Morgunblaðið - Sunnudagur - 24.03.2013, Blaðsíða 52

52 MORGUNBLAÐIÐ SUNNUDAGUR 24.3. 2013
Um árabil hélt Jónas Ingimundarson píanó-
leikari utan um vinsæla ljóðatónleika í
Gerðubergi. Í tilefni af 30 ára afmæli menn-
ingarmiðstöðvarinnar mætir hann aftur til
leiks ásamt Þóru Einarsdóttur sópr-
ansöngkonu og er gestum boðið til tónleika
með þeim á laugardag klukkan 14 – aðgangur
er ókeypis.
Á tónleikunum verða flutt verk eftir Moz-
art, Þorkel Sigurbjörnsson, Debussy, Masse-
net, Faure, Hahn og Schubert. Tónleikagestir
fá í hendur vandaða efnisskrá með textum
og ljóðaþýðingum Reynis Axelssonar eins og
hefð var fyrir á Ljóðatónleikum Gerðubergs.
Á þeim 50 ljóðatónleikum sem haldnir
voru í Gerðubergi á árunum 1988-2005
komu fram 55 listamenn.
GERÐUBERG 30 ÁRA
JÓNAS OG ÞÓRA
Jónas Ingimundarson og Þóra Einarsdóttir
koma fram á ljóðatónleikum í Gerðubergi.
Jóhannes Kjarval tók fyrstu skóflustunguna fyrir
byggingu Kjarvalsstaða 18. ágúst árið 1966.
Ljósmynd/Pétur Thomsen
Á sunnudag eru fjörutíu ár frá vígslu Kjar-
valsstaða. Af því tilefni býður Listasafn
Reykjavíkur til afmælishátíðar frá klukkan 11
til 17 og er aðgangur ókeypis. Í Smiðjunni er
boðið upp á samverustund fyrir fjölskyldur
allan daginn og þá hefur afmælissýningin
Flæði verið endurnýjuð umtalsvert.
Formleg hátíðarhöld hefjast klukkan 14 og
flytur Jón Gnarr borgarstjóri þá ávarp.
Klukkan 14.30 leikur Tríó Sunnu Gunnlaugs
nokkur lög, klukkan 15 leiðir Guja Dögg
Hauksdóttir arkitekt gesti síðan um húsið,
sem Hannes Kr. Davíðsson teiknaði. Klukk-
an 15.30 verður spjall um sögu Klambratúns
og hverfisins, kl. 16 verður skyggnst bak við
tjöldin í sýningum hússins og loks verður
klukkan 16.30 leiðsögn um verk Kjarvals á
sýningunni.
AFMÆLI KJARVALSSTAÐA
FJÖRUTÍU ÁRA
Nýr einleikur, Grande,
eftir Tyrfing Tyrfingsson,
verður sýndur í Leik-
húskjallaranum laug-
ardags- og sunnudags-
kvöld, og hefjast sýningar
klukkan 20.
Einleikurinn var frum-
sýndur á „Up & coming“-
hluta Lókal leiklistarhátíð-
arinnar árið 2011.
Hjörtur Jóhann Jónsson leikur og Steinþór
Helgi Sunde sér um tónlistina. Höfundurinn
var í fyrra við nám í leikhússkrifum við
Goldsmiths University í London.
GRANDE EFTIR TYRFING
NÝR EINLEIKUR
Tyrfingur
Tyrfingsson
Síðustu tvo mánuði hafa sérfræðingar unnið að hreinsun ogviðhaldi á hinu mikla Klais-orgeli Hallgrímskirkju. Í tilefniverklokanna kemur sænski dómorganistinn Mattias Wager
hingað til lands og leikur á orgelið á tvennum hátíðartónleikum, á
sunnudag klukkan 17 og á mánudagskvöld klukkan 20.
Wager er einn kunnasti organisti Norðurlanda og sá erlendi
orgelleikari sem oftast hefur haldið orgeltónleika í Hallgríms-
kirkju. Á tónleikunum á sunnudag verður fjölbreytileg efnisskrá,
þar sem litadýrð orgelsins fær að njóta sín. Meðal annars hljóma
hin stóra Prelúdían og fúga í Es-dúr eftir J.S. Bach, Fantasía í f-
moll eftir Mozart, sem þykir mikið virtúósastykki,og Scherzo eftir
Duruflé. Auk þess leikur Wager af fingrum fram tilbrigði við ís-
lenskan sálm og stef sem hann fær á staðnum, en hann þykir í
röð fremstu spunameistara orgelsins í dag.
Umfangsmikil hreinsun og nýtt stýrikerfi
Á mánudagskvöld kl. 20 flytur Wager stórbrotið orgelverk eftir
Marcel Dupré er nefnist Le chemin de la croix, „Píslarganga
Krists“. Það er 14 hugleiðingar um staðina, sem Kristur stansaði
á, á krossgöngu sinni upp að Golgata. Verkið byggist á sam-
nefndu ljóði eftir franska skáldið Paul Claudel. Wager mun flytja
þetta sama verk í Storkyrkan í Stokkhólmi á föstudaginn langa.
Að sögn Harðar Áskelssonar kantors hefur orgelið verið tekið í
gegn og þrifið. „Þetta var umfangsmikil hreinsun. Einnig var
skipt um stafrænt stýrikerfi sem verður bylting fyrir okkur sem
leikum á hljóðfærið, nú getum við haft fleiri orgelverk skráð inn
og geymd, hvor organisti getur haft sitt eigið svæðið í orgelinu.
Við getum nú líka látið orgelið taka upp og leika sjálft. Hljóm-
breytingar eru þær að „aðalverkið“, borð tvö af fjórum, hefur ver-
ið endurstillt því miðjan þótti of veik, vera í hljómskugga. Eins
og ég heyri það núna virðist það hafa tekist fullkomlega og svo
verða tónleikar Mattiasar eins og úttekt fyrir okkur á hljóðfær-
inu.“
KLAIS-ORGEL HALLGRÍMSKIRKJU HLJÓMAR Á NÝ
Tvennir hátíðartónleikar
Sérfræðingur leggur lokahönd á hreinsun stóra Klas-orgelsins.
Morgunblaðið/Golli
LOKIÐ HEFUR VERIÐ VIÐ VIÐAMIKLA HREINSUN Á
ORGELI HALLGRÍMSKIRKJU. SÆNSKI DÓMORGANISTINN
MATTIAS WAGER LEIKUR AF ÞVÍ TILEFNI Á ÞAÐ Á
TVENNUM TÓNLEIKUM, Á SUNNUDAG OG MÁNUDAG.
Menning
V
ið erum að fara endurvekja tón-
leikaröðina sem var alltaf í Edrú-
höllinni – kaffi kökur og rokk og
ról,“ segir leikarinn Rúnar Freyr
Gíslason en hann ásamt Páli
Steinarssyni hefur ákveðið að glæða þessa
mögnuðu tónleikaröð lífi að nýju, en það var
Arnar Eggert Thoroddsen blaðamaður og
poppfræðingur sem var helsti hvatamað-
urinnog hóf leikinn fyrir tveimur árum.
„Hann reif þetta þvílíkt upp og hér hefur
verið spilað margt af því flottasta sem tónlist-
in bauð upp á. John Grant, Ham, Skálmöld og
fleiri og fleiri komu frá á Kaffi, kökur, rokk
og ról. Arnar Eggert er fluttur út til Ed-
inborgar og við erum að taka við keflinu,“
segir Páll.
Þeir félagar ætla að fækka tónleikunum.
Núna verða þeir síðasta þriðjudag í hverjum
mánuði. Þá verður talið í og rokkað með kök-
ur og kaffi og fólk skemmtir sér edrú. „Þetta
verður veglegra núna. Stærri viðburður,“ seg-
ir Rúnar og Páll tekur undir. „Þetta var
kannski of oft. Við viljum gera þetta sjaldnar
og veglegra. Halda flottum standard á þessu
og að það séu alltaf einhverjir athyglisverðir
listamenn að koma fram.“
Þriðjudagar hafa verið dagarnir sem tón-
leikarnir hafa verið haldnir og eins og nafnið
gefur til kynna eru kaffi og kökur á boð-
stólnum. „Valdimar og Biggi Hilmars byrja
þetta hjá okkur þriðjudaginn 26.mars. Ég er
sjálfur nýbúinn að kynnast hans tónlist. Þetta
er maður sem á eftir að ná langt – ég fullyrði
það hér með. Lagið hans War Hero er til
dæmis algjör snilld,“ segir Rúnar Freyr.
„Hugmyndin er að hafa sterkt þema á
kvöldunum. Valdimar og Biggi Hilmars finnst
okkur passa vel saman. Við reynum að hafa
svolítið lík bönd að spila saman. Við erum að-
eins að hrista upp í þessu og reyna að skapa
vettvang fyrir þessa tónleikaröð. Okkar sýn er
að þetta fái að lifa sem stórir viðburðir og að
fólk geti tekið þennan síðasta þriðjudag í
mánuðinum frá og komið og skemmt sér. Það
mega allir koma, þetta er ekkert bara fyrir
edrú fólk. Allir eru velkomnir,“ segir Páll.
Ekkert bús og börnin með
Edrúhöllin er í Efstaleiti 7 (SÁÁ húsinu) og
segja hljómlistamenn sem spilað hafa á þess-
um kvöldum að hljómurinn sé gríðarlega góð-
ur og þéttur. Það verður því enginn svikinn af
að taka bíltúr síðasta þriðjudag í hverjum
mánuði.
Tónleikarnir hefjast klukkan 20 og lýkur
tveimur tímum síðar. „Ég á einn tíu ára gutta
sem ég er að fara koma með á rokktónleika af
því að þetta er ekki á einhverjum bar. Hér
eru allir komnir til að hlusta. Enginn að
drekka og ekkert vesen. Hér eru allir að
koma til að njóta þess sem er í gangi. Þannig
á það að vera,“ segir Rúnar Freyr.
Aðgangseyrir á tónleikana er 500 krónur.
Fyrir áhugasama má fylgjast með komandi
tónleikum í Edrúhöllinni á vef SÁÁ eða á fés-
bókinni undir heitinu Kaffi kökur og rokk og
ról.
RÚNAR FREYR GÍSLASON OG PÁLL STEINARSSON
Allir koma
til að njóta
TÓNLEIKARÖÐIN KAFFI, KÖKUR OG ROKK OG RÓL Í EDRÚHÖLLINNI VERÐUR
ENDURVAKIN EFTIR STUTTAN SVEFN. RÚNAR FREYR GÍSLASON OG PÁLL
STEINARSSON ÆTLA AÐ BLÁSA TIL VEGLEGRA TÓNLEIKA SÍÐASTA ÞRIÐJU-
DAG Í HVERJUM MÁNUÐI. FYRST ERU ÞAÐ VALDIMAR OG BIGGI HILMARS.
Benedikt Bóas benedikt@mbl.is