Morgunblaðið - 27.07.2013, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 27. JÚLÍ 2013
Björn Már Ólafsson
bmo@mbl.is
„Mikilvægt er að hér þróist atvinnu-
grein sem bjóði upp á hágæða þjón-
ustu fyrir þá ferðamenn sem koma
til landsins með mikið á milli hand-
anna. Slíkir ferðamenn setja ekki
fyrir sig að borga hátt verð fyrir
þjónustu, en hún verður þá auðvitað
að vera framúrskarandi,“ segir Jón
Ásbergsson, framkvæmdastjóri Ís-
landsstofu. Undanfarin ár hafa að-
ilar í ferðaþjónustu á Íslandi stækk-
að framboðið af glæsiferðum
innanlands og svo virðist sem vin-
sældir þessara ferða séu að aukast.
„Þetta er að mínu mati mjög jákvæð
þróun,“ segir Jón.
Snekkjuferðir á Íslandsmiðum
Fyrirtækið Harpa Yachts býður
upp á sérferðir á snekkjunni Hörpu.
Einar Steinþórsson, einn eiganda
fyrirtækisins segir ferðirnar vinsæl-
ar. „Við bjóðum upp á sérferðir, allt
frá stuttum ferðum upp í langferðir
norður á land. Annars vegar fáum
við mikið af erlendum ferðamönnum
og síðan íslenska hópa, vinnustaði og
slíkt.“ Snekkjan getur tekið alls 35
manns, en svefnpláss er fyrir sex
farþega. Mikill lúxus er um borð, en
sjónvarp er í hverri káetu og sér
baðherbergi fylgir einnig. Einar seg-
ir að í flestum tilvikum séu sigling-
arnar bókaðar í gegnum milliliði sem
séu oft fyrirtæki sem skipuleggja Ís-
landsdvöl erlendra ferðamanna frá
upphafi til enda. „Mér heyrist á þeim
að þeir sæki einnig í þyrluflugið og í
jeppaferðir á stórum jeppum. Síðan
eru jöklaferðir af ýmsum toga sí-
vinsælar.“ Af þeim ferðamönnum
sem sækja í snekkjuferðirnar eru
flestir rússneskir að sögn Einars, en
einnig töluverður fjöldi Breta.
„Sumarið fór rólega af stað en veðrið
spilaði stóran part í því. Eftirspurnin
hefur hins vegar tekið mikinn kipp
undanfarið og ágætlega bókað á
næstunni,“ segir Einar.
Þyrilvængjur vinsælar
„Ef þú ert að leita að lúxus er
þyrla auðvitað eitt það fyrsta sem
þér dettur í hug,“ segir Birgir Ómar
Haraldsson, framkvæmdastjóri
Norðurflugs, en félagið býður upp á
fjölbreyttar ferðir um allt land.
„Flestir þeirra sem fljúga með okkur
eru erlendir ferðamenn en Íslend-
ingar hafa líka verið að koma með,
sérstaklega í styttri ferðirnar.“
Nokkur aukning hefur verið í þyrlu-
ferðunum undanfarin ár að sögn
Birgis. „Við rekjum það til þess að
við höfum verið að bjóða upp á sér-
sniðnar pakkaferðir þar sem hægt er
að skoða ýmislegt í einni ferð. Hér
áður fyrr var þyrluþjónusta oftast
þannig að þú leigðir bara þyrlu og
borgaðir tímagjald,“ segir Birgir.
Meðal annars er boðið upp á þyrlu-
ferðir til að skoða Esjuna, jökla,
Gullfoss og Geysi og auðvitað Bláa
lónið. Einnig hafa verið vinsælar
svokallaðar klukkustunda „happy
hour“ ferðir þar sem flogið er með
gesti á fjallstopp í nágrenninu og
kampavínsflaska er höfð með í för.
Fyrirtækið hefur líka stutt við Berg-
menn fjallaleiðsögumenn, en þeir
hafa boðið upp á svokallaðar Heli-
ski-ferðir á Tröllaskaga, þar sem
flogið er með ferðamenn upp á fjalls-
toppa til þess að þeir geti skíðað nið-
ur. „Það er auðvitað hluti af þessum
lúxus sem boðið er upp á hér á
landi,“ segir Birgir.
Ljósmynd/Norðurflug
Fjallstoppar Meðal annars hafa verið vinsælar svokallaðar klukkustunda „happy hour“ ferðir þar sem flogið er með gesti á fjallstopp í nágrenninu og kampavínsflaska er höfð með í för.
Uppgangur
í lúxusferðum
 Glæsilegar ferðir hvert á land
sem er  Gæðin skipta öllu máli
Ljósmynd/Harpa Yachts
Lúxussnekkja Meðal þess sem hægt að gera í ferðum með snekkjunni
Hörpu er köfun og sjóstangveiði. Snekkjan er búin öllum helstu þægindum.
Ljósmynd/Harpa Yachts
Árennileg Glæsisnekkjan Harpa.
„Vinsælustu
ferðirnar hjá
okkar gestum
eru ferðir upp
á jökla, í Þórs-
mörk og Land-
mannalaugar
og síðan auð-
vitað á Eyja-
fjallajökul,“
segir Friðrik Pálsson, fram-
kvæmdastjóri Hótel Rangár, en
hótelið er vinsæll viðkomu-
staður efnameiri Íslandsgesta.
„Sumir vilja skoða þessa staði
úr þyrlu, aðrir á jeppum og
sumir gangandi.“ Friðrik segir
framboð í ferðaþjónustunni á
Íslandi hafa breyst á síðustu
árum. „Það hefur verið vaxandi
umfjöllun, góð þjónusta og
spennandi afþreying. Það
skiptir auðvitað mestu máli að
til boða standi viðunandi að-
gengi og svo verða gæðin auð-
vitað að standast kröfur og
væntingar ferðamanna. Upp-
bygging í ferðaþjónustu er
langhlaup, það tekur tíma að
byggja upp þennan iðnað.“ Ein
þjónustan sem Hótel Rangá
býður upp á og hefur verið að
færast í aukana undanfarin ár
er brúðkaup. „Það er að færast
í aukana að erlendir ferðamenn
gifti sig hér á landi og við
verðum því að byggja upp
þjónustu til þess að geta boðið
upp á slíkt.“
Uppbygging
er langhlaup
HÓTEL RANGÁ
Friðrik Pálsson
Skvetta er skrímsli í
krapinu og svellköld,
líkt og flest kvenkyns ís-
skrímsli. Hún hefur verið virk í
starfi femínísa um langt skeið
og er mikið samkvæmisljón.
Hún veit fátt skemmtilegra
en vel heppnaða ísveislu í
góðra skrímsla hópi — og
á það til að slá upp veislu
í nálægum frystikistum.
Hún er ekki öll
þar sem hún er
séð, enda erfði
hún viðskiptavit föður
síns, sem var ákaflega
virt og dáð lakkrísbindi,
sem og skipulags-
kunnáttu móður sinnar
sem var finnsk
eistnesk snjóblásturs-
vél. Hún stundar jöklajóga
af miklum krafti og er
áhugasöm um
verndun hins
íslenska
íspinnastofns.
Leiktu
við skr
ímslin
á
www.k
joris.is
/skrim
sli
„Mávurinn er
mjög frekur fugl
og er alltaf að
verða frekari,“
segir Kjartan
Magnússon,
borgarfulltrúi
Sjálfstæðisflokks,
en hann lagði
fram tillögu í vik-
unni á fundi borg-
arráðs þess efnis
að grípa þurfi til virkari aðgerða
gegn vargfugli í Reykjavík. Af-
greiðslu málsins var frestað. Kjartan
segir aðgerðirnar felast í þrennu
lagi. Í fyrsta lagi þurfi virkari að-
gerðir við Tjörnina til að stugga fugl-
inum í burtu, en það yrði gert með
því að skjóta mávinn. Í öðru lagi
þyrfti að setja upp áberandi skilti
þar sem fólk verður beðið um að
fæða ekki mávinn og í þriðja lagi ætti
að fara með virkari hætti út í eyj-
arnar í Kollafirði til þess að eyði-
leggja varpið. „Þetta eru gáfuð kvik-
indi og fljót að átta sig á því að þau
eru ekki velkomin ef farið er að
stugga við þeim. Á árinu 2006 var
eitthvað skotið á þá og mávurinn
breytti háttalagi sínum á nokkrum
dögum, fór að passa sig og flaug
hærra.“ Þá segir hann reynsluna
sýna að endurnar uppgötvi að árás-
inni sé ekki beint gegn þeim.
Kjartan segir að eftir meirihluta-
skiptin 2010 hafi dregið úr aðgerðum
gegn mávunum og nú sé varla unga
að sjá.
„Ég hef enn ekki séð andarunga á
aðaltjörninni. Það er búið að hrekja
þá alla í burtu eða þeir komnir í
mávskjaft,“ segir Kjartan.
sunnasaem.mbl.is
Frekari aðgerðir þarf til að
fækka vargfugli á Tjörninni
 Borgarfulltrúi vill skjóta mávinn  Rætt í borgarráði
Morgunblaðið/Ómar
Vargur Mávurinn mikið vandamál.
Kjartan
Magnússon