Morgunblaðið - Sunnudagur - 04.11.2012, Page 28

*Matur og drykkir Matarboð þar sem gestirnir þekkjast ekki er uppskrift að skemmtilegri kvöldstund »32
G
uðrún Hrund Sigurðardóttir á langa reynslu að
baki í eldhúsinu en í 13 ár skrifaði hún og eldaði
fyrir Gestgjafann og þar af starfaði hún sex ár
sem ritstjóri. Guðrún Hrund reiddi fram saltfisk-
rétt sem hefur verið í eftirlæti hjá henni í nokkur ár en al-
mennt er hún afar hrifin af hráefninu.
„Ég geri allt mögulegt við saltfisk. Steiki hann, baka í ofni,
geri bollur og set í pottrétti. Það er endalaust hægt að leika
sér með hann en mér þykir mikilvægt að nota góða bita svo
sem hnakkastykki og þá sérstaklega í þennan rétt,“ segir
Guðrún Hrund.
Guðrún Hrund segir tímann á Gestgjafanum hafa verið
ótrúlega skemmtilegan en fyrir um tveimur árum breytti hún
til og fór út í verslunarrekstur þegar hún keypti Búsáhöld í
Kringlunni ásamt eiginmanni sínum. Þar ráðleggur hún fólki
hvers konar potta, pönnur og áhöld er best að nota undir
hvers konar mat og má segja að hún hafi nú reynt hvernig
það er að vera beggja vegna borðs í matreiðsluheiminum.
„Mér finnst eins og áhugi Íslendinga á því hvers konar
búnað þeir nota í eldhúsinu vera að aukast, fólk virðist vilja
borga meira til að fá potta og pönnur sem endast þá jafnvel
út ævina þannig að þessir hlutir eru farnar að ganga á milli
kynslóða sem er mjög skemmtilegt.“
Að lokum hvetur Guðrún Hrund fólk til að prófa sig áfram
með saltfiskinn en hún er það mikill aðdáandi hans að í fyrra
var hún með sér saltfiskþátt í Gestgjafanum.
Morgunblaðið/Kristinn
MATARRITSTJÓRI SEM FÓR ÚT Í VERSLUNARREKSTUR
Saltfiskur í uppáhaldi
GUÐRÚN HRUND SIGURÐARDÓTTIR GERIR ALLT MÖGULEGT ÚR SALTFISKI
SEM ER EITT HENNAR EFTIRLÆTISHRÁEFNI.
Júlía Margrét Alexandersdóttir julia@mbl.is
Guðrún Hrund Sigurðardóttir er reynslubolti í matargerð,
meðal annars sem ritstjóri Gestgjafans í mörg ár.
Fyrir fjóra
800 g saltfiskur,
helst hnakkastykki
svartur pipar
1-2 dl klettakáls- og
basilíkupestó
Hitið ofn í 170°C. Kryddið fiskinn og
veltið upp úr pestó. Bakið í eldföstu
móti í um það bil 10-12 mínútur.
Berið fram með parmesankartöfl-
umús og basilíku.
KLETTAKÁLS-
OG BASILÍKUPESTÓ
1 poki klettakál
2-3 stilkar basilíka, má sleppa
2 hvítlauksgeirar
pipar
1 msk. valhnetur, saxaðar eða
furuhnetur
4 msk. rifinn parmesanostur
½-1 tsk. sykur
2 dl olía
Setjið allt nema olíu í matvinnsluvél
og maukið. Bætið olíunni smám
saman við þar til pestóið er orðið
hæfilega þunnt.
PARMESANKARTÖFLUMÚS
500 g kartöflur,
skrældar og soðnar
1-2 dl rjómi
3-4 msk. söxuð fersk basilíka
salt
svartur pipar
rifinn parmesanostur
Hitið ofn í 180°C. Stappið kartöflur
eða pressið með kartöflupressu í
skál. Blandið rjóma, parmesanosti
og basilíku saman við og kryddið.
Setjið blönduna í smurt, eldfast mót
og stráið parmesanosti yfir.
Bakið í 5-10 mínútur.
Saltfiskur
í pestósósu