Morgunblaðið - Sunnudagur - 08.09.2013, Blaðsíða 27

8.9. 2013 MORGUNBLAÐIÐ SUNNUDAGUR 27
living withstyle
ILVA Korputorgi, s: 522 4500 laugardaga 10-18, sunnudagur 12-18,
mánudaga - föstudaga. 11-18:30 - www.ILVA.is
Sparaðu
25-50%
af öllum sumarvörum - lýkur
sunnudaginn 8. september
P
rentsmiðjan Reykjavík Letterpress er að hefja sinn fjórða vetur. Þær
Hildur Sigurðardóttir og Ólöf Birna Garðarsdóttir, grafískir hönnuðir,
keyptu gamla prentsmiðju árið 2010 og stofnuðu þessa skemmtilegu
vinnustofu sem sérhæfir sig í aldargamalli prenttækni, „letterpress“
sem snýst um áþreifanlega dýpt í prentun, samhliða alhliða grafískri hönnun.
Aðalvinnurýmið sem er opið og bjart var upphaflega byggt fyrir vélsmiðju afa
Hildar, Björgvini Frederiksen. Þetta er skemmtilega hrátt rými sem hentar
sérlega vel fyrir prentun, frágang og þá starfsemi sem þar fer fram. „Það
er einstaklega gaman að taka á móti fólki sem líður oft eins og það fari
til fortíðar innan um öll þessi gömlu tæki og tól.“ segja þær Ólöf og
Hildur sem telja jafnframt það besta við rýmið hvað sé bjart. Ólöf og Hildur
telja mikilvægt þegar innrétta skal vinnurými að halda því hráu og blanda
saman gömlu og nýju. „Við reynum líka að halda ákveðnum hluta sem n.k.
móttöku fyrir fundi þegar fólk er að skipuleggja t.d. brúðkaup eða aðra við-
burði og oftar en ekki er prentun í gangi sem er skemmtileg viðbót fyrir
gestina.“ Hildur og Ólöf sækja innblástur í gamla prentgripi og eru duglegar
að fylgjast með spennandi nýjungum í „letterpress“ heiminum hvað varðar tækni
og pappír.
Skúffurnar á setjara-
borðinu eru fullar af
blýletri. Áður fyrr var
því raðað saman staf
fyrir staf.
Ýmis verk úr smiðju Reykjavík Letterpress.
Vélsmiðja sem varð
að hönnunarstofu
AFTUR TIL FORTÍÐAR
Hönnunartvíeykið samanstendur af
grafísku hönnuðunum Ólöfu og Hildi.
* Rýmiðer hráttog hentar
mjög vel fyrir
starfsemina.
Stórir gluggar
og bjart.
REYKJAVIK LETTERPRESS ER SJARMERANDI HÖNNUNARSTOFA STAÐSETT Í MIÐBÆ
REYKJAVÍKUR. ÞAR STARFA GRAFÍSKU HÖNNUÐIRNIR HILDUR OG ÓLÖF EN ÞÆR HAFA
SÉRHÆFT SIG Í „LETTERPRESS“ PRENTTÆKNI OG ALHLIÐA GRAFÍSKRI HÖNNUN.
Texti: Sigurborg Selma sigurborg@mbl.is
Ljósmyndir: Kjartan Þorbjörnsson golli@mbl.is