Morgunblaðið - 15.12.2012, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 15. DESEMBER 2012
Steinþór Guðbjartsson
steinthor@mbl.is
Hjóla- og göngustígur milli Mos-
fellsbæjar og Reykjavíkur var form-
lega tekinn í notkun í gær. Vega-
gerðin, Mosfellsbær og Reykja-
víkurborg stóðu að framkvæmdum
við hann undanfarna mánuði.
Stígurinn er 1.600 m langur frá
núverandi stígsenda við athafna-
svæði Skógræktar Mosfellsbæjar
við Hamrahlíð að gönguleið við akst-
ursrampa að versluninni Bauhaus í
Höllum. Þaðan liggur stígurinn
áfram og svo undir Vesturlandsveg-
inn við Úlfarsá, að Víkurvegi,
framhjá Álfasteininum sem er fyrir
ofan Keldur og niður á Stórhöfða.
Miklar framkvæmdir
Verkið var boðið út í lok maí sem
leið og var verktakafélagið Glaumur
ehf. hlutskarpast. VSÓ sá um hönn-
un, Róbert G. Eyjólfsson var verk-
efnisstjóri vegna framkvæmda en
Davíð Baldursson verkefnisstjóri
vegna undirbúnings og hönnunar.
Sett var upp göngubrú, jarðvegs-
skipti námu 4.500 rúmmetrum og
malbikaðir voru um fimm þúsund
fermetrar. Gengið var frá ræsum og
38 ljósstólpar settir upp. Að sögn
þeirra sem að framkvæmdinni stóðu
var stígurinn lagður í gegnum skóg-
ræktarsvæðið í sátt við Skógrækt-
arfélagið og að þess beiðni voru tré
sem felld voru skilin eftir til að
brotna niður náttúrulega. Gróð-
urþekja sem var færð úr stígstæðinu
var endurnýtt á fláum við stíginn.
Í sumar gengu Reykjavíkurborg
og Vegagerðin frá samningi um átak
í gerð hjólreiða- og göngustíga í
Reykjavík. Með samningnum er
skilgreint hvaða leiðir heyri til
grunnkerfis og skiptist kostnaður
við framkvæmdir til helminga á
þeim leiðum. Kostnaður við til-
greindar framkvæmdir er áætlaður
um tveir milljarðar króna, en þær
hafa ekki verið endanlega tímasett-
ar.
Stígarnir sem samkomulagið nær
til eru allir hluti af skipulögðu stofn-
stígakerfi Reykjavíkurborgar og í
samræmi við hjólreiðaáætlun
Reykjavíkur. Heildarkostnaður
framkvæmda nú nam um 60 millj-
ónum króna sem deilist á verkkaupa.
Morgunblaðið/RAX
Á stígnum Haraldur Sverrisson, bæjarstjóri Mosfellsbæjar, Hreinn Haraldsson vegamálastjóri og Jón Gnarr borg-
arstjóri fóru fyrir hópi hjólreiðamanna á stígnum eftir að þeir opnuðu hann formlega í gær.
Stígur milli Reykjavíkur
og Mosfellsbæjar
 Verkefni Vegagerðarinnar og sveitarfélaganna
Mynd/VSO
Hjóla- og göngustígur Yfirlitsmynd af stígnum sem er meðfram Vestur-
landsvegi frá Bauhaus að Skógrækt Mosfellsbæjar við Hamrahlíð.
Samninganefnd Íslands á ráð-
stefnu Alþjóðaflugmálastofnunar-
innar um loftferðasamninga, sem
lauk í vikunni, gerði átta loftferða-
samninga við önnur ríki.
Ráðstefnan fór fram í Jeddah,
Sádi-Arabíu. Markmið hennar var
að skapa aðildarríkjum stofnunar-
innar vettvang til viðræðna um
gerð og framkvæmd tvíhliða loft-
ferðasamninga.
Samninganefnd Íslands gerði
samninga við Brúnei, Búrkína
Fasó, Jemen, Nýja-Sjáland, Sene-
gal, Seychelles-eyjar, Síerra Leóne
og Úrúgvæ. Að sögn utanríkis-
ráðuneytisins nálgast fjöldi samn-
inga sem Ísland hefur gert við
önnur ríki að vera 70 talsins. Jafn-
framt voru undirritaðar vilja-
yfirlýsingar um gerð loftferða-
samninga við sex önnur ríki:
Bangladess, Botsvana, Fílabeins-
ströndina, Gíneu, Kambódíu og
Nígeríu.
Íslensku samninganefndinni var
við lokaathöfn ráðstefnunnar veitt
sérstök viðurkenning fyrir að hafa
náð mestum árangri á ráðstefn-
unni. Sendinefndina skipuðu Krist-
ján Andri Stefánsson sendiherra,
sem jafnframt var formaður, Karl
Alvarsson lögfræðingur og Pétur
Einarsson, fv. flugmálastjóri.
Ísland gerði átta loftferðasamninga
Orsök þess að fisvélin TF-303 brot-
lenti hinn 20. október síðastliðinn er
að hægri vængur vélarinnar ofreis í
beygju og flugvélin fór í kjölfarið í
spuna til jarðar. Tveir létust í slysinu.
Talið er að flugvélin hafi verið í 200-
300 feta hæð þegar flugmaður missti
stjórn á henni. Þetta kemur fram í
bráðabirgðaskýrslu rannsóknar-
nefndar flugslysa. TF-303 hafði
skömmu fyrir slysið staðist
nýskráningarskoðun hjá Fisfélaginu
Sléttunni og fengið flughæfnis-
skírteini.
Á meðan mennirnir tveir voru að
undirbúa flugtak í aðdraganda slyss-
ins var kennsluflugvél frá Keflavík-
urflugvelli í biðflugi yfir Sléttunni.
Það vakti athygli flugmanns
kennsluvélarinnar að TF-303 notaði
stærstan hluta flugbrautarinnar í
flugtakið og einnig vakti athygli að
fisvélin virtist fljúga hægt og lágt eft-
ir það. Flugmaður kennsluvélarinnar
hóf að taka myndband af flugi TF-303
skömmu eftir flugtak hennar. Fisvél-
in hækkaði flugið en var enn í mjög
lítilli hæð og flaug jafnvel hægar en
áður. Í beygju TF-303 í vesturátt tók
flugmaður kennsluvélarinnar eftir því
að beygjuhalli fisvélarinnar jókst og á
endanum féll hún á hægri væng og
snerist til jarðar með nefið á undan.
Þess ber að geta að um er að ræða
bráðabirgðaskýrslu en rannsókn á
slysinu er ekki lokið. heimirs@mbl.is
Fisvélin sem fórst
ofreis í beygju
 Flugmaður varð vitni að slysinu
Heimilistæki,
ljós og símar
í miklu úrvali.
Verslunin okkar er
komin í jólabúning
og er sneisafull af
glæsilegum vörum.
Fjöldi tækja á
sérstöku jólaverði.
Komdu í heimsókn og
gerðu góð kaup.
Nóatúni 4 Sími 520 3000
www.sminor.is
Jólaverð:
5.500 kr. stgr.
Gufustrokjárn
BOSCH
Jólaverð:
27.900 kr. stgr.
Ryksuga
SIEMENS
Jólaverð:
8.300 kr. stgr.
Kaffivél
SIEMENS
Jólaverð:
14.500 kr. stgr.
Gólflampi
STAVANGER
Jólaverð:
Matvinnsluvél
BOSCH
10.900 kr. stgr.
Jólaverð:
Rakatæki
ANTON
19.900 kr. stgr.
Minnum á teiknisamkeppni
Skólamjólkurdagsins
fyrir 4. bekkinga
Hægt er að skila inn myndum fram að jólafríi
til Mjólkursamsölunnar, Bitruhálsi 1, 110 Reykjavík.
Nánari upplýsingar á www.ms.is
Mjólk er
góð!