Morgunblaðið - 27.07.2013, Blaðsíða 12

12 FRÉTTIRInnlent
MORGUNBLAÐIÐ LAUGARDAGUR 27. JÚLÍ 2013
STANGVEIÐI
Kristján H. Johannessen
khj@mbl.is
Rífandi fín laxveiði hefur verið í
Húseyjarkvísl í Skagafirði síðustu
daga, en þar er aðeins veitt á tvær
stangir. Eru yfir 150 laxar komnir á
land sem þykir mjög gott saman-
borið við síðustu ár. Hafa veiðimenn
verið áþreifanlega varir við öflugar
göngur síðustu vikuna en allt að 12
laxar hafa veiðst þar á dag.
Fyrr í vikunni var stórstreymt og
virðist straumurinn hafa skilað
sterkum göngum víðast hvar. Komu
t.a.m. 12 laxar á land í Vatnsdalsá
23. júlí síðastliðinn en daginn eftir
var hins vegar rífandi veiði og veidd-
ust 36 laxar á sjö stangir. Veiðimenn
segja mikið vatn vera í ánni en fiskur
er á öllum svæðum og veiði mest á
efri svæðum árinnar.
Gljúfurá í Húnaþingi, sem er mitt
á milli Vatnsdalsár og Víðidalsár, er
mjög lítið veidd í sumar en göngur í
ána voru með allra versta móti í
fyrra þegar einungis 17 laxar fóru í
gegnum teljarann samanborið við 70
nú. Stefnir því í mjög fína hrygningu
í Gljúfurá í ár.
Lúsugur lax hvern einasta dag
Jón Ásgeir Sigurvinsson, veiði-
vörður í Norðurá, segir síðustu holl
hafa fengið 125 laxa en hollið þar á
undan var með 268 laxa. Norðurá
rauf 2.000 laxa múrinn fyrir viku en
samkvæmt nýjustu tölum þaðan
hafa 2.285 laxar veiðst.
„Mest er þetta fiskur á bilinu 60 til
70 cm. Það er samt enn að koma inn
fiskur sem er stærri en 70 cm. Í síð-
ustu viku veiddist grálúsug 80 cm
hrygna,“ segir Jón Ásgeir og bætir
við að nóg sé af fiski í Norðurá en
fyrr í vikunni fóru um 300 fiskar í
gegnum teljarann við Glanna.
„Menn eru að fá lúsugan lax upp á
hvern einasta dag svo ég held að
horfurnar séu mjög góðar.“
Jóhannes Hinriksson, fram-
kvæmdastjóri Veiðifélags Ytri-
Rangár, segir stóra strauminn í vik-
unni greinilega vera að skila sér.
„Í gær [fyrradag] var svakalega
flottur dagur með 68 löxum á land,“
segir Jóhannes en það er ekki end-
anleg tala dagsins því ekki höfðu
borist veiðitölur frá neðsta svæði ár-
innar þegar Morgunblaðið náði af
honum tali.
„Ef að þessi vika heldur áfram að
vera góð, þá verður þetta stærra en í
fyrra,“ segir Jóhannes og bætir við
að enn sé talsvert af stórlaxi að
ganga í ána. Aðspurður segir hann
stærsta lax sumarsins til þessa vera
97 cm. „En það eru margir yfir 90
cm og fullt af 80 cm löxum.“
Einar Lúðvíksson, umsjónar-
maður Eystri-Rangár, segir að um
500 stórlaxar séu komnir á land.
„Það voru miklar göngur í gær
[fyrradag], besti dagur sumarsins
með 58 laxa,“ segir Einar en um 80%
af veiddum fiski í ánni er að sögn
hans stórlax. „Ég myndi halda að
Eystri-Rangá sé nú önnur stærsta
stórlaxaá landsins á eftir Blöndu,“
segir Einar en alls eru um 1.500 lax-
ar komnir á land í Blöndu. Fram til
þessa hefur því stórlaxinn verið
mest áberandi í Eystri-Rangá.
Á Suður-, Austur- og Norðaustur-
landi hefur smálaxinn verið heldur
seinna á ferðinni í ár samanborið við
sama tímabil í fyrra. Segir Einar
fremur svölu sumri um að kenna.
„Það eru miklu kraftmeiri smálax-
agöngur á Vesturlandi enda hefur
verið hlýrra þar.“
Lax í hverjum hyl
Arnar Agnarsson, leiðsögumaður
í Laxá á Ásum, segir vel yfir 400 laxa
komna á land. „Við erum að vonast
til þess að komast yfir 1.000 laxa.
Það er rosalega gott vatn í ánni,“
segir Arnar en nýlega veiddu veiði-
menn þar 117 laxa á einungis þrem-
ur dögum. „Það virðist sem gömlu
Ásagöngurnar séu komnar aftur en
þetta er alveg verulega vel haldinn
og flottur lax.“ Áin er að gefa vel á
öllum svæðum þetta sumarið en það
hefur ekki verið raunin undanfarin
ár. „Það má segja að það sé lax í
hverjum hyl.“
Stórlaxar ráða ríkjum í Eystri-Rangá
 Smálaxinn heldur seinna á ferðinni í ár  Veiðimenn tóku 117 laxa á land á þremur dögum í Laxá
á Ásum  Norðurá trónir á toppnum með 2.285 laxa  Útlit fyrir fína hrygningu í Gljúfurá
Fagmaður Tryggvi Þór Hilmarsson með myndarlegan lax sem hann veiddi nýverið í Eystri-Rangá en hrygnan reyndist vera rúmlega fjórtán pund.
Aflahæstu árnar
Heimild: www.angling.is
Norðurá (15)
Þverá-Kjarrá (14)
Blanda (14)
Langá (12)
Haffjarðará (6)
Miðfjarðará (10)
Ytri-Rangá & Hólsá, V. (20)
Elliðaárnar (6)
Grímsá og Tunguá (8)
Eystri-Rangá (18)
Flókadalsá (3)
Hítará (6)
Laxá í Kjós (10)
Laxá í Leirársveit (6)
Laxá á Ásum(2)
Veiðivatn (Stangafjöldi) Veiði
Á sama
tíma í fyrra
685
402
675
490
668
553
935
620
239
908
197
320
218
148
92
Staðan 24. júlí 2013
2285
1857
1471
1175
1145
1101
847
697
680
645
522
480
461
431
425
Hvern ætlar þú að
gleðja í dag
Landsliðsnefnd LH og liðsstjóri ís-
lenska landsliðsins hafa tilkynnt
breytingar á landsliði Íslands í hesta-
íþróttum.
Vegna veikinda getur Oliver frá
Kvistum ekki tekið þátt í heimsmeist-
aramótinu í Berlín í næsta mánuði.
Eigendur og dýralæknar tóku þessa
ákvörðun með velferð hestsins í huga.
„Þetta eru slæmar fréttir fyrir ís-
lenska liðið og knapa Olivers, Daníel
Jónsson, sem verður þar af leiðandi
ekki með á HM,“ segir í tilkynningu.
Inn í liðið kemur því varahestur og
það er Hetta frá Ketilsstöðum undir
stjórn Hauks Tryggvasonar. Haukur
og Hetta hafa verið að gera það gott í
keppnum síðustu misserin og unnu
þau m.a. fimmganginn á þýska meist-
aramótinu á dögunum. Haukur mun
verða skráður í F1, T1 og gæð-
ingaskeið.
Önnur breyting verður á liði Ís-
lands, en Eyjólfur Þorsteinsson mun
fara með Kraft frá Efri-Þverá en ekki
Spyrnu frá Vindási. Kraftur er búinn
að vera varahestur Eyjólfs í gegnum
þetta ferli og nú er komið í ljós að
hann mun þurfa að skipta um hest
þar sem Spyrna er með áverka á fæti
sem trúnaðardýralæknir liðsins telur
það alvarlegan að ekki sé skyn-
samlegt að fara með hana út. Eyjólf-
ur verður skráður í F1, T2 og skeið-
greinar á Krafti.
„Fall er fararheill og liðið mun von-
andi einungis eflast við þessi skakka-
föll,“ segir í tilkynningunni.
HM farar Landslið Íslands í hestaíþróttum sem mun keppa í Berlín.
Breytingar á lands-
liði í hestaíþróttum