Morgunblaðið - Sunnudagur - 04.11.2012, Síða 16

*Ungt fólk sækir í að ferðast um heiminn að loknum framhaldsskóla nú sem endranær »18Ferðalög og flakk
Hér í Princeton hefur einungis miðbærinn haft rafmagn allt
frá því fellibylurinn Sandy fór um með tilheyrandi voða og
eyðileggingu síðastliðinn mánudag. Tré rifnuðu víða upp
með rótum og lést einn bæjarbúi í hamförunum.
Fólk hefur flykkst á kaffihús og bókasafnið til að komast í
netsamband og að hlaða símana sína. Rafmagnið er ekki vænt-
anlegt fyrr en á á mánudag og má því sjá óvenju marga á ferli.
Princeton er annars lítill bær, einkum þekktur fyrir Prince-
ton-háskólann virta. Hér bjó Albert Einstein síðustu tuttugu
ár ævinnar en Princeton-búar eru afar stoltir af vísindamann-
inum. Má t.a.m. finna safn tileinkað honum í miðbænum. Við
aðalverslunargötuna hefur uppstoppaður íslenskur verðlauna-
hrútur, Lindi, löngum gætt ullarverslunar einnar. Hefur hon-
um oft verið rænt, nú síðast í júlí sl.. Er hans enn sárt saknað.
Margrét Hannesdóttir, söngnemi.
Princeton-háskóli í Bandaríkjunum er vel þekktur og virtur.
Lindi og Einstein eru báðir nátengdir
Princeton. Hrútsins er reyndar saknað.
Af rafmagnsleysi
og íslenskum hrút
Tré rifnuðu víða upp með rótum þegar
Sandy gekk yfir svæðið á dögunum.
PÓSTKORT F
RÁ PRINCET
ON
Margrét Hannesdóttir
Andri Yrkill Valsson og Elís Orri Guðbjartsson útskrif-uðust úr Menntaskólanum á Akureyri 17. júní og eru núlagðir af stað í heimsreisu. Þeir ferðast um Asíu, Eyja-álfu og Norður-Ameríku og koma heim í apríl.
„Með dyggri hjálp frá ferðaskrifstofunni Kilroy varð draumur
okkar að veruleika og erum við nú staddir í borginni Jaipur á
Indlandi,“ segja Akureyringarnir. Þeir pöntuðu ferð um land-
ið með indverskri ferðaskrifstofu og á flugvellinum í Dehli
beið þeirra bílstjóri sem verður þeim til halds og trausts.
Fólk hjálpsamt og indælt
Eftir nótt í Dehli var ekið út á þjóðveginn áleiðis til
Jaipur. Þeim fannst bílaflotinn ekki merkilegur. „Ekki
var óalgengt að sjá gamla Willys-jeppa eða Trabant-
bíla á þjóðveginum, en þeir teljast nánast til safngripa
heima á Íslandi. Jórtrandi uxar á umferðareyjum full-
komnuðu svo andrúmsloftið. Þegar ferðast er við
þessar aðstæður er óhjákvæmilegt að láta hugann
reika. Að sjá barn að leik á götu sem mundi ekki
uppfylla kröfur fyrir sorphaug á Íslandi lætur mann
sjá sjálfan sig í nýju ljósi. Maður var sjálfur ekkert
frábrugðinn börnunum hér í æsku, eini munurinn er
að við fæðumst inn í annað umhverfi. Í kjölfar þess
opnast okkur allir þeir möguleikar sem við getum
hugsað okkur og endalaus tækifæri í lífinu. Slíkur
munaður lætur mann hugsa um framtíð barnsins sem
hafði svo mikil áhrif á mann í gegnum bílrúðuna. Þetta er
þó einungis fyrsta upplifunin af þessum nýju og framandi
aðstæðum og látum við staðalímyndina ekki ráða ferð-
inni. Það fólk sem við höfum komist í kynni við er mjög
hjálpsamt og indælt, meira að segja maðurinn sem reyndi
að selja okkur eiturlyf úti á götu var kurteis. Indland er
einnig gríðarlega fallegt og umhverfið lætur engan ósnort-
inn. Við erum því ekkert nema ánægðir með dvölina hing-
að til og horfum jákvæðum augum á framhaldið.“
lifideftirma.wordpress.com.
STÚDENTAR Á FARALDSFÆTI
Heimsreisa
var það, heillin!
ALGENGT ER AÐ UNGT FÓLK BREGÐI UNDIR SIG BETRI
FÆTINUM AÐ LOKNU NÁMI OG KYNNI SÉR FRAMANDI
LÖND OG MENNINGU. HEIMURINN ALLUR ER UNDIR.
Skapti Hallgrímsson skapti@mbl.is