Morgunblaðið - 17.07.2013, Blaðsíða 40

40 MENNING
MORGUNBLAÐIÐ MIÐVIKUDAGUR 17. JÚLÍ 2013
Byggingav
örur - byg
gingatækn
i
I I
Gylfaflöt 3 | 112 Reykjavík | Sími 533 1600 | aseta@aseta.is
Helgi Snær Sigurðsson
helgisnaer@mbl.is
Félagarnir, tónlistarmennirnir og
-framleiðendurnir bandarísku, Alap
Momin og Merc Yes, skipa tvíeykið
MRC Riddims sem kemur fram í
raftónlistarteiti í
innri sal Harlem
í Reykjavík í
kvöld kl. 22, þar
sem Volta var
áður til húsa.
Ghostigital,
AMFJ, Lord
Pusswhip, Svarti
Laxness og Al-
freð Drexler
koma einnig
fram sem og
Berglind Ágústsdóttir en hún mun
flytja eigin lög í miðri dagskrá
MRC Riddims.
Curver Thoroddsen, liðsmaður
Ghostigital, segir þá félaga Momin
og Yes leika taktþunga partítónlist,
e.k. blöndu lifandi tónlistar og
skífuþeytinga. Momin var í hávað-
arappsveitinni Dälek sem haldið
hefur tónleika tvisvar á Íslandi og
Merc var forsprakki skógláps-
hljómsveitarinnar IfWhen en nú
hafa þeir tekið nýja stefnu.
Margir straumar mætast
Curver segir MRC Riddims hafa
fjarlægst hávaðann í tónlistarflutn-
ingi sínu og snúið sér að grípandi
og afdráttarlausum taktgerðum,
þeir blandi saman fjölmörgum
straumum og stefnum, m.a. „mini-
mal techno“, „dancehall“, „dubstep“
og „house“. „Þetta er þung dans-
tónlist í rauninni, partítónlist,“ seg-
ir Curver sem þekkir vel til Mom-
ins þar sem Dälek hefur verið
gestaflytjandi á tveimur síðustu
plötum Ghostigital og Momin hljóð-
blandað að auki síðustu breiðskífu
Ghostigital, Division of Culture and
Tourism. Þá hefur hann einnig séð
um tónlistarframleiðslu fyrir fær-
eysku tilraunasveitina Orka og
hljóðblandað fyrir fleiri færeyskar
hljómsveitir. Momin hefur auk þess
starfað með Berglindi Ágústs-
dóttur, unnið lög með henni þannig
að Íslandstengingarnar eru ófáar.
Curver segir þá félaga koma fram á
G! tónlistarhátíðinni í Færeyjum
um helgina og þar sem þeir komi
við á Íslandi á leiðinni hafi þeir
ákveðið að troða upp á Harlem. Til
viðbótar teitinni í Reykjavík koma
þeir fram á listahátíðinni LungA á
Seyðisfirði sem haldin verður um
helgina, líkt og G! hátíðin en Ghost-
igital treður einnig upp á LungA.
Um teitina á Harlem segir Curver
að boðið verði upp á raftónlist úr
öllum áttum, dansteiti mikla.
Þung tilraunatónlist
„Alab sem pródúser er búinn að
vera ótrúlega ötull, hann byrjaði
sem unglingur að taka upp ógrynni
af alls konar pönki og nýbylgju
þannig að hann er mjög þekktur í
þeirri senu og í hipphoppinu líka,“
segir Curver um Momin. Hann hafi
flutt til Berlínar og tekið nýja
stefnu í tónlistinni, sogið í sig nýjar
raftónlistarstefnur. „Hann er mjög
þekktur í þessari þyngri senu,“ út-
skýrir Curver. Momin komi ekki
inn í raftónlist í gegnum dans-
tónlistina heldur þunga tilrauna-
tónlist, nálgist danstónlist frá þeirri
átt. „Hann fór að stúdera alla þessa
nýju tónlist sem hefur verið að
koma út á seinustu fimm árum eða
svo og taka búta af því besta, öfga-
kenndar bassapælingar og slíkt.“
Partí-uppsetning
-Spilið þið í Ghostigital með þeim
á Harlem?
„Nei, við ætlum að prófa nokkur
ný lög og við köllum þetta partí af
því þetta er þannig uppsetning.
Lord Pusswhip DJ-ar, er bæði að
spila einhverja takta og svona DJ-
efni en er líka með „live“ rapp. Síð-
an kemur AMFJ sem er „noise“ og
svo við, Ghostigital. Við erum að
prufukeyra nýtt efni í bland við efni
frá síðustu plötu. Síðan eru þeir
[MRC Riddims] að koma líka og
DJ-a og spila „live“ og Berglind
syngur með þeim. Við erum að
blanda þessu öllu saman þannig að
þetta er meira eins og partí þar
sem við erum að prófa nýja hluti og
blanda saman alls konar gerðum af
raftónlist,“ segir Curver og bætir
því við að nokkuð skondið sé að
MRC Riddims komi frá Harlem til
að spila á Harlem. Blaðamaður tek-
ur undir það.
Að því sögðu réttir Curver félaga
sínum Momin farsímann og reynist
hann hinn vingjarnlegasti. Spurður
að því hvernig hann hafi upphaflega
myndað tengsl við íslenska tónlist-
armenn segir Momin það hafa byrj-
að með þeim Ghostigital-bræðrum,
Einari Erni Benediktssyni og Cur-
ver. „Þeir buðu gömlu hipphopp-
sveitinni minni, Dälek, hingað fyrir
sjö eða átta árum, að mig minnir,
og við héldum tónleika með þeim.
Okkur kom vel saman, þeir voru
eins og íslenskir bræður okkar, tón-
listarlega séð og persónulega, við
smullum fullkomlega saman. Síðan
komum við á Airwaves og þeir hafa
alltaf tekið okkur opnum örmum,
við höfum notið þess mjög að vera
hérna,“ segir Momin. Hann hafi
einnig komið hingað með færeysku
hljómsveitinni Orka fyrir þremur
árum.
Madonna frá Jamaíku
Hvað tónlist þeirra Yes varðar
segir Momin erfitt að lýsa henni
þar sem margir stílar danstónlistar
renni saman í einn. „Eins og sígild
lög Madonnu ef hún væri frá Jam-
aíku,“ útskýrir hann og blaðamaður
reynir að ímynda sér hvernig það
myndi hljóma.
En ætlar Momin að vinna áfram
með Ghostigital? „Ég hef heyrt
nokkur ný lög sem Curver hefur
verið að vinna að og finnst þau al-
gjörlega frábær. Vonandi get ég
beitt brögðum og unnið í þeim,“
segir Momin og hlær. Að lokum ber
hann mikið lof á Berglindi Ágústs-
dóttur og vonast til að geta unnið
frekar með henni sem og hinum 17
ára gamla Lord Pusswhip. Momin
segir ekki loku fyrir það skotið að
þeir Pusswhip vinni eitthvað saman
í framtíðinni, hann sé að leggja
drög að því.
Þeir sem vilja hlusta á dæmi um
tónlist MRC Riddims geta nálgast
þau á Facebook-síðu tvíeykisins en
hana má finna með því að slá inn
„MRC Riddims“ í leitarglugga
Facebook.
Raftónlist úr öllum áttum
 Tvíeykið MRC Riddims frá Harlem í New York kemur fram á Harlem í Reykjavík í kvöld
 „Þetta er þung danstónlist í rauninni, partítónlist,“ segir Curver Thoroddsen úr Ghostigital
Taktfastir Félagarnir Alap Momin og Merc Yes, MRC Riddims, blása til raftónlistar- og dansteitis á Harlem í kvöld.
Curver
Thoroddsen
Útflutningssjóður íslenskrar tón-
listar, ÚTÓN, hefur veitt sex verk-
efnum styrki nú í júlímánuði. Verk-
efnin sem fengu ferðastyrki voru
eftirfarandi: Söngkonan Alexandra
Chernyshova vegna nútímaóperu
hjá New York Center for Contem-
porary Opera; hljómsveitin Myrra
Rós vegna tónleikaferðalags um
Eistland; tónlistarmennirnir Lord
Pusswhip, Two Step Horror,
Captain Fufanu og AMFJ vegna
tónleika í New York á The Knitting
Factory og Goodbye Blue Monday;
hljómsveitin Dikta fyrir tónleika-
hald og upptökur í Þýskalandi;
hljómsveitin Skálmöld vegna tón-
leikaferðalags um Evrópu og sam-
norræna tónlistarhátíðin Ung Nor-
disk Musik fyrir kynningu á nýrri,
klassískri, íslenskri tónlist í miðstöð
nýrrar tónlistar og hljóðlistar í
Ósló.
Hlutverk Útflutningssjóðs ís-
lenskrar tónlistar er að styrkja ís-
lenskt tónlistarfólk við að koma
tónlist sinni til stærri áheyrenda-
hóps, á stærri markaði og auka
möguleika þess á velgengni utan Ís-
lands, eins og segir í tilkynningu.
Styrkur Sópransöngkonan Alexandra Chernyshova hlaut styrk frá ÚTÓN.
Sex verkefni hlutu styrki úr Útflutnings-
sjóði íslenskrar tónlistar í júlímánuði