Morgunblaðið - Sunnudagur - 18.11.2012, Qupperneq 4

4 MORGUNBLAÐIÐ SUNNUDAGUR 18.11. 2012
Tekist verður á um efsta sætið á
lista Samfylkingarinnar í Suður-
kjördæmi í forvali um helgina. Þó að
andstaðan sé mikil í kjördæminu við
ESB, þá er ólíklegt að það hafi áhrif,
enda ekki merkjanlegur munur á
frambjóðendum í þeim efnum.
Ætla má að þarna vegi ramma-
áætlunin þungt. Vinna við hana „hef-
ur staðið yfir allt frá árinu 1999 og
að henni hafa komið fremstu vís-
indamenn þjóðarinnar á ótal svið-
um,“ svo vitnað sé í orð Oddnýjar G.
Harðardóttur frá því í mars á þessu
ári, en hún býður sig fram í fyrsta
sætið á listanum.
Það hefur sætt gagnrýni að þeim
drögum sem lögð voru fram að
þingsályktunartillögu var breytt á
síðustu metrunum í málamiðlun á
milli Samfylkingarinnar og Vinstri
grænna, þannig að sex virkjunar-
kostir voru færðir úr nýtingarflokki
yfir í biðflokk, þar með talið þrjár
virkjanir sem voru langt komnar í
undirbúningi í neðri hluta Þjórsár.
Það gerðist á vakt Oddnýjar sem
iðnaðarráðherra. Gagnrýnt er að þar
hafi faglegt ferli verið rofið, sem átti
að stuðla að þverpólitískri sátt.
Björgvin G. Sigurðsson var einn
þeirra sem bókuðu fyrirvara þegar
málið fór í gegnum þingflokkinn, en
hann býður sig einnig fram í fyrsta
sæti. Ekki liggur fyrir hvort hann
styður frumvarpið þegar það kemur
í endanlegri mynd fyrir þingið.
Það má búast við að afstaða þess-
ara tveggja frambjóðenda til
rammaáætlunarinnar hafi mikið að
segja, enda snýst þetta ekki aðeins
um virkjanir í kjördæminu, heldur
einnig fyrirhugað álver í Helguvík,
en Björgvin tók skóflustungu að því
sem viðskiptaráðherra í júní 1988.
Svo vill til að Oddný var einnig í hópi
þeirra sem tóku skóflustungu að ál-
verinu, en hún var þá bæjarstjóri í
Garði.
Morgunblaðið/Golli
Álver og
virkjanir
M
ikið er í húfi í for-
vali Samfylking-
arinnar í Reykja-
vík um helgina
og líkur á að þar
tapi þingmaður sæti sínu, þó ekki
væri nema vegna þess að þingsæt-
um fækkar samkvæmt skoðana-
könnunum niður í sex og jafnvel
meira en það.
Lýðræði er betra
Út af fléttulistanum eru prófkjörin
í raun tvö, annars vegar konur og
hins vegar karlar. Miklar deilur
hafa spunnist undanfarna daga um
hvernig eigi að útfæra fléttulistann,
en niðurstaðan varð sú að ef tveir
frambjóðendur af sama kyni leiða
prófkjörið, þá verða það jafnframt
oddvitar í Reykjavíkurkjördæm-
unum tveimur. Svo verður fléttan
út frá þeim. Sumir hafa reiðst
þessu og vilja hafa jafnmargar kon-
ur og karla í oddvitasætum á
landsvísu, en fyrir síðustu kosn-
ingar voru fimm af sex oddvitum
karlar. Í þeim umræðum sagði ung
kona í flokknum: „Jafnrétti er gott
en lýðræði er betra.“
Af samtölum að dæma virðist
vígstaða Össurar Skarphéðinssonar
sterk í fyrsta sætið, einn flokks-
maður gekk svo langt að vitna í orð
Styrmis Gunnarssonar á Evrópu-
vaktinni um „grand old man“ sem
„gæti brúað bil“. Einnig er nefnt
að Össur hafi góð sambönd inn í
aðra flokka og gott sé að eiga hann
að í stjórnarmyndunarviðræðum,
enda sjái hann bæði til hægri og
vinstri. Til marks um það var hann
einn þeirra sex sem bókuðu fyr-
irvara er rammaáætlunin var sam-
þykkt í þingflokki Samfylkingar-
innar, en þá voru sex virkjunar-
kostir færðir úr nýtingarflokki yfir
í biðflokk.
Annar var Helgi Hjörvar sem
býður sig fram í 2. sæti, en hann er
formaður efnahags- og viðskipta-
nefndar. Nær útilokað er þó að
þeir greiði atkvæði gegn frumvarp-
inu er það kemur inn í þingið í
endanlegri mynd. Báðir glíma þeir
við konur í toppbaráttunni. Sigríð-
ur Ingibjörg Ingadóttir gaf kost á
sér í 1.-2. sæti áður en Jóhanna
Sigurðardóttir tilkynnti að hún
myndi hætta. Það var yfirlýsing um
að hún stefndi hærra og mögulega
á formannsframboð, en þegar hún
kom ný inn fyrir síðust kosningar
fór hún beint í 2. sætið.
Valgerður hefur styrkst
Valgerður Bjarnadóttir gefur einn-
ig kost á sér í 1.-2. sæti og hefur
henni vaxið ásmegin undanfarna
mánuði eftir að hafa leitt stjórnar-
skrárumræðuna af hálfu Samfylk-
ingarinnar, en ánægja er með lykt-
ir þess máls meðal flokksmanna.
Þá liggja rætur hennar í Alþýðu-
flokknum og Bandalagi jafnaðar-
manna, sem bendir til að hægri
kratar sem ekki hafa átt sjö dag-
ana sæla í málefnastarfinu gætu
séð hana sem valkost. Glíman verð-
ur því spennandi um efsta sæti
kvennamegin í forvalinu. Svo er
spurning hvaða kona verður í 3.
sæti, en þau nöfn sem helst ber á
góma eru Björk Jakobsdóttir borg-
arfulltrúi og Ósk Vilhjálmsdóttir
listamaður og ferðafrömuður.
Almennt er talið að Guðbjartur
Hannesson sé líklegastur til að fara
gegn Árna Páli Árnasyni í for-
mannsslag, þrátt fyrir „læknamis-
tök“ í tengslum við launahækkun
forstjóra Landspítalans. Óvíst er
um Katrínu Júlíusdóttur eftir tap
fyrir Árni Páli í forvali um liðna
helgi. Það veltur á forvalinu um
helgina hvort formannsefni haslar
sér völl í Reykjavík. En svo eru
þeir sem nefna Össur. Hann hefur
þó verið manna duglegastur að vísa
því alfarið á bug. Hann siglir næsta
örugglega inn á þing, en slagurinn
verður harður um næstu sæti milli
þingmannanna Helga Hjörvar,
Skúla Helgasonar og Marðar Árna-
sonar, sem virðist staðsetja sig sem
„vinstri græni samfylkingarmað-
urinn“, eins og einn flokksmaður
orðar það. Svo banka nýliðarnir á
dyrnar, Arnar Guðmundsson og
Teitur Atlason, sem hefur getið sér
orð fyrir pistla sína. Ekki er ólík-
legt að þessi harði slagur hafi átt
þátt í ákvörðun Róberts Marshalls
að skipta um vettvang og fara fram
fyrir Bjarta framtíð.
Slegist um þingsætin
í Reykjavík
* EKKI DJÚPSTÆÐUR SKOÐANAÁGREININGUR * ÚRSLITIN GÆTU ÝTT UNDIR FORMANNSFRAMBOÐ * VALGERÐUR
BJARNADÓTTIR STYRKIR STÖÐU SÍNA * HARÐUR SLAGUR KARLAMEGIN * HVERJIR ERU FULLTRÚAR ATVINNULÍFSINS?
* „Það er lítið um alvöru nýtt fólk í prófkjörum flokkanna. Fólk er orðið svobólusett fyrir pólitík og það er meira en að segja það að hætta sér út í þannforarpytt. Menn eru nánast að afsala sér æru og einkalífi.“
Hrafn Jökulsson
Þjóðmál
PÉTUR BLÖNDAL
pebl@mbl.is
Óvissa er um álver í Helguvík.
Skóflustunga tekin að ál-
verinu í Helguvík. Oddný
og Björgvin fyrir miðju.
Morgunblaðið/Kristinn
Ekki virðast hreinar átakalínur til vinstri eða hægri eða djúpstæður
málefnaágreiningur í Reykjavík. Frambjóðendur virðast raunar
vinstri sinnaðri en utan borgarinnar, hverju sem það sætir. Kannski
er samstaðan svona mikil, en vera kann að flestir telji að
óánægjufylgið skili sér ekki á kjörstað. Í það minnsta veðjar enginn á
það.
Talað er um græna hagkerfið, sjálfbærni og andstöðu við stóriðju-
stefnu. Ekki er þrýstingur á að virkja í Þjórsá eða draga úr ógn af
„snjóhengjunni“ með gjaldeyrisskapandi fjárfestingum í atvinnulífinu.
En margir vísa á nýja frambjóðandann Arnar Guðmundsson, fleiri
en einn með orðunum: „Hann hugsar um atvinnulífið.“ Arnar er að-
stoðarmaður Katrínar Júlíusdóttur og formaður Félags frjálslyndra
jafnaðarmanna.
HVAÐ UM ATVINNULÍFIÐ?
Össur er litríkur stjórn-
málamaður, hann tekur í
nefið á miðstjórnarfundi,
syngur internasjólainn á
þingi BSRB og veitir við-
tal með gamanmyndina
„Along Came Polly“ í
sjónvarpinu. Sagt er að
einn hans styrkleiki sé
að eiga tengsl við alla
flokka. Munar þar um af-
stöðu hans í Landsdóms-
málinu, þar sem hann
greiddi atkvæði gegn öll-
um ákærum, en hér sést
hann mæta við réttar-
höldin í Þjóðmenning-
arhúsinu. Afstaða ann-
arra þingmanna
Samfylkingarinnar í
Reykjavík sem nú eru í
framboði var með
ákæru, en það var út og
suður hverja af fjór-
menningunum átti að
ákæra. Anna Margrét
Guðjónsdóttir varaþing-
maður sat á þingi og
vildi einnig falla frá
ákæru.
Morgunblaðið/Kristinn Morgunblaðið/Kristinn
Morgunblaðið/Ómar Morgunblaðið/Kristinn