Morgunblaðið - Sunnudagur - 04.11.2012, Qupperneq 51

M
Efnahagsmál
Romney hyggst lækka skatta, loka götum í skattalöggjöfinni og ganga harðar fram í niðurskurði á
opinberum útgjöldum en andstæðingur hans. Hann hefur þó ekki tilgreint nákvæmlega hvar hann
hyggst skera niður. Romney segir velgengni sína í viðskiptum til marks um að hann viti hvernig eigi
að blása lífi í efnahaginn.
Heilbrigðismál
Repúblikanar hafa lagt áherslu á andstöðu sína við heilbrigðislöggjöf Obamas og afnám hennar.
Romney kom sambærilegum breytingum í heilbrigðismálum í gegn þegar hann var ríkisstjóri í
Massachussetts og hefur verið varkár í yfirlýsingum. Hann hyggist breyta reglum, en ekki er ljóst
hvað á að koma í staðinn. Þá vill hann breyta skaðabótalöggjöfinni þannig að mörk verði sett á
skaðabótamál gegn læknum og sjúkrahúsum.
Varnarmál
Öfugt við Obama, sem leggur áherslu á að Bandaríkin snúi sér að Asíu, horfir Romney til hefð-
bundinna bandamanna, einkum Breta og Ísraela. Hann hefur gagnrýnt fjárlagahallann harðlega, en
hyggst auka framlög til varnarmála. Hann gagnrýnir stefnu Obamas gagnvart Íran og hyggst ganga
vasklegar fram en hann til að binda enda á kjarnorkuáætlun Írana.
Utanríkismál
Romney hefur gagnrýnt Obama fyrir að ganga ekki nógu hart fram í utanríkismálum, sérstaklega
gagnvart Kínverjum, sem hann sakar um að hafa rangt við í viðskiptum með því að stýra gengi
kínverska júansins. Hann hefur lýst yfir að á fyrsta degi í embætti muni hann láta til skarar
skríða gegn Kínverjum. Hann segir að með því að beina sjónum að Asíu snúi Obama
baki við Atlantshafsbandalaginu. Þá segir hann Obama hafa reynst Ísrael illa.
Félagsmál
Romney er fylgjandi því að ríki Bandaríkjanna setji mörk við
fóstureyðingum og hjónaböndum samkynhneigðra. Hann
hefur lýst yfir samúð með ólöglegum innflytjendum, en er
andvígur áætlunum Obamas um að vísa börnum þeirra ekki
úr landi og kallar þær misnotkun á valdi forseta.
Willard Mitt Romney
Fæddur 12. mars 1947 í Detroit í Michigan.
Kvæntist Ann Lois Davies 1969. Þau eiga fimm börn.
Lauk námi í lögum og MBA frá Harvard-háskóla 1975.
Einn stofnenda fjárfestingafyrirtækisins Bain Capital 1984.
Ríkisstjóri í Massachusetts 2003 - 2007.
Sóttist eftir útnefningu repúblikana til forsetaframboðs
2008 án árangurs, en sigraði í forkosningum flokksins 2012.
Trúarbrögð: Mormóni.
Massachusetts
Rhode Is.
Connecticut
Wash. DC
MaineVermont
New Hampshire
Illinois
New
York
New Jersey
Delaware
MarylandV. .
Louisiana
Pennsylvanía
Ohio
Virginía
Norður-Karolína
Suður-Karolína
Georgía
Tennessee
Kentucky
Michigan
Wisconsin
Arkansas
Missouri
Iowa
Oklahoma
Kansas
Indiana
Mississippi Alabama
Flórída
Minnesota
191
Óákveðnir Líklegur
stuðningur
Öruggur stuðningur
127146 64
Kjósendur kjósa 538 kjörmenn
Atkvæði 270 kjörmanna
þarf til að sigra itt Romney
g ógerningur er að segja til um úrslitin
Mitt Romney heldur áfram sókn sinni inn á miðju stjórnmálanna á lokaspretti baráttunnar fyrir
bandarísku forsetakosningarnar og má vart á milli sjá hvor stendur betur, áskorandinn eða
Barack Obama Bandaríkjaforseti. Obama hefur valdið mörgum stuðningsmönnum sínum
vonbrigðum á kjörtímabilinu og kveikir ekki sömu ástríður og fyrir fjórum árum. Romney glímir
við tortryggni margra repúblikana, sem telja hann villa á sér heimildir og ekki vera sannan
íhaldsmann. Á kjördag getur ráðið úrslitum hvernig kjósendur skila sér á kjörstað.
Texti: Karl Blöndal kbl@mbl.is
Grafík: Elín Esther Magnúsdóttir ee@mbl.is
4.11. 2012 MORGUNBLAÐIÐ SUNNUDAGUR 51