Morgunblaðið - Sunnudagur - 24.03.2013, Blaðsíða 6

6 MORGUNBLAÐIÐ SUNNUDAGUR 24.3. 2013
Í desember framdi 18 ára
gömul stúlka í Punjab sjálfs-
morð. Tveir menn höfðu
nauðgað henni. Eftir á nið-
urlægðu karlkyns lög-
regluþjónar hana, létu hana
lýsa árásinni hvað eftir annað
og hvöttu hana síðan til að
giftast öðrum nauðgaranum.
Samkvæmt tölfræði yfir-
valda voru 10.068 nauðganir
tilkynntar 1990, 16.496 árið
2000 og 24.206 nauðganir
2011. Á Indlandi eru svein-
börn tekin framyfir meybörn
og árum saman hefur kven-
kyns fóstrum verið eytt. Nú
er talið að 15 milljónir „um-
framkarla“ séu í samfélag-
inu á aldrinum 15 til 35
ára. Á þeim aldri eru karlar
líklegastir til að fremja
glæpi. Því er haldið fram
að karlar, sem ekki eigi
fjölskyldur, fari saman í
hópum og fremji hrylli-
legri glæpi en væru
þeir einir.
J
udith Jensen er danskur
ferðalangur á Indlandi. Hún
hefur meðferðis langan gát-
lista um hvað beri að varast
meðan á ferðalaginu stend-
ur. Hún tekur ekki leigubíl úti á
götu, hún forðast lítt þekkt hótel
og fer ekki út eftir að dimma tek-
ur. Ástæðan fyrir varkárni hennar
er umfjöllun fjölmiðla um kynferð-
isglæpi í landinu.
„Ég hef lesið og heyrt svo mik-
ið um nauðganir á Indlandi að ég
finn fyrir stöðugri hættu,“ sagði
Jensen, sem er um fertugt, í sam-
tali við fréttastofuna AFP.
Ótrúlega Indland
Jensen sagðist hafa ferðast um
suðurhluta Indlands áhyggjulaus
með bakpoka fyrir áratug. Nú var
hún með dóttur sinni og sagði að
maðurinn hennar sendi sér mörg
smáskilaboð á dag til að athuga
hvort ekki væri allt með felldu.
Indverjar hafa gert mikið til að
laða ferðamenn til landsins und-
anfarin ár undir kjörorðinu Ótrú-
lega Indland með góðum árangri.
Nú koma um 6,6 milljón ferða-
langar til landsins árlega. Nú fer
hins vegar sú tilfinning vaxandi að
Indland sé einfaldlega ekki örugg-
ur ferðamannastaður, sérstaklega
ekki fyrir konur.
Í desember lést indverskur
námsmaður eftir að hópur manna
réðst á hana í strætisvagni og
nauðgaði. Árásin vakti gríðarlega
reiði í landinu og vakti athygli á
því hvað kynferðisofbeldi er al-
gengt á Indlandi. Í kjölfarið hafa
árásir á útlendinga í landinu bætt
gráu ofan á svart.
Á föstudag fyrir viku réðst hóp-
ur manna á svissneska konu, sem
var á hjólreiðaferðalagi með manni
sínum, og nauðgaði henni. Mað-
urinn hennar var bundinn og eig-
um þeirra stolið.
Tilfellin eru fleiri. Suðurkór-
eskur námsmaður sagði að eigandi
hótels, sem hún dvaldi á, hefði
byrlað sér eitur og nauðgað sér
í janúar. Kínversk
kona, sem var við
störf í Gurgaon í
nágrenni Nýju
Delhí, sagði að
kunningi sinn
hefði nauðgað sér í
febrúar.
Indversk stjórnvöld
segja ástæðulaust að
óttast og benda á að
útlendingar séu fórn-
arlömb glæpa um
allan heim. Þorri
ferðamanna á
Indlandi lendi ekki
í neinum uppákomum.
Stjórnvöld víða um heim ráð-
leggja hins vegar ferðalöngum að
ferðast með gát. Svissnesk stjórn-
völd höfðu fyrir árásina á sviss-
nesku hjónin gefið út yfirlýsingu
þar sem körlum og konum er ráð-
lagt að ferðast í hópum um Ind-
land og nýta þjónustu leiðsögu-
manna.
Á vefsíðu bandaríska utanríkis-
ráðuneytisins er konum ráðlagt að
„gæta ýtrustu varkarni í öryggis-
málum“ og „forðast að ferðast ein-
ar í leigubílum, sérstaklega að
kvöldlagi“.
Landlægt ofbeldi
Indversk stjórnvöld reyna að slá á
þessa umræðu og segja að hún sé
ósanngjörn. Í landinu fer hins
vegar nú fram umræða um viðhorf
til kvenna. Indverjar slái sér iðu-
lega á brjóst fyrir að hafa kosið
konu, Indiru Gandhi, í stól for-
sætisráðherra 1966 og að konur
séu víða í áhrifastöðum ráðherra
auk þess að vera áhrifamikilir
fræðimenn, íþróttamenn og rithöf-
undar.
Þessi tákn feli hins vegar „land-
lægt ofbeldi“ sem sé „rótgróið í
indverskri menningu“ skrifar
Sunny Hundal í The Guardian.
Raunin sé sú að á Indlandi sé
hefð fyrir því að ala stúlkur upp í
því skyni að þær verði góðar eig-
inkonur, ekki sjálfstæðar konur á
framabraut. Strákar geta valsað
um, en stúlkur eiga ekki að kalla
skömm yfir fjölskylduna.
Undanfarið hafa indverskar kon-
ur lýst því hvernig þær verði fyrir
ágangi karla á almannafæri. Í ind-
verskum kvikmyndum verða konur
ítrekað fyrir áreitni og átroðningi.
Hundal segir að skilaboðin virðist
vera þau að áreitnin borgi sig, á
endanum muni konan segja já.
Indversku samtökin Kosninga-
vaktin fóru yfir gögn, sem fram-
bjóðendur afhentu kjörstjórnum á
Indlandi. Helstu flokkar landsins
voru með 27 frambjóðendur á list-
um, sem ákærðir höfðu verið fyrir
nauðgun, og 260 frambjóðendur,
sem kærðir höfðu verið fyrir
glæpi gegn konum, allt frá árás-
um til áreitni, á undanförnum
fimm árum. Það er kannski ekki
að furða að stjórnmálamenn lands-
ins skuli liggja undir ámæli fyrir
að taka ofbeldi gegn konum ekki
nógu alvarlega.
Nauðganir
og orðspor
Indlands
FERÐAMENN Á INDLANDI SÝNA ÝTRUSTU VARKÁRNI
VEGNA HROTTALEGRA NAUÐGANA. STJÓRNVÖLD SEGJA
ÓSANNGJARNA MYND HAFA VERIÐ DREGNA UPP, EN
AÐRIR BENDA Á BRESTI Í INDVERSKRI MENNINGU.
Karl Blöndal kbl@mbl.is
ALDA NAUÐGANA
Ofbeldi
gegn konum
mótmælt.
Mannfjöldi heldur kertum á lofti til að minnast grimmilegrar hópnauðgunar á ungri konu í Nýju Delhí í desember. Konan
lét lífið og hefur málið vakið gríðarlega reiði á Indlandi og ótta meðal ferðamanna, sem þangað fara.
AFP
* Þetta er ekki einangrað atvik. Þetta er saga hverrareinustu konu á Indlandi.Ankita Cheerakathil, tvítugur háskólanemi,
eftir að kona lét lífið eftir hópnauðgun í desember.
Alþjóðamál
KARL BLÖNDAL
kbl@mbl.is
HEIMURINN
JAPAN
TÓKÝÓ
Talið er að
rotta hafi
valdið því
að sló út í
rafmagns-
töflu
þannig að rafmagn fór
af kælikerfi fyrir not-
aðar eldsneytisstangir í
Fukushima-kjarnorkuverinu
í Japan. Atvikið þykir bera
því vitni hvað lítið má út
af bera í kjarnorkuverinu
þar sem þrír kjarnakljúfar
eyðilögðust í flóðbylgjunni
fyrir tveimur árum með
þeim afleiðingum að
geislavirk efni dreifðust um
nágrennið og tugir þúsunda
manna þurftu að yfirgefa
heimili sín.
ÍRAK
BAGDAD Borgarastríðið í Sýrlandi útheimt-
ir helmingi fleiri fórnarlömb en Íraksstríðið
samkvæmt tölum, sem birtar voru í vikunni.
Á tveimur árum hafa 70 þúsund manns fallið
í Sýrlandi, jafn margir og féllu á fjórum árum
í Írak.Tíu ár eru liðin frá innrásinni í Írak. 60 manns létust í
sprengjuárásum, sem gerðar voru af því tilefni. Hópur sem
tengist al-Qaeda lýsti yfir ábyrgð á tilræðunum.
KÝPUR
NIKÓSÍA Pólitískir leið-
togar á Kýpur efndu til neyð-
arviðræðna eftir að þingið
hafnaði alþjóðlegu neyðarláni,
sem hefði haft í för með
sér að skattur hefði verið
lagður á inneignir á bankareikningum. Hinn
umdeildi skattur var skilyrði fyrir láninu frá
Evrópusambandinu og Alþjóðagjaldeyris-
sjóðnum. Bankar á Kýpur voru lokaðir alla
vikuna á meðan stjórnvöld reyndu að setja
saman nýja björgunaráætlun.
ARGENTÍNA
BUENOS AIRES
Mikil gleði braust
út í Argentínu
þegar Frans páfi,
sem er frá Buenos
Aires, tók embætti á þriðjudag.
Cristina Kirchner, forseti Arg-
entínu, hitti landa sinn og bað
hann að styðja kröfu Argentínu
um viðræður við Breta vegna
tilkalls Argentínumanna til
Falklands- eða Malvinaseyja.
David Cameron, forsætisráð-
herra Bretlands, sagði að páfi
ætti að virða óskir eyjaskeggja.
Meirihluti þeirra greiddi nýlega
atkvæði með því að heyra
áfram undir Breta.