Morgunblaðið - Sunnudagur - 18.11.2012, Blaðsíða 44

44 MORGUNBLAÐIÐ SUNNUDAGUR 18.11. 2012
S
tyrmir Gunnarsson hefur skrifað eft-
irtektarverða bók um átök innan
Sjálfstæðisflokksins. Ekki er vafi á
að bókin bætir og breikkar skilning
manna á einum þætti stjórnmálasögu
samtímans. Fram að þessu hafa við-
brögð við bókinni snúist um höfundinn og stöðu hans,
ekki síst frá fjölmiðlalegum sérvitringum, eins og
óefnislegt tuð og truflandi og óuppdregið frammíkall
í Kastljósi var dæmi um. Einnig hafa þeir sem eru
persónulegir óvildarmenn Styrmis látið bókina til sín
taka, án þess að gera henni sjálfir nein skil. Það er
ótrúlega utangátta og barnalegt þegar slíkir þykjast
sjá mikil tíðindi í þeim ríku upplýsingum sem Styrm-
ir byggir á og frásögnum af persónulegum samtölum
við áhrifamenn, sem hafi þó ekki birst svo að segja
samstundis á síðum Morgunblaðsins. Í því hafi falist
svik við lesendur blaðsins og hinn helga anda blaða-
mennskunnar.
Hefðu þeir ritstjórar blaðsins, sem tími bókar
Styrmis tekur til, birt fréttir af sínu fyrsta trún-
aðarsamtali hefði þetta vandamál verið úr sögunni
því enginn annar hefði viljað eiga slík samtöl við þess
háttar menn. En hvað með að Styrmir hafi „viður-
kennt“ og „afhjúpað“ þennan þátt? Því hefur verið
slegið upp. Nú í mörg ár hafa stórir þættir dagbóka
starfsbróður Styrmis, Matthíasar Johannessen, verið
aðgengilegir á netinu og þar er sagt frá aragrúa
slíkra trúnaðarsamtala, sem MJ telur augljóslega að
tíminn hafi létt af trúnaði. Þar er upplifun Matthíasar
af slíkum samtölum og sumt af því kann að koma
þeim sem í hlut áttu spánskt fyrir sjónir. En þetta er
allt fyrir löngu birt og Styrmir var því ekki að afhjúpa
neitt eða viðurkenna neitt í þeim efnum. En segja má
að hann hafi óviljandi afhjúpað aulagang þess frétta-
manns sem í hlut átti. En sú afhjúpun var heldur ekki
stórtíðindi fyrir þá sem fylgjast með.
Hvers vegna þessi
trúnaðarsamtöl við ritstjóra?
Af hverju áttu svo margir menn trúnaðarsamtöl við
ritstjóra Morgunblaðsins og eiga raunar slík samtöl
enn? Ástæður þess eru jafnmargar og mennirnir sem
í hlut eiga. En þótt ritstjórar eigi í hlut eiga þessi
samtöl þó ekki endilega neitt erindi inn í blað eða á
vef. Vissulega breytast mörg þeirra eða efnisinnihald
í birt efni, frétt eða viðtöl. En viðmælendurnir eiga þó
einatt önnur erindi. Iðulega kemur fólk á fund rit-
stjóra vegna þess að það hefur aðra sýn á skrif og
fréttir blaðsins en þeir sem skrifa þær eða ritstýra.
Þarna koma menn við sögu úr öllum flokkum landsins
og flokksleysingjar og menn sem vilja ræða allt annað
en stjórnmál og karp sem þeim tengist. Erlendir
sendiherrar koma til að tala máli sinna þjóða og hags-
muna þeirra. Þeir leita sumir eftir viðhorfum til sjón-
armiða sem komið hafa fram í samtölum við stjórn-
málamenn, nafngreindra eða ónafngreindra eftir
atvikum. Einstaklingar koma vegna þess að þeir telja
að fréttaflutningur hafi höggvið nærri einstaklingi,
einum eða fleirum, sem þeir bera fyrir brjósti. Þetta
gerist þótt fréttaflutningurinn hafi verið algjörlega
sambærilegur við það sem tíðkast af öðrum sem verða
tilefni frétta. Þegar umfjöllun snertir einhvern sem
manni er kær eða hlýtt til er horft öðruvísi á frétta-
Merkileg bók
og ómerkileg
viðbrögð
*Ritstjóri eða fréttahaukur verðurmörgum sinnum hæfari til aðsinna sínu starfi vegna þess trúnaðar
sem hann nýtur og þess trúnaðar
sem hann sýnir, þegar það á við.
Upplýsingarnar koma flestar að not-
um í starfi hans og flestar miklu fyrr
en síðar.
Reykjavíkurbréf 16.11.12