Morgunblaðið - 17.07.2013, Blaðsíða 38

38 MENNING
MORGUNBLAÐIÐ MIÐVIKUDAGUR 17. JÚLÍ 2013
Garðsláttur.
Hafðu samband, þetta gæti verið ódýrara en að kaupa sér nýja sláttuvél.
FÁÐU GARÐSLÁTTINN Í ÁSKRIFT Í SUMAR.
Til fjölda ára hefur Garðlist þjónustað viðskiptavini sína með
garðslátt í formi áskriftar. Við bjóðum upp á fjölmargar
lausnir sem miða af viðhaldsþörf hverrar lóðar.
TRAUST ÞJÓNUSTA Í YFIR 20 ÁR
Frá því Garðlist ehf. var stofnað fyrir 24 árum síðan, höfum við haft það
að leiðarljósi að veita framúrskarandi þjónustu fyrir garðinn á einum stað.
Við þökkum þeim þúsundum einstaklinga, húsfélaga og fyrirtækja sem
við höfum átt í viðkiptum við unandarin ár, á saman tíma og við bjóðum
nýja viðskiptavini hjartanlega velkomna. Tunguhálsi 7 110 Reykjavík 554 1989 www.gardlist.is
Ásdís Ásgeirsdóttir
asdis@mbl.is
Það geislar af Nile Rodgers þar sem
hann situr eitursvalur í Hörpunni og
ekki að sjá að hann sé nýlentur og
hafi ekkert sofið síðustu nótt. Hann
glamrar á gítarinn sinn nýjasta
smellinn „Get Lucky“ og er í stuði.
Gítarinn hans er kallaður „The
Hitmaker“ en á hann hefur hann
samið ótal smelli og tala sumir um
að þessi gítar hafi aflað alls tveggja
milljarða dollara. Rodgers varð sex-
tugur í fyrra en er í góðu formi og
vinnur dag og nótt. „Ég hef aldrei
þurft svefn, ekki síðan ég var barn,
sef bara 2-3 tíma á nóttu, og kem
því miklu í verk. Ég svaf ekkert í
nótt og um daginn vakti ég 72 tíma í
röð,“ segir hann og brosir breitt.
Tónleikarnir alltaf partí
Hann er nú á tveggja ára tón-
leikaferðalagi um allan heim og spil-
ar oft fyrir tugi þúsunda manns. Í
kvöld verður mannfjöldinn 1.200 en
Rodgers segir það engu skipta.
„Þetta verður frábært, orkan og
gæðin sem við leggjum í hverja tón-
leika er alltaf eins, það breytist ekk-
ert. Einu sinni spiluðum við í Róm í
risastórri tennishöll. Það mættu
bara kannski 100-200 manns og við
báðum alla að koma fremst. Við spil-
uðum stórkostlega, og þetta var
með bestu tónleikunum eiginlega,“
segir hann. „Þetta verður geggjað
partí í kvöld, það er það alltaf,“ seg-
ir Rodgers.
Elskar að semja tónlist
Rodgers hefur unnið með ótal
frægum tónlistarmönnum í gegnum
tíðina, eins og Diana Ross, David
Bowie, Sister Sledge og Madonnu
svo einhverjir séu nefndir. „Ég hef
aldrei unnið að plötu sem ég
skemmti mér ekki yfir, það eina
sem maður veit aldrei er hvort plat-
an fer á toppinn. Að gera plötuna
gæti þannig verið það besta við
samstarfið, ég sé til þess að lista-
mennirnir skemmti sér vel,“ segir
Rodgers, en hann er lagahöfundur,
gítarleikari, framleiðandi og útsetj-
ari tónlistar. „Mér finnst það allt
jafn skemmtilegt, því í hverju sem
ég tek mér fyrir hendur vil ég gera
mitt besta,“ en bætir svo við, „ég
elska að semja tónlist, það er alveg
frábær vinna“. Hann semur lög fyr-
ir aðra sem ráða hann til verksins.
„Ég er ekki með tilbúin lög, ég
hringi til dæmis ekki í Britney Spe-
ars og segi, hey, ég er með lag fyrir
þig!“ segir hann og hlær.
Hringdi oft í Miles Davis
Rodgers segir að það sé einn tón-
listarmaður sem hann hefði gjarnan
viljað vinna með, en greip ekki
tækifærið. „Miles Davis, hann er
því miður látinn. Við vorum vinir og
hann bað mig óbeint að gera með
sér plötu, en sagði það aldrei beint
út,“ segir hann. Þeir voru vinir í
mörg ár. „Í fyrstu hringdi ég í hann
daglega, ég var með símanúmerið
hjá Miles Davis!“ segir hann. Hann
segir að nútímadjass hafi verið
hans helsti áhrifavaldur í tónlist, en
hann byrjaði snemma í tónlist. „Ég
hef spilað tónlist síðan ég var barn,
frá deginum sem ég byrjaði í
skóla,“ segir Rodgers en hann byrj-
aði ekki að læra á gítar fyrr en sex-
tán ára.
Þekktari en nokkru sinni
Rodgers segist vera mjög feim-
inn að eðlisfari. Hann er í dag
þekktari en nokkru sinni fyrr eftir
að laginu „Get Lucky“ skaut upp á
stjörnuhimininn, en hann samdi það
fyrir hljómsveitina Daft Punk.
Hann hefur aldrei í raun viljað vera
í sviðsljósinu og finnst frægðin erf-
ið. „Fræðin er mjög óþægileg! Ég
var á flugvellinum í Englandi og þá
öskraði einhver: Nile! Það var ör-
yggisvörðurinn. Það var mjög skrít-
ið,“ segir hann. Hann bendir á að
oftast hafi hann verið meira á bak
við tjöldin, en með „Get Lucky“ er
hann sýnilegur. „Ég hef auðvitað
átt plötur sem hafa verið stærri en
„Get Lucky“, en í því lagi leik ég í
myndbandinu og því andlitið á mér
þekktara núna.“ Rodgers grunaði
ekki að lagið, sem ómar í útvarpi
um allan heim þessa dagana, myndi
ná svona langt. „Við elskum lagið,
ég vissi að það myndi ná langt, en
maður býst aldrei við að ná fyrsta
sætinu, þetta lag var á toppnum í
svo mörgum löndum og á sama
tíma,“ segir hann.
Er hvergi nærri hættur
Á löngum ferli segir Rodgers að
hans helsta afrek hafi verið að
landa sínum fyrsta plötusamningi
fyrir hljómsveitina sína Chic þegar
hann var 24 ára. „Vá, það var
geggjað, okkur hafði verið hafnað
svo oft. Ég held það sé það besta
sem gerðist. Ef það hefði ekki
gerst, sæti ég ekki hér að tala við
þig,“ segir hann.
Rodgers er með mörg járn í eld-
inum og er ekki að setjast í helgan
stein. Hann er að semja tvo söng-
leiki á Broadway og fleiri plötur eru
í bígerð. Rodgers greindist með
blöðruhálskrabbamein fyrir tveimur
árum en telur sig hafa unnið þann
slag. „Ég er laus við krabbann,
hvað sem það nú þýðir. Ég ætla
bara að halda áfram að spila tónlist
þar til ég get það ekki meir.“
„Alltaf geggjað partí“
 Diskó tekur völdin í Sifurbergssal Hörpu í kvöld  Hljómsveitin Chic með Nile Rodgers í
fararbroddi mun trylla lýðinn  Hefur um árabil átt ótal lög á toppi vinsældalista víða um heim
Diskó Nile Rodgers er á hátindi ferils síns sem spannar hátt í fjörutíu ár sem lagasmiður, útsetjari og tónlistarmaður.
Nile Rodgers er fæddur 1952 í
New York-borg. Hann byrjaði
ferilinn ungur þegar hann spil-
aði á gítar með Sesame Street
Band.
Árið 1977 stofnaði Rodgers
ásamt bassaleikaranum Bern-
ard Edwards hljómsveitina
Chic en þeir höfðu spilað sam-
an frá 1973.
Hann hefur samið lög fyrir
Madonnu, David Bowie, Diönnu
Ross, Sister Sledge, Duran
Duran og Daft Punk svo ein-
hverjir séu nefndir.
Ótal smellir sem hann hefur
annaðhvort samið eða útsett
hafa náð hátt á vinsældalistum
heimsins. Má þar telja up lög
eins og „Upside Down“, „Le
Freak“, „I want your love“, „I’m
coming out“, „Good times“,
„Let’s dance“, „China girl“,
„Modern love“, „We are fa-
mily“, „Get Lucky“ og marga
fleiri.
Diskósmellir
síðustu
áratuga
SEXTUGUR MEÐ
LAG Á TOPPNUM
Morgunblaðið/Kristinn