Morgunblaðið - Sunnudagur - 24.03.2013, Blaðsíða 57

24.3. 2013 MORGUNBLAÐIÐ SUNNUDAGUR 57
Flestir kannast við það að safna
hlutum sem engin þörf er á. Í
nýrri bók, Burt með draslið, er
er okkur kennt að einfalda lífið
og setja allt á sinn stað. Henda
– Gefa – Geyma eru lausn-
arorð draslbanans – eða svo
segir höfundurinn Rita Emmet
okkur. Hún vitnar í Antoine
de-Saint-Exupéry, höfund Litla
prinsins, sem sagði: „Sá sem vill
eiga ánægjulega ferð má ekki
hafa of mikinn farangur.“
Kaflar bókarinnar bera
skemmtileg heiti eins og:
„Hvernig gat ég safnað að mér
öllu þessi dóti?“ – „Varúð!
Draslið laumast inn á ný.“ –
„Innilokað drasl – það sem
ekki sést er ekki til“ og „Gleðin
yfir að vera frjáls undan drasl-
inu.“
Frjáls undan
draslinu
Valeyrarvalsinn eftir Guðmund
Andra Thorsson og Konan við 1000°
C eftir Hallgrím Helgason, eru til-
nefndar til Bókmenntaverðlauna
Norðurlandaráðs og báðar fá afar lof-
samlega dóma í dönsku pressunni þessa
dagana. Danskir kvikmyndaframleiðendur
hafa lýst yfir áhuga á að kvikmynda Va-
leyrarvalsinn.
Konan við 1000° C fékk fimm stjörnu
dóm í Alt for damerne á dögunum. Gagn-
rýnandi Politiken gaf bókinni fjögur hjörtu
og sagði bókina hárbeitta. Weekendavisen
hefur ennfremur birt afar lofsamlegan
dóm Klaus Rothstein um bók Hallgrím.
Þar segir meðal annars: „Texti Hallgríms
er, sem ávallt, öflugur og krefjandi, fullur
af krafti og stemningu.“
Birte Weiss skrifar af mikilli hrifningu
um Valeyrarvals Guðmundar Andra í
Weekendavisen: Leggið nafnið á minnið:
Guðmundur Andri Thorsson. Enn er hann
óþekktur í Danmörku en eftir tilnefningu
til Bókmenntaverðlauna Norðurlandaráðs
er veröldin að opnast honum. Að endingu
segir gagnrýnandinn: „Valeyrarvalsinn get-
ur orðið höfundi aðgangsmiðinn til stærri
markaða heimsins. Hann verðskuldar það
svo sannarlega.“
Hallgrímur Helgason og Guðmundur Andri
Thorsson vekja athygli í Danmörku.
Morgunblaðið/Kristinn
HRIFNING
Í DÖNSKU
PRESSUNNI
Brúðugerðarsnillingurinn Bernd Ogrod-
nik frumsýndi leikgerð sína af þjóðsög-
unni um Gilitrutt í Brúðuheimum í
Borgarnesi haustið 2010. Sýningin naut
mikilla vinsælda og hlaut Grímuverðlaunin
sem besta barnasýningin ársins. Í næsta
mánuði frumsýnir Bernd Gilitrutt á Leik-
húslofti Þjóðleikhússins og um leið kemur
sagan út á glæsilegri bók með myndum úr
sýningunni.
Bókin, sem ber titilinn Gilitrutt og
hrafninn, er samvinnuverkefni Bernds og
Kristínar Maríu Ingimarsdóttur og er
unnin á sama hátt og bók þeirra Pétur
og úlfurinn sem kom út 2008. Teknar
eru myndir af leikbrúðum og leikmynd og
eftir þeim vinnur Kristín María glæsilegar bókarmyndir. Leikmynd Bernds er afskaplega lit-
rík og unnin að stórum hluta úr þæfðri ull. Ullaráferðin skilar sér vel í bókinni, svo og
listilega útskornar brúðurnar sem er engu líkara en skipti um svip eftir því hvernig þeim
er snúið.
Gilitrutt hefur lengi verið ein vinsælasta sagan úr þjóðsagnasafni Jóns Árnasonar. Hér
er henni tvinnað saman við alþekkt sagnaminni um hrafninn sem launar mönnum vel þá
greiða sem þeir gera honum. Bókin kemur samtímis út á íslensku og ensku en enska út-
gáfan ber titilinn The Troll and the Raven.
BRÚÐUR Á BÓK
Gilitrutt og hrafninn er samvinnuverkefni Bernds
Ogrodnik og Kristínar Maríu Ingimarsdóttur.
Skáldsaga Auðar Jónsdóttur,
Ósjálfrátt, var ein vinsælasta
jólabók síðasta árs og er nú
komin út í kilju. Þetta er bók
sem margir hefðu viljað sjá fá
tilnefningu til Íslensku bók-
menntaverðlaunanna. Það varð
ekki en bókin hlaut hins vegar
Fjöruverðlaunin – bókmennta-
verðlaun kvenna. Þetta er
bráðskemmtileg þroskasaga
ungrar konu, með einkar eft-
irminnilegum og litríkum kven-
persónum.
Sterkar og
litríkar kven-
persónur
Bækur
úr ýmsum
áttum
NÝJAR BÆKUR
ÞVÍ BER AÐ FAGNA ÞEGAR VANDAÐAR FRÆÐI-
BÆKUR KOMA Á MARKAÐ. SAGA ALÞÝÐU-
SAMBANDSINS ÍSLANDS ER ÞANNIG BÓK. EIN AF
BÓKUM SÍÐASTA ÁRS, ÓSJÁLFRÁTT EFTIR AUÐI
JÓNSDÓTTUR, ER KOMIN Í KILJU. HANDBÆKUR AF
ÝMSU TAGI GETA SVO AUÐVELDAÐ FÓLKI LÍFIÐ.
Joshua Foer, höfundur bókarinnar
Tiplað með Einstein, er minn-
ismeistari Bandaríkjanna. Í bókinni
Tiplað með Einstein segir hann frá
þessari vegferð sinni og veitir leið-
sögn um listina að bæta minnið.
Þetta er fyrsta bók höfundar og
fjöldi tímarita og vefsíðna tilnefndi
hana sem eina af bestu bókum árs-
ins 2011. Bók sem Bill Gates mælir
með.
Listin að
bæta minnið
Sumarliði R. Ísleifsson sagnfræðingur er höf-
undur Sögu Alþýðusambands Íslands sem
kemur út í tveimur veglegum bindum. Fyrra
bindið ber undirtitilinn Í samtök og nær yfir
tímabilið 1916-60 og hið síðara kallast Til vel-
ferðar og nær frá 1960-2010. Bækurnar eru
samtals nær 800 síður í stóru broti og þar er
að finna mörg hundruð myndir sem tengjast
íslenskri verkalýðsbaráttu og alþýðu-
samtökum.
Vegleg saga Alþýðusambands Íslands
* Í draumi sérhvers manns er fallhans falið. Steinn Steinarr BÓKSALA 13.-19. MARS
Allar bækur
Listinn er byggður á upplýsingum frá Eymundsson
1 Lág kolvetna lífsstíllinnGunnar Már Sigfússon
2 Brynhjarta - kiljaJo Nesbø
3 Nýttu kraftinnSigríður Snævarr / María Björk
Óskarsdóttir
4 Iceland Small World - small ed.Sigurgeir Sigurjónsson
5 Iðrun - kiljaHanne-Vibeke Holst
6 Halli hrekkjusvínEva Lynn Fogg ofl.
7 Illska - kiljaEiríkur Örn Norðdahl
8 Sumar án karlmanna - kiljaSiri Hustvedt
9 Sjóræninginn - kiljaJón Gnarr
10 SálmabókÝmsir
Kiljur
1 BrynhjartaJo Nesbø
2 IðrunHanne-Vibeke Holst
3 IllskaEiríkur Örn Norðdahl
4 Sumar án karlmannaSiri Hustvedt
5 SjóræninginnJón Gnarr
6 ÓsjálfráttAuður Jónsdóttir
7 UndantekninginAuður Ava Ólafsdóttir
8 Hvítfeld fjölskyldusagaKristín Eiríksdóttir
9 SkáldEinar Kárason
10 HúsiðStefán Máni
MÁLSHÁTTUR VIKUNNAR
Blindur er bóklaus maður.