Morgunblaðið - 17.07.2013, Blaðsíða 16

16 FRÉTTIRInnlent
MORGUNBLAÐIÐ MIÐVIKUDAGUR 17. JÚLÍ 2013
Hildur Hjörvar
hhjorvar@mbl.is
Hjúkrunarheimilið Eir auglýsti um liðna
helgi íbúðir til leigu í Fróðengi í Grafarvogi
fyrir einstaklinga og pör á öllum aldri. Er
þetta að vissu leyti nýmæli, enda hefur mark-
hópur Eirar hingað til verið eldri borgarar
sem vilja komast í svokallaðar öryggisíbúðir
að sögn Sveins Magnússonar, forstöðumanns
eignaumsýslu Eirar. „Þarna hefur búið fólk
sem þarf ekki á neinni þjónustu að halda en
meginþorri þeirra sem hefur sótt þarna um
er auðvitað eldri borgarar sem kalla eftir
ákveðinni þjónustu,“ útskýrir Sveinn.
Hann segir tafir á byggingu þjónustu-
miðstöðvar sem Reykjavíkurborg átti að reisa
samhliða húsnæði Eirar í Fróðengi valda
ákveðnum vanda, sem ákveðið hafi verið að
leysa með þessum hætti. „Þetta hefur valdið
því að heilmikið af íbúðum þeim megin sem
snýr að þjónustumiðstöðinni hefur ekki geng-
ið út og því leigjum við þetta út tímabundið
meðan það ástand varir,“ segir Sveinn, en
íbúðirnar verða leigðar til allt að tveggja ára.
Skortur á húsnæði í Grafarvogi
Sveinn segir viðbrögð við auglýsingunni
hafa verið gríðarlega góð. „Við höfum fengið
ofboðslega mikið af fyrirspurnum og vorum
fram á kvöld að reyna að svara fyrirspurnum
í gær og í fyrradag. Nú er búið að leggja lín-
urnar með drög að húsaleigusamningum,“
segir hann, en íbúðirnar eru tuttugu talsins
og eru ýmist 72 eða 95 fermetrar. Sveinn seg-
ir pör sem enn hafa ekki fest ráð sitt vera
fjölmennasta hópinn meðal áhugasamra.
Eldri borgurum hugnist ekki tímabundna
leigan og einstaklingar séu helst á höttunum
eftir minni stúdíóíbúðum.
Sveinn kveður eftirspurnina hafa komið á
óvart. „Miðað við eftirspurnina og umsögn
fólks þá er gríðarlegur skortur á húsnæði hér
í Grafarvoginum. Fólk sem er að leita að hús-
næði rýkur á þennan möguleika af því að það
er lítið í boði. Leiguverð er svo auðvitað í
skýjunum og það kann því miður ekki góðri
lukku að stýra til langframa því svona blaðra
springur.“
Færri lausar íbúðir
Mikið fór fyrir fréttaflutningi af bágri fjár-
hagsstöðu Eirar síðasta haust og segir
Sveinn skipulagi hjúkrunarheimilisins hafa
verið gjörbreytt síðan þá. „Búseturétt-
arkerfið var það sem setti hér allt í loft upp
en síðan í september síðastliðnum höfum við
eingöngu boðið upp á húsaleigu. Það er von-
andi að það verði þannig að við getum boðið
ákveðinn íbúðarrétt svo fólk geti fest fjár-
magn með ávöxtun í ákveðnu prósentuhlut-
falli og borgað leigu á milli. Þar tala menn
um 10-30% sem möguleika en þetta er ekkert
ákveðið.“
Sveinn segir fréttir af fjárhagsstöðu Eirar
þó ekki hafa haft áhrif á eftirspurnina. „Það
hefur enginn skilað íbúð nema viðkomandi
hafi fallið frá. Þegar ég byrjaði hér í ágúst sl.
voru á bilinu 40-50 íbúðir lausar en nú eru
þær ekki nema 20.“
Íbúar jákvæðir
Aðspurður hvort barnafjölskyldur séu vel-
komnar í Fróðengið segir Sveinn að hvert til-
vik verði skoðað fyrir sig. Honum heyrist á
öllu að íbúum lítist ágætlega á fyrirætl-
anirnar.
„Í Danmörku er barnafólk innan um gamla
fólkið og það er mjög ánægjulegt ef hægt er
að koma því við. Okkar vandamál er að við
erum ekki með einn afmarkaðan stigagang
fyrir barnafólk, en þetta eru stórar og góðar
íbúðir og það á ekki að vera vandamál. Það
þarf að taka tillit til heilsufars fólksins, en ég
er handviss um að „stabílar“ fjölskyldur með
börn yrðu bara til að gleðja gamla fólkið. Því
miður getum við aðeins gert þetta tímabundið
en ég vildi sjá þessa þróun í framtíðinni.“
Mikil eftirspurn kemur á óvart
 Eir auglýsir íbúðir til leigu fyrir fólk á öllum aldri  Tafir á byggingu þjónustumiðstöðvar Reykja-
víkurborgar valda vandræðum  Gríðarleg eftirspurn er talin sýna skort á húsnæði í Grafarvogi
Morgunblaðið/Ómar
Spánnýtt Húsnæði Eirar í Fróðengi er nýlegt, en fyrstu íbúarnir fluttu þar inn árið 2009.
Kjartan Kjartansson
Gunnar Dofri Ólafsson
Stúdentaráð Háskóla Íslands (SHÍ)
ætlar að stefna íslenska ríkinu og
Lánasjóði íslenskra námsmanna
(LÍN) vegna breytinga á útlána-
reglum sjóðsins. Málið verður þing-
fest á morgun en héraðsdómur hefur
fallist á að taka það til flýtimeðferð-
ar. Líklega verður málið tekið fyrir í
ágúst. Stúdentar krefjast þess að
ákvæði um hert skilyrði um náms-
framvindu verði fellt út úr úthlutun-
arreglum LÍN.
Fram kom í máli Maríu Rutar
Kristinsdóttur, formanns SHÍ, á
blaðamannafundi í gær að stúdentar
teldu samningaleið fullreynda í mál-
inu. Það sýndi hversu alvarlegt hags-
munamál breytingarnar á úthlutun-
arreglunum væru fyrir stúdenta að
þetta væri líklega í fyrsta skipti sem
SHÍ stefnir íslenska ríkinu og LÍN.
Styttri frestur nú en 2010
SHÍ telur að stjórn LÍN hafi brot-
ið gegn lögum þegar það tók ákvörð-
un um að hækka lágmarkskröfur um
námsframvindu úr 18 einingum á
skólaári í 22 einingar. Það þýðir að
þeir sem ljúka ekki 22 einingum á
einu skólaári eiga ekki rétt á náms-
lánum. Þær breytingar hafi verið
boðaðar með örskömmum fyrirvara
og eftir að skráningarfrestur fyrir
næsta skólaár rann út.
„Við höfum bent á að það eru mikl-
ir vankantar á framkvæmd breyting-
anna. Meðal annars teljum við fyr-
irvarann allt of stuttan. Hann er
styttri núna en árið 2010 þegar um-
boðsmaður Alþingis ávítti LÍN og
menntamálaráðuneytið fyrir að hafa
gefið út breytingar á úthlutunar-
reglum í miðjum júní. Nú er verið að
gera það með íþyngjandi reglum í
miðjum júlí,“ segir María Rut.
SHÍ áætlar að breytingarnar hafi
áhrif á 16% stúdenta, alls um tvö
þúsund manns. Líklegt sé að þar sé
fyrst og fremst um að ræða fjöl-
skyldufólk og fólk með námsörðug-
leika auk þeirra sem geta af öðrum
ástæðum ekki stundað nám sitt á
sama hraða og aðrir.
Pískrað áfram í gegnum LÍN
Stjórn LÍN lagði fram breyting-
arnar á úthlutunarreglunum í kjölfar
þess að ríkisstjórnin ákvað 1,5% flat-
an niðurskurð í öllum ráðuneytum.
Breytingarnar voru lagðar fram á
föstudegi og samþykktar á fyrsta
stjórnarfundi nýrrar stjórnar sjóðs-
ins á mánudegi að því er kemur fram
í stefnu SHÍ.
SHÍ lagði fram eigin tillögur að
niðurskurði upp á alls hálfan milljarð
króna þrátt fyrir að LÍN hefði neitað
ráðinu um gögn til að reikna út til-
lögur sínar. María Rut segir að stúd-
entar hafi komið að lokuðum dyrum
hjá LÍN og menntamálaráðuneytinu
og enginn hljómgrunnur verið fyrir
tillögum þeirra. Stjórnin hafi á end-
anum fallist á breytingar á borð við
að leyfilegt væri að færa einingar á
milli anna, hertar kröfur yrðu ekki
gerðar til öryrkja eða lesblindra og
að tekið væri tillit til þeirra sem
væru að ljúka námi. Þetta segir
María Rut hafa verið sjálfsagðar
breytingar. Þá hafi stúdentum verið
boðið að fresta gildistöku breyting-
anna þangað til í janúar en gegn því
að hækkun námslána sem áður hafði
verið lofað tæki ekki gildi fyrr en þá
heldur.
„Eftir að við áttuðum okkur á að
þetta snerist ekki um niðurskurð
heldur væri þetta stefnubreyting um
að flýta fólki í gegnum nám og píska
það áfram í gegnum LÍN ákváðum
við að stefna ríkinu. Það er verið að
útiloka þá sem geta ekki lært eins
hratt og aðrir frá því að framfleyta
sér með námslánum,“ segir María
Rut um ákvörðun stúdenta.
Hertar kröfur sagðar snúast um
stefnubreytingu, ekki niðurskurð
 Hagsmunasamtök stúdenta stefna ríkinu og LÍN  Breytingar útiloka námslán fyrir stóran hóp
Morgunblaðið/Styrmir Kári
SHÍ Fulltrúar Stúdentaráðs kynntu stefnuna fyrir fjölmiðlamönnum í gær. Þeir sögðust telja að fullreynt hefði ver-
ið að ná samkomulagi um breytingar á útlutunarreglum LÍN við sjóðinn og menntamálaráðuneytið.
Guðrún
Ragn-
arsdóttir,
fram-
kvæmda-
stjóri LÍN,
segist frekar
hafa átt von
á að stúd-
entar leit-
uðu til um-
boðsmanns
Alþingis en dómstóla vegna
breytinganna á úthlutunarregl-
unum.
Hún vildi að öðru leyti ekki tjá
sig efnislega um stefnu SHÍ
gegn ríkinu og sjóðnum í gær.
khj@mbl.is
Stefna kem-
ur á óvart
FRAMKVÆMDASTJÓRI LÍN
Guðrún
Ragnarsdóttir
Það er býsna mikið viðbragð af
hálfu stúdenta að fara með breyt-
ingar á úthlutunarreglum LÍN til
dómstóla að mati Illuga Gunn-
arssonar menntamálaráðherra.
Hann segir að verið sé að hækka
námslán og færa námsframvindu-
kröfur til þess sem þær voru fyrir
örfáum árum og er hin almenna
regla á Norðurlöndunum.
„Að sjálfsögðu hafa stúdentar
rétt til að fara þessa leið, en ég tel
þó einsýnt að ríkið hljóti að geta
tekið ákvarðanir sem þessar. Við
erum með þessum breytingum að
bregðast við því
að það er gríð-
arlegur halli á
ríkissjóði, miklu
meiri en áður var
talið. Rík-
isstjórnin þarf að
bregðast við
þessu í þessum
málaflokki sem
og öllum öðrum málaflokkum. Rík-
ið hlýtur að hafa allt svigrúm til
þess að haga málum með þeim
hætti sem var gert hjá stjórn LÍN
og ég hef staðfest.“ aslaug@mbl.is
„Býsna mikið viðbragð“
MENNTAMÁLARÁÐHERRA UM STEFNU STÚDENTA
Illugi Gunnarsson