Morgunblaðið - Sunnudagur - 18.11.2012, Blaðsíða 22

22 MORGUNBLAÐIÐ SUNNUDAGUR 18.11. 2012
Heilsa og hreyfing
É
g var sex ára þegar for-
eldrar mínir skráðu mig á
karatenámskeið hjá Fylki
og þar er ég enn að æfa
karate, tíu árum síðar,“ segir
Helga Kristín Ingólfsdóttir. Helga
Kristín hefur vakið mikla athygli í
þáttunum Dans dans dans. Áhorf-
endur völdu hana og meðdansara
hennar, Birki Örn Karlsson, til að
dansa áfram í þáttunum. Helga
Kristín er 16 ára og ótrúleg spörk
hennar, sem geta náð langt upp í
loft, eiga bæði rætur sínar í karate
og ballett.
„Ég var fjörugur krakki og
þurfti aga og karate er mjög góð
leið til að öðlast hann en íþróttin
snýst mikið til um sjálfsaga. Ball-
ett og karate er góð blanda og
þessi áhugamál styrkja í raun
hvort annað. Líkamsstyrkur þjálf-
ast mikið í karate sem hjálpar mér
svo í dansinum og í dansinum
þjálfa ég liðleikann sem gagnast
mér mjög vel í karate. Margir trúa
því oft ekki að þetta geti átt saman
en þetta er frábært saman. Ég fæ
reyndar stundum að heyra að í
karate dilli ég of mikið mjöðm-
unum.“
Spörkin sem sést hafa í dans-
inum á RÚV liggja greinilega vel
fyrir Helgu Kristínu. Hún viður-
kennir að hún sé sérstaklega
góð í þeim og eigi auðvelt
með að skjóta fótunum í all-
ar áttir.
„Ég hef ekki enn getað
valið á milli ballettsins,
sem ég æfi hjá List-
dansskólanum, og
karateíþrótt-
arinnar enda
þarf ég þess
ekki strax. Í framtíðinni er draum-
urinn þó að verða dansari og fara
út í skóla en ég myndi samt alltaf
hafa karate með til að fá útrás.
Karate snýst ekki síður um and-
legu hliðina. Það er nauðsynlegt að
kunna að lesa andstæðinginn og
vera við öllu búinn þannig að jú,
það mætti segja að þetta væri góð
þjálfun í því að ímynda sér og
reikna út.“
Mun fleiri strákar æfa karate en
stelpur en Kristín Helga segir að
íþróttin henti báðum kynjum full-
komlega. „Það er nokkuð misjafnt
milli ára hversu margar stelpur
æfa karate. Þær eru ekki margar á
mínum aldri núna en í yngri flokk-
unum eru þær þó nokkrar. Þetta
er frábær leið til að fá útrás, vinna
með þrek og styrk og mikil jafn-
vægislist. Um leið er agaæfingin
meðal annars fólgin í því að ganga
ekki of langt í bardaganum.“
KARATEGRUNNUR GÓÐUR FYRIR BALLETT
Sparkandi
dansarinn
ENGAN ÞARF AÐ UNDRA AÐ HELGA KRISTÍN INGÓLFS-
DÓTTIR, SEM VAKIÐ HEFUR MIKLA ATHYGLI Í DANS DANS
DANS, EIGI LANGAN FERIL AÐ BAKI Í KARATE. ÞAÐ SÉST
GLÖGGT Á MÖGNUÐUM DANSSPÖRKUM HENNAR.
Júlía Margrét Alexandersdóttir julia@mbl.is
Helga Kristín hefur sýnt og sannað í Dans dans dans að karate er góður grunnur fyrir flott dansspor.
Morgunblaðið/Árni Sæberg
Helga Kristín er Árbæingur sem
hefur alla tíð æft karate með Fylki.
Helga Kristín Ingólfsdóttir
hefur unnið marga titla í
karate, bæði Íslandsmeist-
aratitla og Grand Prix titla í
Kumite og Kata.
Fyrr á þessu ári keppti
Helga Kristín á
Norðurlandameistaramótinu í ka-
rate fyrir hönd karatedeildar Fylkis
en mótið fór fram í Svíþjóð. Á
mótinu náði hún að landa brons-
verðlaunum. Helga Kristín var í
landsliðinu í karate og keppti fyrir
Íslands hönd.
Helga Kristín er sextán ára, lauk
grunnskólagöngu í Árbæjarskóla en
stundar nú nám við Menntaskólann
við Hamrahlíð. Auk þess æfir hún
ballett hjá Listdansskólanum en
þegar hún var yngri æfði hún lengi
vel samkvæmisdansa.
Þrátt fyrir að Helga Kristín
geti hugsað sér að leggja
dansinn alveg fyrir sig í fram-
tíðinni segir hún að alltaf
muni hún iðka karate með.
FARSÆLL FERILL Í KARATE
Fékk brons á Norðurlandameistaramótinu
Helga Kristín
Ingólfsdóttir
dansari og ka-
ratemeistari
*Líkams-styrkurþjálfast mik-
ið í karate
sem hjálpar
mér svo í
dansinum og
í dansinum
þjálfa ég lið-
leikann.