Morgunblaðið - Sunnudagur - 18.11.2012, Blaðsíða 8

Vettvangur
8 MORGUNBLAÐIÐ SUNNUDAGUR 18.11. 2012
Við þurfum meiri von,“ sagði góður maðurvið mig þegar við ræddum nýlega mikil-vægustu verkefnin framundan. Í dag-
legum störfum sínum á Landspítalanum tekst
þessi maður á við stærstu viðfangsefni lífsins og
hann sagði að sér þætti svo mikilvægt að við sem
þjóð töluðum bjartsýni, kjark og kraft hvert í ann-
að. Hann minnti mig á skyldur okkar sem störfum
í stjórnmálum og hvatti mig til að muna eftir von-
inni, mætti hennar og nauðsyn.
Þetta er mikilvæg áminning fyrir okkur sem
störfum í stjórnmálum. Hún er sérstaklega mik-
ilvæg núna þegar stjórnmál virðast oft snúast um
eitthvað allt annað en að tala fyrir framtíðinni,
tækifærunum og hvernig við ætlum að gera sam-
félagið betra. Með öðrum orðum höfum við varið
alltof miklum tíma í eitthvað annað en að tala fyrir
voninni.
Sú staðreynd breytir þó engu um það hversu
lánsöm við erum og hversu mikla von við getum
átt og eigum. Landið okkar er fullt af tækifærum.
Þessi tækifæri felast í hinum fjölmörgu auðlind-
um; orkunni, hafinu og náttúrunni. Við eigum
undurfagurt og sérstakt land sem laðar að sér sí-
fellt fleiri gesti og innviðir samfélagsins eru
traustir.
Ekkert af þessu felur þó í sér fleiri tækifæri eða
meiri von en fólkið sem hér býr. Hér býr hörku-
dugleg þjóð, vel menntuð, réttsýn og full af bar-
áttuhug. Við kunnum að hafa fyrir hlutunum og
við leggjum mikið á okkur til að ná árangri. Og við
búum í einu helsta lýðræðisríki veraldar, þar sem
þátttaka er öflug og almenn og þar sem skynsemi
fólksins tekur völdin þegar þess gerist mest þörf.
Þess vegna er svo mikilvægt að ræða það sem
við eigum og getum ekki síður en það sem við eig-
um ekki eða getum ekki. Tækifærin eru hér og
þau á að nýta. Það mun gefa okkur nýja von. Von
um betri tíma og von um að morgundagurinn
verði enn betri en dagurinn í dag og sameiginlega
takist okkur að bjóða íbúum þessa lands allt hið
besta.
Vonin býr fyrst og síðast í fólkinu sjálfu. Eins
og með aðrar auðlindir þá þarf að virkja þá auð-
lind og það verður best gert með því að ein-
staklingarnir sjálfir ráði sem mestu um eigið líf.
Fólkið í landinu á ekki að þurfa að treysta á ríkið
til að leysa öll sín vandamál. En það verður að
geta treyst því að stjórnmálamenn sinni því sem
skiptir máli og að þeir tali fyrir framtíðinni. Við
virðumst of oft gleyma okkur í dægurþrasi um
eitthvað sem skiptir ekki öllu máli á meðan fólkið í
landinu biður um það sem mestu skiptir; betri lífs-
kjör og bjartari framtíð fyrir sig og börnin sín.
Það er mikil áskorun að tala fyrir betri framtíð
og enn betra Íslandi. Þar skiptir miklu að tala fyr-
ir voninni. Það er áskorun sem ég og allir stjórn-
málamenn eigum að taka.
Að eiga von
*Vonin býr fyrst og síðastí fólkinu sjálfu. Eins ogmeð aðrar auðlindir þá þarf
að virkja þá auðlind og það
verður best gert með því að
einstaklingarnir sjálfir ráði
sem mestu um eigið líf.
ÚR ÓLÍKUM ÁTTUM
Hanna Birna
Kristjánsdóttir
hannabirna.krisjansdottir@reykjavik.is
Að gefa vinnu sína
Umræða um að Kastljós geti ekki
greitt tónlistarfólki fyrir að koma
fram í þættinum fór hátt í vikunni,
ekki síst á Facebook.
Fríða Björk
Ingvarsdóttir:
„Ætli sviðshönn-
uðir, rafvirkjar,
ræstitæknar, ljósa-
meistarar, upp-
tökuséníin, þulir, fréttamenn, hús-
verðir og allir hinir sem sjá okkur
fyrir ágætu sjónvarpi fái ekki borgað
fyrir vinnuna sína? Séu kannski bara
rosa spenntir að vinna ókeypis til að
kynna sig eins og tónlistar-
mennirnir?“
Margir deildu líka mynd Hugleiks
Dagssonar, „Þrjú bull sem starf-
andi listamenn heyra reglulega“.
Bullið er að þetta sé góð auglýsing
fyrir þá, þeir fái að gera það sem
þeir vilja og að þetta verði bara
gaman.
Páll Ragnar
Pálsson tók undir
þetta sjónarmið:
„Ég vona að þessi
umræða eigi ekki
eftir að einskorð-
ast við Kastljós og verði til þess að
fleiri tónlistarmenn segi nei við
ókeypis spilamennsku hvar sem er.
Að tónlistarmaður eigi að koma ein-
hversstaðar fram ókeypis vegna
þess að það sé svo góð auglýsing
fyrir hann er vonlaus hugmynda-
fræði. Þegar tónlistarmaður kemur
fram ókeypis er hann ekki bara að
skemma starfsgrundvöllinn fyrir
sjálfum sér heldur kollegum sínum
líka. Það segir sig sjálft að ef einhver
biður tónlistarmann um að vinna
ókeypis fyrir sig má gera ráð fyrir að
oft sé hann sjálfur að hagnast á vinnu
tónlistarmannsins. Er það eðlilegt?“
Bjartsýnt Bændablað
Bergþór Pálsson
lýsti yfir ánægju
sinni með Bænda-
blaðið á Facebook:
„Mikið dæmalaust
er Bændablaðið
heimilislegt, fróðlegt og hressilegt
blað. Þar er sagt frá bjartsýnu og
kraftmiklu fólki (eins og Íslendingar
eru almennt) sem er að prófa margt
nýstárlegt, auk þess sem húmorinn
flýtur með í góðum skammti í vísna-
þættinum. Mæli með þessu fyrir þá
sem vilja smá tilbreytingu frá allter-
aðfaratilandskotans.is.“
AF NETINU
Þótt það hljómi ef til vill einkennilega þá er
eitt mest sótta jólahlaðborðið hver jól ekki á
fínum veitingastað heldur í byggingarvöru-
verslun. Húsasmiðjan og Blómaval í Skútuvogi
hafa boðið upp á jólahlaðborð frá árinu 2009.
Hlaðborðið er fjarri því smátt í sniðum því
jafnan eru um tíu þúsund skammtar afgreiddir
á þeim fjórum vikum sem jólahlaðborðið
stendur.
Eitt og hálft tonn af purusteik fer ofan í
gesti hlaðborðsins, um 400 lítrar af sósu og
hálft tonn af síld svo dæmi séu tekin.
„Matseðillinn er hefðbundinn, að danskri
fyrirmynd, með síld, reyktum laxi, paté og
ekta danskri purusteik sem uppistöðu og svo
er þetta kryddað með ýmsum réttum og nú
eftirrétti, sem ekki hefur verið innifalið áður
en okkur þótti vanta í fyrra,“ segir Rósa Valdi-
marsdóttir en allur matur er eldaður á veit-
ingastað Húsasmiðjunnar, Kaffi Garði, undir
hennar handleiðslu.
Jólahlaðborðið í Skútuvogi er opið alla daga
fram að jólum milli kl. 18 og 20 og að auki frá
12-14 um helgar.
Um 10.000 gestir sækja jólahlaðborðið í Skútu-
vogi ár hvert. Rósa Valdimarsdóttir fyrir miðju.
Morgunblaðið/Kristinn
Hálft tonn af síld afgreitt
í Húsasmiðjunni um jólin
Undankeppni Söngvakeppni evrópskra sjón-
varpsstöðva fer fram 25. og 26. janúar á næsta
ári en nýlega var listi þátttakenda opinber-
aður.
Tólf lög keppa til úrslita en mesta athygli
vekur að tvær íslenskar söngdívur bítast þar
um vinningssætið – þær Birgitta Haukdal og
Elíza Newman. Birgitta greindi nýlega frá því
í sænsku viðtali að ef hún væri með rétt lag í
höndunum gæti hún hugsað sér að keppa aftur
fyrir Íslands hönd í keppninni svo ljóst er að
henni þykir mikið varið í lagið. Þá hefur Elíza
nýlega gefið út sólóplötuna Heimþrá. Lagið
sem Birgitta syngur nefnist Meðal andanna og
lag Elízu kallast Ég syng!
240 lög bárust í keppnina en aðrir sem eiga
lög í henni eru m.a. Hallgrímur Óskarsson,
María Björk Sverrisdóttir, Sveinn Rúnar Sig-
urðsson og Örlygur Smári.
Dívur keppa
til úrslita
Evróvisjónkeppnin á næsta ári fer fram í Svíþjóð
en Loreen vann keppnina á síðasta ári.