Morgunblaðið - Sunnudagur - 18.11.2012, Blaðsíða 30
30 MORGUNBLAÐIÐ SUNNUDAGUR 18.11. 2012
Matur og drykkir
V
insældir hráfæðis hafa vaxið stórum á undanförnum ár-
um, í takt við aukna heilsuvitund fólks og áhuga á holl-
ari lífsvenjum.
Í eftirréttabókinni hennar Sollu kveður við aðeins nýj-
an tón þar sem um ræðir eftirrétti gerða með hráfæðiaðferð. Eiga
þeir það allir sammerkt að vera í hollari kantinum auk þess að
vera afar einfaldir í framkvæmd.
„Það er einmitt það sem mér finnst svo
skemmtilegt við þessa hráfæðismatreiðsluaðferð,
að það geta þetta allir,“ segir Solla.
„Með því að setja til dæmis döðlur og hnetur í
matvinnsluvél og þjappa síðan í form er hægt að búa til
girnilega kökubotna. Síðan er mismunandi sætukrem blandað, t.d. úr
hnetum, möndlumjólk og fleiru, hellt yfir og öllu skellt inn í ísskáp eða
frysti. Þar er komin girnilegur eftirréttur, þ.e. kaka sem getur ekki fallið,
er auk þess glúten-, eggja- og mjólkurlaus og þar með laus við algenga
ofnæmisvalda,“ bætir hún við.
Solla leggur áherslu á að svo lengi sem farið sé eftir leiðbeiningum og hráefnið mulið,
blandað, hrært og hellt í samræmi við þær, taki matreiðslan enga stund og sé öllum fær.
„Og þar sem allar uppskriftirnar byggja á góðu gráefni þá gerirðu þetta líka með góðri
samvisku,“ segir höfundurinn léttur í bragði. Bætir hún við að ekki sé skilyrði að fólk hafi
áhuga á hráfæði til að geta notið eftirréttanna í bókinni, þeir séu fyrst og fremst til að kæta
bragðlaukana.
Solla bendir einnig á að oftast þurfi litla skammta af hráfæðiseftirréttum. „Eftirréttirnir
eru saðsamir, fólk verður fljótt satt og því náum við að fullnægja sætuþörfinni með frekar
litlu magni af sætindum".
Fjölda girnilegra uppskrifta er að finna í eftirréttabókinni að öllum mögulegum tegundum
eftirrétta og sælgætis. Spannar litrófið allt frá litlu konfekti og súkkulaði, yfir í bollakökur,
hnallþórur, ís og fleira.
Hér gefur Solla uppskrift að himneskri hindberjahnallþóru sem finna má í bókinni.
HRÁFÆÐISMATREIÐSLAN EINFÖLD
Eftirréttir með góðri samvisku
SÓLVEIGU EIRÍKSDÓTTUR, EÐA SOLLU Á GLÓ, ÞEKKJA ÓFÁIR. HÚN HEFUR NÚ SENT FRÁ SÉR BÓKINA „EFTIRRÉTTIR SOLLU“ ÞAR SEM HÚN KYNNIR
FÓLK FYRIR GÓMSÆTUM ÁBÆTISRÉTTUM SEM ALLIR EIGA ÞAÐ SAMEIGINLEGT AÐ VERA BÚNIR TIL ÚR HRÁFÆÐI OG AFAR AUÐVELDIR Í FRAMKVÆMD.
Gunnhildur Ásta Guðmundsdóttir gunnhildur@mbl.is
Sólveig Eiríksdóttir
KÖKUBOTNAR
7 ½ dl döðlumauk
1½ dl kókosolía, fljótandi
1 ½ msk. vanilla, duft eða dropar
¼ tsk. sjávarsalt
9 dl hrat frá möndlumjólk eða fínt malaðar
möndlur eða aðrar hnetur
3 dl fínt malað kókosmjöl (malað í kaffi eða
kryddkvörn þar til alveg fínt)
3 dl kakóduft
FYLLING
10 dl hindber, fersk eða frosin
1 dl kókospálmasykur
8 dl kasjúhnetur, sem hafa legið í bleyti í 2
klst.
2 dl chiagel (sjá uppskrift)
1 ½ dl agavesíróp
1 ¼ dl möndlumjólk
2 msk. sítrónusafi
1 msk. rauðrófusafi (gefur extra flottan lit)
1 msk. vanilla
1/8 tsk. sjávarsalt
2 msk. möluð chiafræ
3 dl kókosolía
MILLILAG
2 dl hindber, fersk eða frosin
BOTN
Setjið döðlumauk, kókosolíu, vanillu og salt í
matvinnsluvél (má nota hrærivél) og blandið
vel saman. Bætið út í möndlumjöli/hrati, kók-
osmjöli og kakódufti og látið blandast vel
saman. Skiptið deiginu í tvennt – setjið helm-
inginn í form og látið formið strax inn í frysti
– geymið hinn helminginn við stofuhita þar til
sett í formið
FYLLING
Ef þið notið frosin hindber, takið þau út úr
frystinum og látið þiðna áður en þið notið
þau. Setjið hindberin í blandara og maukið,
bætið kókospálmasykrinum út í og blandið
saman. Bætið kasjúhnetunum, chiageli, aga-
vesírópi, möndlumjólk, sítrónusafa, rauð-
rófusafa, vanillu og salti út í. Blandið þar til
allt er vel blandað saman. Bætið möluðum
chiafræjum og kókosolíu út í og klárið að
blanda. Skiptið fyllingunni í tvennt. Setjið
helminginn á botninn. Bætið millilaginu, hind-
berjunum ofan á og setjið inn í frysti þar til
fyllingin hefur stífnað. Setjið restina af botn-
inum ofan á, látið inn í frysti svo botninn
stífni og hægt sé að setja fyllinguna ofan á.
Látið kökuna stífna inni í kæli eða frysti.
Skreytið með fullt af ferskum berjum.
HIMNESK HINDBERJAHNALLÞÓRA