Morgunblaðið - 17.07.2013, Blaðsíða 36

36 DÆGRADVÖL
MORGUNBLAÐIÐ MIÐVIKUDAGUR 17. JÚLÍ 2013
Stjörnuspá
21. mars - 19. apríl 
Hrútur Suma daga er vinnan eins og hver
önnur viðskipti, aðra daga er hún eins og
listform. Þú laðast að myrkari hliðum tilver-
unnar. Varastu þó að festast þó ekki of lengi
þar.
20. apríl - 20. maí 
Naut Eitthvað sem þú ert að spá í er senni-
lega ekki mjög góð hugmynd. Farðu út á
meðal fólks og njóttu þess sem lífið hefur
upp á að bjóða. Það er nægur tími til að sofa
síðar.
21. maí - 20. júní 
Tvíburar Þú átt á hættu að láta einhvern
rugla þig í ríminu í dag, jafnvel einhvern sem
er þér eldri. Komdu fram við aðra eins og þú
vilt að aðrir komi fram við þig.
21. júní - 22. júlí 
Krabbi Þér finnst sumar persónulegar skoð-
anir starfsfélaga þinna út í hött. Leitaðu lið-
sinnis félaga, ef með þarf. Þú ættir að skella
þér í golfkennslu.
23. júlí - 22. ágúst 
Ljón Þótt vinnuvikan sé hálfnuð langar þig
til að sletta úr klaufunum. Sumir skilja það
ekki, og ekki reyna að útskýra það. Gættu
þess þó að segja ekkert sem þú munt sjá
eftir síðar.
23. ágúst - 22. sept. 
Meyja Ekki halda þínu til streitu í dag, hvort
sem er gagnvart vini eða hópi fólks. Hvað
sem þú gerir – hættu að vera reið/ur.
23. sept. - 22. okt. 
Vog Þú átt inni að geta leitað til vina þinna
um hjálp í vandræðum þínum. Njóttu alls
lífsins þó buddan sé ekki bólgin. Flest það
góða í lífinu er ókeypis.
23. okt. - 21. nóv.
Sporðdreki Þú gætir verið að hugsa um frí
sem er framundan, ekki hafa áhyggjur. Los-
aðu þig við óöryggið sem fær þig til að vilja
hafa stjórn á ástandinu – slappaðu bara af.
22. nóv. - 21. des.

Bogmaður Það er augljóst að þú hefur
marga möguleika um að velja. Reyndu að
halda haus og þú munt uppskera árangur
erfiðis þíns á næsta ári.
22. des. - 19. janúar 
Steingeit Lítil verk skila litlum árangri. Þeg-
ar allir sækjast skyndilega eftir þér gætirðu
ákveðið að vera bara ein/n þíns liðs.
20. jan. - 18. febr. 
Vatnsberi Vertu raunsæ/r í peningamálum
og láttu ekki freistast til þess að slaka á
klónni. Gerðu hlutina vel og vandlega, það
veitir meiri ánægju og kemur betur út fjár-
hagslega, sem er alltaf gott.
19. feb. - 20. mars

Fiskar Það er eðlilegt að þér finnist erfitt að
ganga fram. Breytingar þurfa að leiða til
ávinnings, annars eru þær ekki til neins.
Kristbjörg F. Steingrímsdóttirlas frásögn Davíðs Hjálmars
Haraldssonar af gönguferð á Súlur.
Hún fléttaði saman plönturnar sem
hann nefndi í fallegan sveig í
bundnu máli. Til skýringar má geta
þess að kóngaljós mun vera slæð-
ingur:
Árla morguns vinur vors og blóma
upp á Súlur lagði leið
léttstígum er förin greið.
Foldin angar færð í sumarskrúða,
blómagrúi og grasafjöld
göngufúsan töfðu höld.
Samt á hlaupum grös og blóm hann
greinir:
Brenninetlu, burnirót
brönugras og dvergsteinbrjót.
Maríulykil, melasól og njóla
geldingahnapp, gleimmérei,
giljaflækju og draumsóley.
Fjalladúnurt, fjöllaufung og eini,
vorperlu og vetrarlauk
vallhumal og hrossagauk.
Lambaklukku, laugabrúðu, fjólu
skarifífil, skarfakál,
skriðnablóm og vatnanál.
Hrafnaklukku, hófsóley og smára,
engjavönd og eyrarrós,
urðadúnurt, kóngaljós.
Hjartaarfa, hundasúru, fífu,
jötunuxa, jarðarber,
jakobsfífil. hrútaber,
Mosasteinbrjót, músareyra og jafna,
sigurskúf og sauðamerg,
sandlæðing og flikruberg.
Fjallavorblóm, ferlaufung og eski,
garðabrúðu, garðtvítönn,
græðisúru, ilmreyr, hvönn.
Háliðagras, heiðastör og kerfil,
húsapunt og hrossanál,
hárdeplu og rósakál.
Tjarnablöðku, túnvingul og stúfu.
varpasveifgras, villilín,
vetrarblóm og keldusvín
Lækjadeplu, lyfjagras og netlu,
klóelftingu, klettafrú,
klukkublóm og hana nú.
Davíð Hjálmar yrkir um hita-
bylgjuna nyrðra í sumar:
Lömuð af hita liggur þjóð,
læri og gumpar roðna.
Nú er svo hlýtt um norðurslóð
að næpur í jörðu soðna.
Pétur Blöndal pebl@mbl.is
Vísnahorn
Af plöntum í fallegum
sveig í bundnu máli
Í klípu
EFTIR UPPFÆRSLUNA, VORU
HRUN EKKI JAFN TÍÐ
OG SJALDNAR LÍFSHÆTTULEG.
eftir Mike Baldwin eftir Jim Unger
„ER LYFSEÐILINN MINN TILBÚINN?“
Hermann
Ferdinand
Hrólfur hræðilegi
Grettir
... að keyra heim til
hans.
APÓTEK
TIL HAMINGJU
MEÐ BRÚÐKAUPS-
AFMÆLIÐ, HELGA!
HVAÐ SEG-
IRÐU UM AÐ
FARA ÚT AÐ
BORÐA?
ÉG VAR AÐ VONA
AÐ ÞÚ MYNDIR
BJÓÐA MÉR!
NÁÐU Í PRIK-
IÐ, ÓÐINN. PANK!
ÁI!
TAKTU
SKÖMMINA,
ÓÐINN.P
ep Guardiola er kominn til þjálf-
unarstarfa hjá Bayern Münch-
en. Bæjarar voru að klára eitt besta
tímabil í sögu liðsins. Liðið varð
Þýskalandsmeistari, bikarmeistari
og sigraði í meistaradeild Evrópu.
Undir stjórn Jupps Heynckes voru
Bæjarar óstöðvandi og því hefði
mátt halda að Guardiola færi hægt í
sakirnar, en það er öðru nær. Guar-
diola var lykilleikmaður með Barce-
lona undir stjórn Johans Cruyffs og
handbragð Hollendingsins leyndi
sér ekki þegar Katalóníumaðurinn
tók við þjálfarataumunum hjá liðinu.
Cryuff sagði að leikir ynnust með
því að vera með einum manni meira
á miðjunni en andstæðingarnir. Þá
hugsun hefur Guardiola gert að
sinni. Hann vill að sitt lið sé með
boltann og drottni á miðjunni. Guar-
diola þjálfaði Barcelona í fjögur ár
og vann á þeim tíma 14 titla. Þegar
hann hætti hjá Barcelona og ákvað
að taka sér frí var hann sennilega
eftirsóttasti þjálfari heims.
x x x
Samkvæmt frásögnum hófst Guar-diola þegar handa við að snúa
öllu á hvolf þegar hann kom til Bay-
ern München. Í æfingabúðum við
Gardavatnið á Ítalíu hljóp hann um
völlinn frekar enn gekk, baðaði út
öllum öngum og hrópaði og kallaði á
spænsku, ensku og þýsku. Hvað eft-
ir annað stöðvaði hann leikmenn
þegar honum fannst að eitthvað
mætti betur fara. Einn leikmaður
var skammaður fyrir að gefa hæl-
sendingu, annar fyrir að rekja bolt-
ann á miðju vallarins, sá þriðji fyrir
að reyna ekki strax að vinna boltann
aftur þegar hann missti hann.
x x x
Guardiola er ákveðinn í að mótaFC Bayern München í sinni
mynd. Í því skyni hefur hann fengið
miðjumanninn Thiago Alcantara til
liðs við Bæjara. Ekki eru allir búnir
að ná nýja kerfinu. „Stórfurðulegt,“
sagði franska stórstjarnan Frank
Ribery þegar Guardiola var búinn að
þjálfa í viku. Eftir á að koma í ljós
hvort aðferðir nýja þjálfarans munu
skila sama árangri og aðferðir
Heynckes, en það er mál sparkspek-
inga að liðið verði óþekkjanlegt á
næsta leiktímabili. víkverji@mbl.is
Víkverji
Orð dagsins: Já, gæfa og náð fylgja
mér alla ævidaga mína, og í húsi
Drottins bý ég langa ævi. (Sálm. 23, 6.)
DÚKA KRINGLUNNI SÍMI: 533 1322 SMÁRALIND SÍMI: 564 2011 DUKA.IS
Litríkar, hagnýtar,
fíngerðar, óbrjótandi,
fallegar, spennandi,
endingargóðar, mjúkar,
skemmtilegar...
Alls konar gjafir á
óskalistann ykkar. Kláraðu listann
Brúðhjón sem gera
óskalista fá
10% afslátt
af öllum vörum
hjá okkur
í 6 mánuði
eftir brúðkaupið.