Morgunblaðið - 27.07.2013, Blaðsíða 52

LAUGARDAGUR 27. JÚLÍ 208. DAGUR ÁRSINS 2013
Jón Heiðar Gunnarsson
jonheidar@mbl.is
Meindýraeyðirinn Steinar Smári
Guðbergsson er með bráðaofnæmi
fyrir stungum skordýra. Hann
lætur ofnæmið ekki aftra sér í
starfi og vílar ekki fyrir sér að
eyða geitungabúum úti um allan
bæ.
Steinar hefur samt vaðið fyrir
neðan sig og geymir adrenalín-
sprautu í bílnum sínum ef til þess
kæmi að hann yrði stunginn. Hann
hefur ekki verið stunginn af geit-
ungi hingað til þrátt fyrir 10 ára
reynslu af meindýrabransanum.
Verður að bruna
niður á spítala
„Mýfluga stakk mig fyrir nokkr-
um árum uppi í sveit og ég tútnaði
allur út í kjölfarið. Ég leitaði til
læknis og hann tilkynnti mér að
það væru 99% líkur á að ég væri
með bráðaofnæmi fyrir öllum
skordýrastungum,“ segir Steinar
en ekki er hægt að fullyrða með
algerri vissu um afleiðingar af
geitungastungu fyrr en stunga á
sér stað.
„Læknirinn skrifaði upp á adr-
enalínsprautu fyrir mig þegar
hann komst að því að ég starfaði
sem meindýraeyðir.“ Steinar verð-
ur að sprauta sig með adrenalíni
eins fljótt og auðið er ef geitunur
stingur hann og hann hefur um 30
mínútna frest til að koma sér á
spítala áður en ofnæmisviðbrögð
brjótast út.
Geitungar valda oftast ofnæmi
allra skordýra og ein stunga getur
verið lífshættuleg fyrir þá sem eru
með bráðaofnæmi. Bráðaofnæmi
vegna geitunga eða býflugna er
talið orsaka að minnsta kosti 50
dauðsföll árlega í Bandaríkjunum.
„Ég fer varlega og keypti spes-
græjur sem eru notaðar í Banda-
ríkjunum til að drepa hinar
grimmu „killer bees“ en það eru
sérstaklega hættuleg dýr,“ segir
Steinar. Hann telur sig vera eina
meindýraeyðinn hér á landi sem
notast við slíkan búnað við eyð-
ingu geitungabúa.
„Ég næ að halda betri fjarlægð
frá búinu með slíkum búnaði og
því er oftast lítil hætta á ferð. Ég
neita því samt ekki að fólk verður
oftast mjög hissa þegar ég segi því
frá ofnæminu og það getur verið
meiri spenna fólgin í því að fylgj-
ast með mér við störf heldur en
öðrum,“ segir Steinar en hann not-
ast ekki við sérstakan hlífð-
arbúnað við vinnu sína. „Þetta
veitir mér aukaspennu við dagleg
störf og þetta er bara mitt fallhlíf-
arstökk.“
Adrenalínsprauta í bílnum
 Meindýraeyðir
með bráðaofnæmi
fyrir geitungum
Lifir á brúninni Meindýraeyðirinn Steinar Smári Guðbergsson lætur bráðaofnæmi ekki stoppa sig við útrýmingu
geitungabúa. Þessi geitungabani hefur starfað sem meindýraeyðir í 10 ár án þess að vera stunginn af geitungi.
Steinar Smári ákvað að gerast meindýrafræðingur
vegna þess að hann var mjög hræddur við kóngulær
og átti í vandræðum með að eyða þeim.
„Ég átti rollur og ég átti erfitt með að gefa þeim því
það var svo mikið af kóngulóm í fjárhúsunum og ég
var með mikla „fóbíu“ fyrir þeim.“
Hefðbundið skordýraeitur sem Steinar keypti úti í
búð virkaði ekki nægilega vel að hans mati.
„Kóngulærnar birtust alltaf bara aftur hressar og kát-
ar daginn eftir og því ákvað ég að gerast mein-
dýraeyðir til að komast yfir sterkara skordýraeitur,“
segir Steinar en hann býður fólki upp á fyrirbyggjandi
aðgerðir til að losna við kóngulær og flugur í kringum húsin sín.
Með fóbíu fyrir kóngulóm
STEINAR LÆTUR EKKERT SKORDÝR STOPPA SIG
Steinar Smári
Guðbergsson
 Dagskrá Jazzhátíðar Reykjavíkur,
sem hefst 15. ágúst nk. og stendur í
viku, hefur nú verið birt á heimasíðu
hátíðarinnar, reykjavikjazz.is. Við-
burðir hátíðarinnar verða á fjórða tug
og meðal helstu listamanna sem leika
á hátíðinni eru saxófónleikarinn Jos-
hua Redman og kvartett hans, með
Aaron Goldberg á píanó, Rueben Ro-
gers á bassa og Gregory Hutchinson á
trommur. Annar þekktur saxófónleik-
ari, Mats Gustafsson, mun leika á há-
tíðinni, hann hlaut tónlistarverðlaun
Norðurlandaráðs árið 2011. Þá leika
einnig franska harðkjarnasveitin Jean-
Louis, sænska balkanpönksveitin Gad-
jos og saxófónleikarinn Phil Doyle
með hljómsveit Einars Scheving. Hol-
lenski saxófónleikarinn Maarten Orn-
stein flytur dúetta með Sunnu Gunn-
laugs og Kristján Martinsson kemur
fram með alþjóðlegri útgáfu K Tríós-
ins, svo fátt eitt sé nefnt.
Á fjórða tug viðburða
á Jazzhátíð í ágúst
 Leikritið Breaker eftir Sölku Guð-
mundsdóttur verður sýnt á sviðs-
listahátíðinni Edinburgh Fringe í
ágúst, í samvinnu leikhópsins Soðið
svið og Underbelly, eins stærsta fram-
leiðanda hátíðarinnar sem veitti verk-
inu The Underbelly Edinburgh-
verðlaunin á hátíðinni Adelaide Fringe
í Ástralíu í mars sl.
Leikarar í sýning-
unni eru Isabelle
Joss og BAFTA-
verðlaunahafinn
Iain Robert-
son.
Breaker sýnt á
Edinburgh Fringe
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 745 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
VEÐUR » 8 www.mbl.is
»MEST LESIÐ Á mbl.is
1. Fór oft til læknis með glóðarauga
2. Með 18,8 milljónir á mánuði
3. Gosling sótti kærustuna…
4. Eitt SMS getur valdið banaslysi
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Hægviðri eða hafgola og léttskýjað víðast hvar, en sums staðar
síðdegisskúrir í innsveitum. Hiti víða 12 til 20 stig, hlýjast í innsveitum.
Á sunnudag og mánudag Norðaustlæg átt, 3-8 m/s og allvíða skúrir. Heldur kólnandi
veður, einkum norðantil. Á þriðjudag Norðlæg eða breytileg átt og víða skúrir. Hiti 7 til
16 stig, hlýjast suðvestantil. Á miðvikudag Norðlæg eða breytileg átt og dálitlar skúrir
austanlands, en léttskýjað og fremur hlýtt suðvestantil.
Akureyringar munu eiga lið sem full-
trúa í úrslitum bikarkeppni kvenna í
knattspyrnu í fyrsta sinn þegar úr-
slitaleikurinn fer fram á Laugardals-
velli 24. ágúst. Þór/KA kom sér
þangað með 1:0-sigri á ríkjandi bik-
armeisturum Stjörnunnar þar sem
Sandra María Jessen skoraði sig-
urmarkið. Í úrslitum mætir Þór/KA
Breiðabliki sem sló út Fylki. »2
Sandra kom Þór/KA í
bikarúrslit í fyrsta sinn
Haraldur Franklín Magnús úr
GR og Guðrún Brá Björgvins-
dóttir úr Keili eru með nokkuð
gott forskot þegar Íslands-
mótið í höggleik er hálfnað á
Korpúlfsstöðum. Haraldur er
með fimm högga forskot og
Guðrún er með fjögurra högga
forskot. Í dag verður mjög
áhugaverður ráshópur hjá
körlunum þegar Haraldur leik-
ur með Birgi Leifi Hafþórssyni
og Ólafi Birni Loftssyni. »1
Gott forskot Har-
aldar og Guðrúnar
„Ég hef ekki enn áttað mig á hvað
gerðist. Maður er bara í lausu lofti
ennþá og kveikir ekki alveg á per-
unni,“ segir kampakátur Helgi
Sveinsson spjótkastari meðal ann-
ars í samtali við Morgunblaðið en
hann varð heims-
meistari í flokki
F42 á HM fatl-
aðra í frjáls-
íþróttum í Lyon
á fimmtudaginn.
»4
Heimsmeistari reynir að
ná áttum eftir afrekið