Morgunblaðið - 15.12.2012, Blaðsíða 32
32 FRÉTTIRViðskipti | Atvinnulíf
MORGUNBLAÐIÐ LAUGARDAGUR 15. DESEMBER 2012
STUTTAR FRÉTTIR
● Samningur um þróunarsamstarf
vegna uppbyggingar nýsköpunarseturs
og vísindagarðs hefur verið undirritað
milli Klaks - Nýsköpunarmiðstöðvar Ís-
lands, Seed Forum Iceland og SIVA
(þróunarfélag Noregs). SIVA mun til-
nefna leiðandi aðila í norska nýsköp-
unarumhverfinu til þess að verða Ís-
lendingum innan handar við mótun á
hugmyndum um nýsköpunarsetur og
vísindagarða og leiðir til fjármögnunar.
Eyþór Ívar Jónsson, forstjóri Klaks,
sagði í samtali við mbl.is að SIVA hefði
mikla reynslu á þessu sviði.
Sjá nánar á mbl.is
Þróa vísindagarð
● Icelandair og rússneska flugfélagið
Transaero undirbúa að hefja áætl-
unarflug milli Íslands og Rússlands á
árinu 2013. Icelandair áætlar að hefja
flug til Pétursborgar í byrjun júní og
fljúga tvisvar í viku.
Transaero ætlar að byrja að fljúga
milli Moskvu og Keflavíkur næsta vor,
einnig tvisvar í viku. Transaero er næst-
stærsta flugfélag Rússlands. Það rekur
rúmlega níutíu flugvélar og flýgur til
hátt á annað hundrað áfangastaða í
Rússlandi og öðrum löndum. Árið 2011
flutti félagið yfir 8 milljónir farþega.
Áætlunarflug milli
Íslands og Rússlands
FRÉTTASKÝRING
Hörður Ægisson
hordur@mbl.is
Erlendir kröfuhafar hafa í auknum
mæli sett inn sérstakt ákvæði um fyr-
irframgreiðslu skulda í lánasamninga
í því augnamiði að reyna að hraða út-
greiðslu gjaldeyris á grundvelli und-
anþágu frá fjármagnshöftum. Tals-
verður hvati hefur í kjölfarið myndast
hjá kröfuhöfum að selja krónueignir
mjög hratt í skiptum fyrir gjaldeyri.
Eftir því sem Morgunblaðið kemst
næst er þessi þróun ekki síst rakin til
þess að erlendir kröfuhafar óttast nú
þann möguleika, í tengslum við mögu-
lega nauðasamninga föllnu bankanna,
að þeir fái ekki að flytja úr landi gjald-
eyri sem fellur þeim í skaut vegna
gjaldeyriskrafna á innlenda aðila.
Samkvæmt upplýsingum Morgun-
blaðsins hefur Seðlabanki Íslands
hins vegar ekki veitt neinar stefnu-
markandi undanþágur á grundvelli
slíks fyrirframgreiðsluákvæðis þegar
lausafjárstaða fyrirtækis fer yfir til-
tekin mörk, svonefnt fjársópsákvæði
(e. cash sweep), enda sé ekki um að
ræða samningsbundnar afborganir af
skuldabréfi sem eru undanþegnar
fjármagnshöftum. Seðlabankinn get-
ur þó veitt sérstaka undanþágu í
þessu samhengi – en aðeins að því
gefnu að fyrirframgreiðslur raski
ekki stöðugleika á gjaldeyrismarkaði.
Ekki undanþága frá höftum
Rétt eins og Viðskiptablað Morg-
unblaðsins greindi frá á fimmtudag-
inn þá stöðvaði Seðlabankinn 10,15
milljóna evra afborgun, jafnvirði 1,7
milljarða króna, af evruláni ALMC,
móðurfélags Straums fjárfestingar-
banka, sem var á gjalddaga 20. nóv-
ember. Seðlabankinn hefur ennfrem-
ur sett ALMC það skilyrði, til að
félagið fái aftur heimild til að greiða af
evruláninu, að það selji eignir á mark-
aði að andvirði 25,6 milljónir evra,
jafnvirði ríflega 4,2 milljarða króna, í
skiptum fyrir krónur. Það er sú upp-
hæð sem ALMC, sem er með um
milljarð evra í eignastýringu, hefur
skipt í evrur með þessum hætti frá
samþykkt lánasamnings sem ALMC
gerði við þýska bankann Deutsche
Bank 16. mars á þessu ári.
Fram kemur í bréfi sem ALMC
sendi til kröfuhafa 21. nóvember sl.,
sem Morgunblaðið hefur undir hönd-
um, að það hafi verið skilningur fé-
lagsins að greiðslan hafi verið heimil
samkvæmt lögum um gjaldeyrismál.
Svo virðist sem það sé túlkun ALMC
að á grundvelli fjársópsákvæðisins
hafi myndast greiðsluskylda til kröfu-
hafa og því um að ræða samnings-
bundna afborgun sem sé undanþegin
fjármagnshöftum. Seðlabankinn er
þó á öðru máli og telur að slík fyr-
irframgreiðsla geti aldrei – nema í til-
fellum þar sem fyrir liggur sérstök
undanþága Seðlabankans – verið
undanþegin fjármagnshöftum.
Fá ekki að borga með evrum
Í öðru bréfi frá ALMC, dagsett 22.
nóvember, er vísað til þess að félaginu
hafi verið heimilt í sumar að skipta
krónum í evrur til að greiða kröfu-
höfum á grundvelli fjársópsákvæðis-
ins í samræmi við lánasamningsins
við Deutsche Bank. Heimildir Morg-
unblaðsins herma að sú staðreynd að
Seðlabankinn hefur nú skikkað
ALMC til að vinda ofan af fyrri gjald-
eyrisviðskiptum sínum, að fjárhæð
25,6 milljónir evra, sýni aftur á móti
að framkvæmd þeirra hafi ekki verið í
samræmi við þær forsendur sem lágu
að baki því að ALMC fékk upphaflega
sérstaka undanþágu frá Seðlabank-
anum.
Þegar ALMC var tilkynnt af Seðla-
bankanum 20. nóvember að félagið
fengi ekki að skipta krónum í evrur til
að greiða fyrrnefnda afborgun af evr-
uláni sagðist ALMC í staðinn ætla að
nota evrur í sama tilgangi. Því var
hins vegar einnig hafnað af Seðla-
bankanum. Samkvæmt heimildum
þykir slíkt til marks um hversu alvar-
legum augum Seðlabankinn lítur mál-
ið.
Stjórnendur ALMC vildu ekki tjá
sig um málið við Morgunblaðið fyrr í
vikunni en í tilkynningu sem félagið
sendi frá sér í fyrradag er staðfest að
það hafi ekki greitt afborgunina í kjöl-
far samskipta við Seðlabankann.
Unnið sé að skjótri lausn þessara
mála og segist ALMC hafa til þess
fullan stuðning lánveitenda..
Kröfuhafar reyna að fá út-
greiðslu gjaldeyris hraðað
Seðlabankinn leyfði ALMC ekki að greiða afborgun af evruláni með evrum
Höft ALMC fékk ekki að skipta krónum í evrur til að borga af evruláni.
Seðlabankinn heimilaði ennfremur ekki að nota evrur í sama tilgangi.
Leita allra leiða
» Erlendir kröfuhafar reyna að
nýta sér ákvæði um fyrirfram-
greiðslu skulda til að fá undan-
þágu frá höftum.
» Seðlabankinn hefur ekki
veitt neinar slíkar stefnumark-
andi undanþágur.
» Kröfuhafar óttast afleið-
ingar mögulegra nauðasamn-
inga.
» ALMC ekki heimilað að
greiða 1,7 milljarða afborgun af
evruláni með evrum.
!"# $% " &'( )* '$*
+,-.,-
,/0.--
+,1.+0
,,.+,2
,,.2+
+1.11
+0-.34
+.3/10
+40.43
+-3.+
+,-.3-
,/2.+-
+,1.3+
,,.+14
,,.25-
+1.403
+0-.45
+.3+,5
+42.30
+-3.3-
,,5.,-13
+,-.1-
,/2.--
+,1.14
,,.,32
,,.32,
+1.44
+05.03
+.3+5+
+43.++
+--./,
Skannaðu kóð-
ann til að sjá
gengið eins og
það er núna á
Heildarafli íslenskra skipa í nýliðn-
um nóvembermánuði, metinn á föstu
verði, var 17,4% minni en í nóvember
2011. Það sem af er árinu hefur afl-
inn aukist um 12,1% miðað við sama
tímabil 2011, sé hann metinn á föstu
verði.
Aflinn nam alls 90.558 tonnum í
nóvember 2012 samanborið við
103.976 tonn í nóvember 2011, segir í
frétt á vef Hagstofu Íslands.
Botnfiskafli dróst saman um rúm
6.400 tonn frá nóvember 2011 og
nam um 37.800 tonnum. Þar af var
þorskaflinn tæp 19.500 tonn, sem er
tæpum 1.900 tonnum minni afli en á
fyrra ári. Ýsuaflinn nam tæpum
4.300 tonnum sem er tæplega 1.400
tonnum minni afli en í nóvember
2011. Karfaaflinn dróst saman um
rúm 2.200 tonn samanborið við nóv-
ember 2011 og nam tæpum 5.100
tonnum. Tæp 4.800 tonn veiddust af
ufsa sem er um 200 tonna samdrátt-
ur frá nóvember 2011.
Afli uppsjávartegunda nam rúm-
um 50.800 tonnum. Rúmum 48.900
tonnum var landað af síld í nóvem-
bermánuði, samanborið við tæp
50.500 tonn í nóvember 2011.
Morgunblaðið/Ómar
Sjávarfang Mikill samdráttur varð í fiskveiðum í nóvember eða 17,4%.
Þrátt fyrir það hefur afli á fyrstu ellefu mánuðum ársins aukist um 12,1%.
Aflaaukningin á
árinu mælist 12,1%
17,4% minni afli í nóvember í ár
Auðbrekku 3 ~ 200 Kópavogur ~ Sími: 564 1660 ~ oreind.is
Þar sem að gervihnattabúnaðurinn fæst
YFIR 100 FRÍAR SJÓNVARPSSTÖÐVAR