Morgunblaðið - 17.07.2013, Blaðsíða 17

FRÉTTIR 17Innlent
MORGUNBLAÐIÐ MIÐVIKUDAGUR 17. JÚLÍ 2013
Björn Jóhann Björnsson
bjb@mbl.is
Matís hefur endurprentað bæklinga
um mikilvægi góðrar meðhöndlunar
á fiski, nýdregnum úr sjó. Þar er
einkum minnt á þá fimm þætti sem
skipta mestu; blóðgun, slægingu,
þvott, hreinlæti og kælingu.
Nýliðun hefur verið töluverð í út-
gerð smábáta en talsmaður Matís
bendir þó á að leiðbeiningunum sé
beint til allra sjómanna, hvort sem
þeir starfa á smábátum eða stærri
fiskiskipum. Vísbendingar séu þó um
að sjómenn meðhöndli aflann með
mismunandi hætti.
Starfsmenn Matvælastofnunar,
MAST, og Fiskistofu framkvæmdu
hitastigsmælingar í júnímánuði á
lönduðum afla 240 báta. Mælingarn-
ar voru alls 548 og fóru fram víðs
vegar um landið. Þar reyndist hita-
stig aflans að jafnaði vera 3,2 gráður
en samkvæmt gildandi reglugerð
skal hitastigið vera undir 4 gráðum,
fjórum klukkustundum eftir að afl-
inn er tekinn um borð. Um 70%
aflans voru undir tilskildum mörk-
um. Um þriðjungur var því ekki með
rétt hitastig. Um 7% bátanna komu
með ókældan fisk að landi.
Lengi býr að fyrstu gerð
Arnljótur Bjarki Bergsson, sviðs-
stjóri vinnslu, virðisaukningar og
eldis hjá Matís, segir aldrei of oft
minnt á mikilvægi þess að með-
höndla fiskinn rétt, þannig að gæði
hans séu tryggð til áframhaldandi
vinnslu. Mælingar MAST og Fiski-
stofu bendi til að menn þurfi að taka
sig á.
„Lengi býr að fyrstu gerð. Það
skiptir máli að fiskur sé fagmann-
lega höndlaður frá því að hann er
fangaður svo gera megi sem mest
verðmæti úr aflanum. Gæðin eru
grunnur allra verðmæta,“ segir Arn-
ljótur.
„Blóðgun, blæðing og kæling eru
lykilatriði um borð í þeim bátum sem
rúma ekki slægingu, en þar sem því
verður við komið eru blóðgun, blæð-
ing, slæging og kæling lykilatriðin,“
segir hann ennfremur.
Arnljótur bendir á að sumarþingið
hafi breytt stærðarmörkum króka-
aflamarksbáta og heimili nú stærri
báta. Í stærri bátum sé mikilvægt að
hafa góða aðstöðu um borð fyrir
slægingu. Kæling sé mjög mikilvægt
atriði og nauðsynlegt að halda lágu
hitastigi á aflanum alla leiðina í land.
„Aflinn þarf að standast þær kröfur
sem fiskvinnslan gerir til hans.
Vinnsla og sala á fiski snýst um
traust. Menn þurfa að tryggja að
geta selt fisk aftur. Fæstir leggja
upp með að þetta séu einskiptis-við-
skipti, menn vilja væntanlega geta
endurtekið leikinn. Þetta snýst alltaf
um virðingu fyrir umhverfi, hráefni
og neytendum,“ segir Arnljótur
Bjarki.
Matís vill að sjómenn taki sig á
 Sjómenn minntir á mikilvægi réttrar meðhöndlunar á ferskum fiski  Matís endurgerir bæklinga
 Nýleg mæling sýndi 30% afla smábáta með hitastig yfir leyfilegum mörkum  Á samt við um öll skip
Morgunblaðið/RAX
Meðhöndlun Eitt þeirra atriða sem skipta mestu við meðhöndlun á ferskum fiski er kæling aflans alla leiðina í land.
Bæði bæklingi og einblöðungi
Matís um mikilvægi góðrar
meðhöndlunar á fiski má hlaða
niður á vefsíðunni matis.is.
Einnig er hann í prentraðri út-
gáfu á öllum starfsstöðvum fyr-
irtækisins, sem eru tíu talsins.
Bæklingurinn var gerður fyrst
árið 2010 en hefur nú verið end-
urgerður, að sögn Arnljóts
Bjarka. Þar er að finna ýmsan
fróðleik í máli og myndum. Um-
sjón með útgáfunni höfðu
Steinar B. Aðalbjörnsson og
Jónas R. Viðarsson.
Í útibúum
og á netinu
BÆKLINGUR MATÍS
Matís Forsíða bæklingsins.
H
V
ÍT
A
H
Ú
S
IÐ
/S
ÍA
–
1
3
-1
4
6
5
Komdu og skoðaðu glæsilegan Mercedes-Benz M-Class
Meistaraverk
Mercedes-Benz M-Class setur ný viðmið fyrir lúxusjeppa. Afburða hönnun, fjölmargar tækninýjungar,
kraftur og framúrskarandi aksturseiginleikar hafa tryggt honum frábærar viðtökur. Dráttargetan er heil
3.500 kg, eyðslan frá aðeins 6,5 l/100 km í blönduðum akstri og CO2 útblástur einungis 158 g/km.
Komdu og reynsluaktu glæsilegum M-Class.
ASKJA · Krókhálsi 11 · 110 Reykjavík · Sími 590 2100 · askja.is
Viðurkenndur sölu- og þjónustuaðili Mercedes-Benz á Íslandi
Þú finnur „Mercedes-Benz Ísland“
á Facebook