, náðum að yfirstíga vand-
ann og héldum áfram – skref fyrir skref.
Höldum áfram
* Við þurfum sátt um aukinn vöxt, meiriframleiðni og fjárfestingu.
ÚR ÓLÍKUM ÁTTUM
Hanna Birna
Kristjánsdóttir
hanna.birna.kristjansdottir@reykjavik.is
Æfingar standa nú yfir á glænýju
og óvenjulegu leikriti sem frum-
sýnt verður á Akureyri síðla mán-
aðarins. Þar glíma Þráinn Karls-
son, Gestur Einar Jónasson og
Aðalsteinn Bergdal við það
skemmtilega verkefni að leika
sjálfa sig.
Jón Gunnar Þórðarson, skrifari
verksins og leikstjóri, tekur svo til
orða að þremenningarnir leiki
„gamla, bitra, geðilla leikara sem
halda að þeir séu virtir, dáðir og
sívinsælir!“ Leikritið kalla þeir Ég
var einu sinni frægur og það verð-
ur sýnt í Ketilhúsinu á vegum Silf-
urtúnglsins. Jón Gunnar hefur far-
ið fyrir því félagi og m.a. sett upp
söngleikinn Hárið í Hofi.
Jón Gunnar hefur setið við
skriftir undanfarinn mánuð og sett
saman handrit eftir fjölda viðtala
við leikarana. „Þeir nota sögur úr
eigin reynslu; Gestur Einar þolir
ekki Gogga úr Stellu í Orlofi, Alli
Bergdal þolir ekki Skralla trúð og
Þráinn Karlsson þolir ekki þegar
fólk segir við hann; mikið líturðu
vel út!“
Inn í sýninguna fléttast tónlist
úr þeim verkum sem þeim þykir
hafa staðið upp úr á 50 ára leiklist-
arferli.
„Gestur minnist á tímann sinn í
útvarpinu, Alli reynir að selja
heilsukrem frá Hrísey þar sem
hann býr og Þráinn bölvar flestum
sýningum sem hann hefur tekið
þátt í!“
Verkið er í anda Grumpy Old
Men, þar sem Jack Lemmon og
Walter Matthau fóru á kostum.
Sýningin gerist á Kanarí og fjallar
um ferð eldri borgara frá Akureyri
sem fer algjörlega úr böndunum …
Gamlir og geðillir
ÞRJÁR KEMPUR AÐ NORÐAN, GESTUR EINAR, ÞRÁINN OG ALLI BERGDAL, LEIKA SJÁLFA
SIG; GAMLA, BITRA OG GEÐILLA LEIKARA SEM HALDA AÐ ÞEIR SÉU DÁÐIR OG VINSÆLIR!
Skapti Hallgrímsson skapti@mbl.is
Gestur Einar Jónasson, Þráinn Karlsson og Aðalsteinn Bergdal sem þeir sjálfir í
leikritinu Ég var einu sinni frægur í leikstjórn Jóns Gunnars Þórðarsonar.
Ljósmynd/Þórhallur Jónsson
Prestar huga að vetri
Vetur konungur mætti til leiks í
vikunni og netverj-
ar hófu undirbúning
fyrir komandi tíð.
Séra Hjálmar
Jónsson dóm-
kirkjuprestur
bauð til dæmis
negld snjódekk til sölu á Facebook.
Nánast ónotuð að eigin sögn en
eftir að hann endurnýjaði bifreið
sína eru dekkin sem hann átti fyrir
of lág fyrir þá nýju.
Annar séra, Hild-
ur Eir Bolla-
dóttir, prestur í
Akureyrarkirkju,
sagðist verða aft-
ur 10 ára í svona
veðri. „Heima í Laufási, Zitroën-
bíllinn fenntur í kaf, útvarpsþul-
urinn að aflýsa skólahaldi og öðr-
um mannfögnuðum, ekki að það
veki hugrenningatengsl, við Bolli
bróðir að leita að einhverju sætu í
suðurbúrinu en þar eru bara kok-
teilber og súkkulíki frá Lindu.“
Rok í Reykjavík
Þá gustaði hressilega um lands-
menn í vikunni og tíndust inn
stöðuuppfærslur sem báru því
vitni. Innanhússráðgjafinn sjálfur
Sesselja Thorberg, eða Fröken
Fix, mátti þannig horfa á eftir
blómapottunum sínum brotna
meðan ruslatunnan hjá Marsibil
Sæmundardóttur rúllaði í
burtu. Öllu verra
var ástandið hjá Jó-
hönnu Kristjóns-
dóttur rithöfundi,
hjá henni voru þak-
plötur að losna af
húsinu hennar í
Vesturbænum. Lífskúnstnerinn og
skaupskríbentinn Halldór Hög-
urður átti þó fok-status dagsins:
„Ef þessi vindátt helst þá verður
slegið mannfjöldamet í Hafnarfirði
innan skamms.“
Airwaves
Þá eru ljósmyndir af Airwaves farn-
ar að birtast á Facebook þar sem
maður og annar
er merktur inn á
hressar tónleika-
myndir. Meðal
þeirra sem
skemmtu sér þar
saman í vikunni voru Solla Eiríks-
dóttir, Linda Pétursdóttir og
hráfæðiskokkurinn David Wolfe.
AF NETINU