Morgunblaðið - Sunnudagur - 18.11.2012, Blaðsíða 23

18.11. 2012 MORGUNBLAÐIÐ SUNNUDAGUR 23
Heilsa og hreyfing
Sífellt fleiri stunda stífar æfingar oft í
viku. Ósjaldan heyrast sögur frá
fólki sem ekki stundar afreksíþróttir
en æfir engu að síður 5-8 sinnum í
viku. Því fylgja gjarnan stífir vöðvar
og þreyta. Sumar æfingar eru þess
eðlis að vöðvar súrna og þurfa þeir
því nokkra stund til þess að jafna sig.
Ein leið til þess að fá frískleikann í
líkamann er að stunda jóga. Jógaæf-
ingar henta fyrirtaks vel sem mót-
vægi við stífar æfingar sem reyna á
liðamót. Þannig eiga t.d. margir
hlauparar og fólk í boltaíþróttum
eftir að uppgötva hvað slíkar æfingar
gera mikið fyrir ferskleika vöðvanna.
Áhersla á öndun samhliða teygjuæf-
ingum gerir það að verkum að súr-
efnisríkt blóð flæðir um líkamann.
Eftir jógatíma finnst mörgum sem
þeir hafi yngst um nokkur ár. Svo er
jóga góð leið til þess að losa um
spennu sem safnast upp í amstri
dagsins.
JÓGAÆFINGAR TIL AÐ JAFNA SIG
Margir finna sig í hitanum í hot jóga
þar sem salurinn er upphitaður.
Morgunblaðið/Ómar
Ertu ekki
að jóga?
Vítamín eru holl. Um það verður
ekki deilt. En öllu má ofgera og sum
vítamín geta reynst hættuleg í of
miklu magni. Vítamín skiptast í vatns-
leysanleg vítamín annars vegar og
fituleysanleg hins vegar. Til vatnsleys-
anlegra vítamína teljast B-vítamínin,
sem eru átta alls, og C-vítamín. A-,
D-, E- og K-vítamín eru hins vegar
fituleysanleg. Þessi grundvallar-
munur á vítamínflokkunum tveimur
hefur mikið að segja ef við fáum of
mikið af einhverju vítamíni. Sé vítamínið vatnsleysanlegt skilst umfram-
magnið út með þvagi og afleiðingarnar eru að mestu skaðlausar. Sé vítam-
ínið aftur á móti fituleysanlegt safnast það fyrir í líkamanum, einkum í lifr-
inni, og getur haft mjög skaðleg áhrif. Svo segir á vef doktor.is. Hafa ber í
huga að æskilegast er að fá vítamín úr fæðunni og viðbætt vítamín er flest-
um óþarft.
OF MIKIL VÍTAMÍNNEYSLA GETUR VERIÐ SKAÐLEG
Viðbætt vítamín er oft óþarft.
Morgunblaðið/Sverrir
Öllu má ofgera
Flestir þeir sem hafa vanið sig á
slæmar neysluvenjur eiga það til að
raða í sig ruslfæði á kvöldin þegar
þeir slaka loks á eftir erfiðan dag.
Hvað sem tautar og raular eru
margir ekki tilbúnir að losa sig við
þá lífsins lystisemd að slökkva á
heilanum og borða fyrir framan
sjónvarpið. Þannig koma aukakíló-
in, eða hvað? Ef þú hættir að plata
þig og sættir þig við það að þú ert
að fara að maula á kvöldin getur þú
ákveðið þig fyrirfram hvað fer ofan
í þig þegar blóðsykurinn fellur.
Þannig getur þú fækkað og jafnvel
hætt alveg skyndiferðum út í
sjoppu. Vendu þig á nýjar venjur út
frá öðrum verri. Ákveddu kvöld-
snakkið fyrirfram.
VENDU ÞIG Á BETRI ÓSIÐI
Veldu kvöldsnakkið fyrirfram.
Morgunblaðið/Sverrir
Ákveddu
kvöldsnakkið
M
ikil vitundarvakning hefur orðið hjá fólki
hvað varðar hugleiðslu, að sögn Þóris
Barðdals, sem stýrir Lótushúsinu ásamt
eiginkonu sinni, Kristínu Olsen. Á árum
áður hafi margir haft fordóma gagnvart henni en nú
sé öldin önnur. Rúmlega 6.000 manns hafi nýtt sér
námskeið á vegum Lótushússins á undanförnum árum.
Þar eru haldin gjaldfrjáls hugleiðslu- og hugræktar-
námskeið með reglulegu millibili allan ársins hring.
„Hugleiðsla hefur mjög margþætt áhrif á líf fólks.
Hún vekur mann til meðvitundar um manns eigið
sjálf. Flestir í dag eru mjög ómeðvitaðir um sjálfan
sig, ómeðvitaðir um eigin hugsanir, líðan og hvert þeir
stefna,“ segir Þórir.
Að sögn hans eru til margs konar tegundir af hug-
leiðslu. Í Lótushúsi er kennt Raja Yoga sem snýst um
að ná tökum á eigin hugsunum. ,,Þessu má líkja við
bílpróf. Maður þarf að vita hvenær á að bremsa, gíra
sig niður og stýra. Maður öðlast skilning á sjálfum sér
samhliða iðkuninni,“ segir Þórir.
Þórir sinnir starfi sínu hjá Lótushúsinu af hugsjón
og vill boða vellíðan hugleiðslunnar. „Öll námskeið hjá
okkur eru full. Það sýnir okkur hvað þörfin er mikil.
Margir líta á líkamsrækt sem eðlilegan hlut og sumir
eru að átta sig á því að jafnframt er mikilvægt að
sinna huganum,“ segir Þórir. Hann tekur íþróttamenn
sem dæmi. „Flestar íþróttagreinar snúast um það
hvernig þú hugsar. Það eru ekki endilega líkamsburðir
sem skipta mestu, heldur hugarfarið sem ræður því
hvaða íþróttamaður nær árangri. Þegar maður hefur
vald yfir hugsunum og tilfinningum þá er maður líka á
vissan hátt kominn með stjórn á sínum örlögum og
velgengni. Það er ofboðslega margt sem kemur með
hugleiðslunni og með hjálp hennar má greina á milli
þess sem skiptir máli og hvað er óþarfi. Það er mjög
mikilvægt að greina þar í sundur svo fólk sé ekki að
hlaupa eftir vindi, heldur stefnir á eitthvað mark,“
segir Þórir. „Allt líf þitt fer fram í gegnum hugann. Ef
þig langar til að mynda að verða forseti Íslands, þá
fer það í gegnum hugann,“ segir Þórir.
Þessir ungu menn hugleiða á Lækjartorgi. Vitundarvakning hefur orðið í hugleiðslu á undaförnum árum.
Morgunblaðið/Ómar
HUGLEIÐSLAN FÆRIR ÞÉR ÖRLÖGIN Í EIGIN HENDUR
Að ná tökum
á eigin hugsunum
UM 6.000 MANNS HAFA FARIÐ Í LÓTUSHÚS Á UNDANFÖRNUM ÁRUM TIL AÐ LÆRA
HUGLEIÐSLU. ÞAR ER FÓLKI KENNT AÐ NÁ STJÓRN Á SÍNUM HUGSUNUM OG GREINA
HVAÐ SKIPTIR MÁLI OG HVAÐ ER ÓÞARFI Í LÍFINU.
Viðar Guðjónsson vidar@mbl.is